بی بی سی پښتو
متحده عربي اماراتو د “پت” په نامه د ښځې د وژلو سزا سخته کړې
متحده عربي اماراتو دغه هېواد کې پر اسلامي قوانینو د بیا کتنې په لړ کې د هغو وژنو لپاره سزا سخته کړې چې د کورنۍ غړي د پت په نامه ښځې وژني.
د متحده عربي اماراتو حکومت ویلي دوی به د هغه قانون ته د بیا کتنې غوښتنه وکړي چې قاضیانو ته یې اجازه ورکړې د داسې وژلو سزا کمه کړي.
په متحده عربي اماراتو کې نارینه د کور ښځینه په ځینو مواردو کې په دې نامه وژلي چې د دوی په وینا خپلوانو ته یې بې عزتي اړولې ده.
حکومت وايي وروسته له دې به داسې جرایمو د وژنې په سترګه کتل کېږي.
د بشري حقونو ډلې وايي هر کال په نړۍ کې زرګونه ښځې په دې وژل کېږي چې ګواکې خپل کور یې شرمولی.
دوی له واده پرته جنسي اړیکه ټینګول چې که آن د تور تر کچې هم وي، د داسې وژنو عمده لامل بولي.
د دغو لاملونو له امله قتلونو ته د “د پت په نامه وژل” هم وايي، خو دا شرح خپل مخالفین لري چې وايي د داسې وژنو له پاره مناسبه اصطلاح نه ده.
متحده عربي امارات هڅه کوي له هغو ځینو نړیوالو نیوکو ځان وباسي چې ډېری مهال پر مسلمانو او په تېره بیا عربي هېوادونو کېږي چې ګواکي بشري حقونو ته ډېر پام نه اړوي.
ډبلیو اې ام خبري آژانس لیکي چې د پت په نامه وژنو ته د سختې سزا په ټاکلو متحده عربي اماراتو وښودله چې د ښځو حقونو ساتلو ته ژمنتیا لري.
ډبلیو اې ام وایي دا بدلون د ولسمشر شیخ خلیفه بن زاید آل نهیان له خوا د تایید شوي قانوني بدلونو یوه برخه ده. پر دې سربېره به حکومت هغه کارونه غیرجرمي کړي نورو ته یې زیان نه رسېږي، خو په دې اړه یې نور جزیات نه دي خپاره کړي.
څه موده وړاندې متحده عربي اماراتو د امریکا متحده ایالتونو په منځګړیتوب له اسراییلو سره ډیپلوماتیکي اړیکي عادي کړې.
-
جهان5 روز ago
امریکا در هیچ اقدام تلافی جویانه اسرائیل علیه ایران شرکت نخواهد کرد
-
علم و تکنالوژی4 روز ago
سقوط اپل از جایگاه بزرگترین فروشنده موبایل جهان
-
رویداد های اخیر5 روز ago
پاکستان مرحلهٔ جدید اخراج مهاجرین افغان را از امروز به اجرا میگذارد
-
رویداد های اخیر4 روز ago
حکمتیار: فضای افغانستان زیر اشغال قرار دارد، هیچنوع حضور امریکا را نمیپذیریم
-
ورزش4 روز ago
قرعه کشی فصل سوم لیگ قهرمانان افغانستان انجام شد
-
اخبار ساحوی2 روز ago
رهبر حماس برای مذاکره با اردوغان به ترکیه سفر میکند
-
رویداد های اخیر4 روز ago
رئیس جمهور ازبکستان با وزیر خارجه عربستان، صدراعظم قطر در مورد افغانستان و خط آهن افغان-ترانس گفتگو نمود
-
رویداد های اخیر4 روز ago
هشدار پولیس بلوچستان پاکستان به مهاجران افغان