رویداد های اخیر
روسیه در نزدیکی سرحد افغانستان هواپیماها جنگی جابجا کرد
رسانه‌های دولتی روسیه از جابجا نمودن چندین هواپیماهای جنگی “سوخوی ۲۵” روسی برای تمرینات مشترک نظامی در نزدیکی سرحد افغانستان در تاجیکستان خبرداده است.
قرار است از تاریخ ۵ تا ۱۰ ماه آگست تاجیکستان، ازبیکستان و روسیه در نزدیکی سرحد افغانستان در تاجیکستان تمرینات مشترک نظامی راه اندازی کنند.
این تمرینات در حالی راه اندازی می‌شوند که خشونت‌ها در افغانستان افزایش یافته و چندین ولسوالی در سراسر کشور میان طالبان و نیروهای امنیتی دست بدست شده اند.
پیش از این روسیه اعلام کرده بود که از تاجیکستان در برابر هرگونه خطر احتمالی از خاک افغانستان حمایت می‌کند.
سرگیی شایگو، وزیر دفاع روسیه در دیدار با شیرعلی میرزا همتای تاجیکستانی اش گفته بود که روسیه تسلیحات بیشتری در اختیار این کشور قرار خواهد داد.
روسیه همچنان وعده سپرده است که تاجیکستان را در امر ساخت پاسگاه در امتداد مرز این کشور با افغانستان، کمک می‌کند.
همچنان مقام‌های دو کشور روی اقدامات لازم برای مهار تهدیدها از جانب طالبان گفتگو کرده اند.
