اخبار ویژه
تبریکی غنی به امام علی رحمان برای انتخاب مجدد به عنوان رییس جمهوری تاجیکستان
(Last Updated On: )
محمد اشرف غنی رییس جمهوری کشور انتخاب مجدد امام علی رحمان را به عنوان رییس جمهوری تاجیکستان، تبریک گفت.
آقای رحمان با گرفتن ۹۰.۹۲ درصد آرا برای پنجمین بار به عنوان رییس جمهوری تاجیکستان انتخاب شده است.
در اعلامیه ارگ آمده است: “محمد اشرف غنی رئیس جمهوری اسلامی افغانستان عصر امروز طی تماس تیلفونی با امام علی رحمان، پیروزی مجدد وی را در انتخابات ریاست جمهوری تاجیکستان، تبریک گفت.”
بر اساس اعلامیه: در این مکالمه تیلفونی، رئیس جمهور غنی ضمن آرزوی موفقیت برای موصوف و سعادت و خوشبختی به مردم آن کشور، ابراز امیدواری کرد که با پیروزی مجدد رئیس جمهور امام علی رحمان، مناسبات میان افغانستان و تاجیکستان گسترش مزید یابد.”
