Connect with us

تازه خبرونه

که حکومت ولس د بشري ځواک په توګه ونه دروي، افغان ځواکونه به مات شي-سیاف

خپور شوی

د

(Last Updated On: لړم ۲, ۱۴۰۱)

vlcsnap-2016-09-30-11h21m59s167

د سولې عالی شورا د پخواني رییس برهان الدین رباني د پېنځم تلین په نمانځغونډه کې د حراست شورا مشر عبد رب رسول سیاف د افغان ځواکونو تلفات د اندېښنې وړ وښودل او خبرداری یې ورکړ، چې که حکومت ولس د بشري ځواک په توګه ونه دروي، افغان ځواکونه به مات شي.

عبدرب رسول سیاف پر هغو کسانو سخته نیوکه کوي، چې مجاهدین د بشري حقونو په سرغړاوي او د هېواد په ورانولو کې ګرم ګڼي.

هغه وایي، هغوي به د دغه راز قضاوتونو ځواب ورکوي.

نوموړی دا کار یو خیانت ګڼي.

دی له حکومت غواړي چې هیچا ته اجازه ورنکړي، چې تاریخي او فرهنګي ارزښتونو ته زیان ورسوي او جهادي مشرانو ته سپکاوی وکړي.

اجرائیه رییس له ګلبدین حکمتیار سره د سولې هوکړه لیک ثبات ته د رسیدو په لار کې مهم ګام بولي.

vlcsnap-2016-09-30-11h27m36s7

هغه وایي ۲۳ کاله مخکې هڅې داوې، چې جهادي مشران یووالاي ته راوګرځي. اوس که څه هم ناوخته دی؛ خو له حزب سره د سولې هوکړه یو ستر ګام دی.

د اسلامي حزب مشرعبدالهادي ارغندیدوال وویل، مخالفین که جنګ روان وساتي؛ باید وپهیږي، چې جګړه د اسارت لپاره ده او مونږ اسیروي.          

د بهرنیو چارو وزیر صلاح الدین رباني؛ د برهان الدین رباني  او نورو هدفي وژنو د دوسیو د څېړلو غوښتنه لري او وایي، له اسلامي حزب سره د سولې هوکړه لیک لاسلیک هیڅ ډلې ته د قضایي خوندیتوب ورکولو په معنا نه دی.

هغه زیاتوي، د اړتیا په صورت کې د اسلامي حزب مشران باید د هېواد له ځمکنۍ بشپړتیا څخه د دفاع په لار کې له یاغي ډلو سره مقابلې ته ودریږي.

د بهرنیو چارو وزیر دغه راز ټینګار کوي، چې سیاسي نظام کې باید  جدي اصلاحات راشي او ټاکنیزو اصلاحاتو ته پلمه ونه شي.

د بلخ سرپرست والي عطا محمد نوربیا د واک پر عادلانه وېش ټینګار کوي او وایي، د عدالت له پلي کولو پرته ګرانه ده، چې سوله تامین شي.

د هغه په وینا؛ اوس د سولې وار رارسیدلی، که ملت خپل اختلافات یوې ډډې ته کړي او یو ځای شي، وینه توییونه به پای ومومي او بهرنۍ دسیسې به شنډې شي.

د یادونې وړ ده، چې په دې ناسته کې د مجاهدینو پر یووالي ټینګار وشو او برخوالو یې له ګډ دښمن سره د مبارزې بېلابېلې خواوې راوسپړلې.

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!