رویداد های اخیر
محمولهٔ کمک‌های بشردوستانه ایران برای سیلاب‌زده‌گان افغانستان رسید
(Last Updated On: )
نُخستین محمولهٔ کمک‌های بشردوستانهٔ ایران به سیل‌زده‌گان در افغانستان دیروز (پنج شنبه، ۳جوزا) به این کشور رسید.
راضیه عالیشوندی، معاون امور بین‌الملل جمعیت هلال‌احمر ایران، اعلام کرده است که این کمک‌ها در چارچوب همکاری‌های بشردوستانه به افغانستان ارسال شده است.
مقام‌های محلی در ولایت بلخ اظهار کرده‌اند که طیارهٔ حامل این کمک‌ها، شامل مواد خوراکی، دوا، فرش، کمپل و خیمه، روز پنج‌شنبه در میدان هوایی شهر مزار شریف نشست کرده است.
این درحالی است که ولایت‌های افغانستان از جمله بغلان، غور و فاریاب، طی دو هفتهٔ اخیر شاهد سرازیر شدن سیل‌های ویران‌گر و مرگ‌بار بوده‌اند. بر اثر این سیل‌ها، علاوه بر وارد شدن خسارات هنگفت مالی به مردم، صدها نفر نیز کشته و زخمی شده‌اند.
