Connect with us

تازه خبرونه

ګاونډي هېوادونه هڅه کوي چې د افغانۍ ارزښت ټیټ شي

خپور شوی

د

(Last Updated On: لړم ۳, ۱۴۰۱)

vlcsnap-2015-04-07-16h47m25s59

د افغانستان بانک مسولین وایی، په دوه زره څوارلسم کال کې په دې توانیدلي چې د ګاونډیو هېوادونو د پیسو په وړاندې خپل پولي سیاست وساتي.

د افغانستان بانک سرپرستخان افضل هډه والپه افغانستان بانک کې د پولي ذخایرو د کموالي په اړه را ولاړې شوې اندیښنې ردوي او وایي، په تېر کال کې په دغه بانک کې پولي ذخیره زیاته شوې ده.

نوموړی وایي، که څه هم ناامنۍ پراخې شوي، له هېواده پیسې وتلې او ټاکنیزو لانجو خلک اندیښمن کړي، خو دوی بیا هم په دې توانیدلي چې د ګاونډیو هېوادونو د پیسو په وړاندې خپل پولي سیاست ثابت وساتي.

ښاغلی هډه وال وایی، ګاونډي هېوادونه هڅه کوي چې د افغانۍ ارزښت را ولویږي؛ خو افغانستان توانیدلی چې معقول پولي سیاست تعقیب کړي او د افغانیو ارزښت وساتي.

بلخوا د افغانستان بانک سرپرست وایی، چې دا مهال یې د بانک په ذخایرو کې په کافي اندازه پیسې شته او دغې برخه کې ځانګړې ستونزه نشته.

ښاغلی هډه وال وایي؛ د افغانیو په وړاندې د بهرنیو اسعارو زیاته تبادله د دغه بانک له لارې کیږي او دا د دې سبب شوی چې د افغانستان بانک په ذخایرو کې پیسې زیاتې شي.

vlcsnap-2015-04-07-16h47m53s80

خو اقتصادي کارپوه کاکوجان نیازی په تېرو دیارلسو کلونو کې د افغان حکومت اقتصادي سیاست ناسم بولي او نیوکه کوي چې د ملي یووالي حکومت باید د کورنیو تولیداتو د ودې لپاره مشخصه تګلاره په مخ کې ونیسي.

د افغانستان بانک سرپرست مني چې ځینې شته اقتصادي ستونزې له سیاسي تحولاتو سره تړلي؛ خو وایي چې بانک د افغانۍ د ارزښت د ثابت ساتلو لپاره کافي سرچینې په واک کې لري.

نوموړی وایي د بهرنیو اسعارو په ځانګړې توګه ډالر په وړاندې د افغانۍ د ارزښت د ثابت ساتلو لپاره ځانګړي پروګرامونه تر لاس لاندې لري چې بازار ته د بهرنیو اسعارو وړاندې کول او د افغانۍ ټولول هم په کې راځي.

خبریال: نعمت احمدي

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!