تازه خبرونه
که د افغانستان په المپیک کې ټاکنې ونشي هڅې به یې وځنډول شي
ورزشي کارپوهان وایي، که د افغانستان په المپیک کې اختلافونه پای ته ونه رسیږي؛ د نړیوال المپیک لخوا به یې هڅې وځنډول شي.
ورزشي کارپوه علي اکبر اصغر زاده په ډاګه کړې، چې د اوسنیو ستونزو د پای یوازنۍ لار ټاکنې دي.
د بدنې روزنې او ورزش رییس همایون خیری وایي، د المپیک ملي کمیته، چې یو نادولتي بنسټ دی؛ د افغانستان د ورزشي فعالیتونو د تنظیم مسوولیت ور پر غاړې شوی، خو په وروستیو دوه کلونو کې د دې کمیتي خپلمنځيو ستونزو سترې ننګونې را منځته کړې دي.
همدا اوس د المپیک ملي کمیتې مشري محمد ظاهر اغبر کوي او په همدې نوم د یو بل بنسټ رهبري محمود حنیف په غاړه لري.
دواړه کمیتې خپل تمویلوونکي لري؛ اغبر د آسیایې او نړیوالې شورا لخوا او حنیف د ولسمشر د لومړي معاونیت له لوري تمویلیږي.
د دواړو بنسټونو مشرتابه مقابل لوری تورنوي، چې ناقانونه دی.
د افغانستان د المپیک نړیوالې کمیتې رییس محمد ظاهر اغبر وایي، له مونږ پرته بل المپیک نشته او زه هیله من یم، چې سیاسیون دې اړتیا ته پاملرنه وکړي.
د المپیک ملي کمیتې سرپرست محمود حنیف وایي، لومړنی المپک همدا زمونږ المپیک و او دا بل وروسته رامنځته شوی دی، قانوني بڼه نلري.
په همدې حال کې آریانا نیوزته، چې کوم اسناد رسیدلي ښیي؛ د ولسمشر لومړي مرستیال د محمود حنیف سرپرستي تائید کړې؛ خو د آسیا د المپیک شورا او نړیوالې شورا په سایتونو کې د محمد ظاهر اغبر نوم درج دی، چې د افغانستان د المپیک ملې کمیتې د رییس په توګه یې یادونه شوې ده.
د اجرائیه ریاست مرستیال ویاند جاوید فیصل وایي، د افغانستان د المپیک ملي کمیته مشروعیت لري، چې په وینا یې نړیوال همدا بنسټ په رسمیت پېژني.
ټاکل شوې وه د تېر کال په وروستیو کې د دغې ستونزې اوارۍ لپاره د المپیک ریاست ته ټاکنې شوې وای؛ خو د المپیک نړیوالې کمیتې په دې برخه کې ټاکنې تر ناڅرګند وخته وځنډولې.
تازه خبرونه
د داعش خراسانی مشر د پاکستان په بلوچستان کې دی – رویټرز
رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.
د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.
رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.
رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.
د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.
له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.
د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.
ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.
تازه خبرونه
د رښتر پر کچه ۵ اعشاریه ۲ درجې زلزلې افغانستان ولړزاوه
د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.
دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.
دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.
تر اوسه د دې پېښې د ځاني او مالي زیان په اړه څه ندي ویل شوي.
تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.
تازه خبرونه
د بیات بنیاد د روژې مرسته د بلخ ولایت اړمنو ته ورسېده
بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.
د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.
نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.
هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.
بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.
-
تازه خبرونه3 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري4 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه4 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه4 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه5 days ago
د ښځو پر وړاندې د اسلامي امارت فرمانونه افغانستان پر بهرنیو مرستو متکي ساتي – رینا امیري
-
تازه خبرونه4 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
تازه خبرونه2 days ago
په کابل کې سلګونه اړمنې کورنۍ د بیات بنیاد د روژې له مرستو برخمنې شوې
-
سوداگري3 days ago
د افغانستان او پاکستان د سوداګرۍ استازیو پر ننګونو خبرې وکړې