رویداد های اخیر
چین برای نیروهای ویژه تاجیکستان در نزدیکی مرز افغانستان پایگاه می‌سازد
(Last Updated On: )
خبرگزاری رویترز به نقل از پارلمان تاجیکستان گزارش داده که قرار است چین هزینه ساخت یک پایگاه برای واحد نیروهای ویژه پولیس این کشور را در نزدیکی مرز تاجیکستان و افغانستان تامین کند.
رویترز امروز (پنج‌شنبه، ۶ عقرب) گفته است که این پایگاه در ولایت خودمختار گورنو-بدخشان، در کوه‌های پامیر ساخته خواهد شد. این منطقه با ایالت سین‌کیانگ چین و ولایت بدخشان افغانستان نیز هم سرحد است.
سخنگوی پارلمان تاجیکستان اما تأکید کرده است که هیچ نیروی چینی در این پایگاه مستقر نخواهد شد.
این پایگاه در حالی در مرزی افغانستان و تاجیکستان ساخته خواهد شد که هنوز هم تنش‌ها میان دوشنبه و حکومت امارت اسلامی پابرجاست.
