Connect with us

تازه خبرونه

کندهار به په روان لمریز کال کې له لمريزې برښنا برخمن شي

خپور شوی

د

(Last Updated On: لړم ۲, ۱۴۰۱)

 د کندهار د برښنا رياست وايي، چي په روان لمریز کال کې به د ٦٥ ميليون امريکايي دالرو پر ارزښت له لمريزې برښنا ګټه پورته شي.

د کندهار د برښنا شرکت ریيس د شنبې په ورځ( د وري ۱۸) په يوه خبري ناسته کې وويل: له کجګي څخه تر کندهار او لښکرګاه ښارونو پوري د برښنا نوې پايې او مزي غزيدلي او په راتلونکیو څو اوونيو کي د کجکي برښنا له نوي سيستم سره خلکو ته وړاندې او د برښنا د لږوالي ستونزه به حل شي.

د کندهار د برښنا شرکت ریيس امان الله ايوب فاروقي وايي، له دې سره به د کجکي بند ٥١ ميګاواته برښنا ولري او تر څنګ یې د لمريزې برښنا پروژې چارې هم چټکې شوي، چي د روان کال تر وروستيو پورې ګټې اخیستنې ته وسپارل شي.

ښاغلی فاروقي زیاتوي؛ د لمريزې برښنا پر لومړۍ پروژې ١٨ ميليون امريکايي دالر او پر دوه یمه پروژه، چي ٣٠ ميګاواته برښنا به توليد کړي ٤٧ ميليون دالر لګښت راځي.

هغه دا هم په ډاګه کړې، چې سربېره پر دې د کندهار پر دهلې بند هم کار پيليږي، چي تر ٢٠٢٠ کال پوري به له هغه څخه هم لس ميګاواته برښنا توليد او تر لاسه شي.

د هغه د څرګندونو له مخې؛ له کابل څخه د وارداتي برښنا مزي هم تر غزني ولايت پوري را رسيدلي، چي په ټوله کې به د دې پروژو له عملي کيدو سره د برښنا په برخه کي ټولي ستونزي حل شي. له دې وروسته به د کندهار په پنجوايي کې د پېنځه ميګاواته لمريزي برښنا او په روزګان کې د پېنځه ميګاواته لمريزې برښنا پروژې هم پيل شي.

خبریال: بريالي رحيمي

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!