Connect with us

تازه خبرونه

کندهار: د سولر برېښنا پروژه به ډېر ژر په کار پيل وکړي

خپور شوی

د

(Last Updated On: لړم ۳, ۱۴۰۱)

دکندهار دبرېښنا شرکت وايي چې دسولر برېښنا پروژه د ځاى د نشتوالي له امله ځنډېدلې او ډېر ژر به يې كار پيل شي. د كندهار د برېښنا رياست مرستيال وايي چې د دغه پروژې له پاره د ځمكې د نشتوالي ستونزه هم اواره شوې او كار به يې ژر پيل شي. په همدې وخت كې د كندهار اوسېدونكي له دولت غواړي چې د دوى د برېښنا ستونزه ژر حل كړي.

اټکل شوي وه چي په تېر کال کې دکندهار له پاره لس مېګاواټه لمريزه برېښنا دشپږو مياشتو په موده کي دلس ميليونو امريکايي ډالرو په ارزښت دامريکا دنړيوالې ادارې په مالي مرسته جوړه شي خو ديوه کال په تېرېدو سره لاهم ددېبرېښنا کار پرځاى پاتې دى.

ددې ولايت دبرېښنا شرکت تجارتي مرستيال وايي چې تېر کال يې اراضي ادارې ته وړانديز کړى وو چې ددې پروژې دعملي کولو له پاره ځمکه ورکړي خو په هېواد کې دسياسي کړکېچ له امله دغه پروژه وځنډېده چې اوس يې کارونه بشپړ شوياو ډېر ژربه يې عملي کار هم پيل شي.

دکندهار دبرېښنا تجارتي مرستيال امان الله ايوب فاروقي وايي: «د دې پروژې د قرارداد او ځمکې ورکولو ټول کارونه بشپړ شوي دي. د افغانستان د برېښنا شرکت هڅه کوي چې دا کار ډېر ژر عملي شي.»

هغه وايي نه يوازي پر دې سربېره دوو نورو شرکتونو هم وړانديز کړى چي په کندهار کي لمريزه برېښنا جوړه کړي چي وروسته به يي کارونه پيل شي. هغه د دغه شركتونو د وړانديزو په اړه جزيات ورنه كړل. په ورته وخت کې دکندهار اوسېدونکي وايي که برېښنا جوړه شي نو صنعتي فابريکي به فعالې او دکارزمينه به برابره شي.

داپه داسې حال کې ده چې تېر کال دکندهار په صنعتي پارکونو کېنيژدې سل بېلا بېلي توليدي فابريکې دبرېښنا دنشتوالي له امله وتړل شوې او لاهم تړلي پاتې دي.

خبريال: بريالی رحيمي

Advertisement

تازه خبرونه

افغانستان او چین په سیمه کې پوره همغږۍ او همکاریو ته اړتیا لري – امیر خان متقي

Published

on

(Last Updated On: غویی ۴, ۱۴۰۳)

د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.

امیر خان متقي دغه څرګندونې په کابل کې د چین له سفیر ژاو‌شینګ سره په کتنه کې کړې دي.

د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.

د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.

امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.

د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.

هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.

Continue Reading

تازه خبرونه

راشد خان د افغان بیسیم سوداګریز سفیر شو

Published

on

(Last Updated On: غویی ۴, ۱۴۰۳)

د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.

یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.

راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.

هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.

Continue Reading

تازه خبرونه

د اسلامي همکاریو ټولنې پلاوي د اروپايي ټولنې له استازې سره ولیدل

Published

on

(Last Updated On: غویی ۴, ۱۴۰۳)

د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.

په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.

میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.

هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.

له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.

Continue Reading

Trending

Copyright © 2022 Ariana News. All rights reserved!