تازه خبرونه
په هلمند کې د خنجر ۰۱۳ عمليات پيل شول
د هلمند چارواکي وايي چې د وسله والو مخالفينو په وړاندې يې د خنجر په ۰۱۳ په نوم عمليات پيل کړي دي.
چارواکي وايي دا عمليات د هغو سيمو د بېرته نيولو په موخه پيل شوي چې شاوخوا شپږ مياشتې وړاندې وسله والو مخالفينو تر خپلې ولکې لاندې راوستي دي.
په ورته وخت کې د هلمند ولايتي شورا وايي دا عمليات بايد د تېر په څېر نه وي او تر څنګ يې بايد د ملکي وګړو ژوند ته پوره پاملرنه وشي.
د خنجر ۰۱۳ عمليات د چهارشنبې په شپه شاوخوا اته بجې د دې ولايت په مارجې، نادعلي، د نهرسراج په ځينو سيمو او د لښکرګاه په باباجي حوزه کې پيل شول.
د هلمند د والي وياند عمر ځواک وايي: “په ځينو سيمو کې کوماندو ځواکونه ځای پر ځای شوي ترڅو نورو ځمکنيو ځواکونو او همدا راز هوايي ځواک ته د پوځي فعاليت زمينه برابره کړي.”
ځواک زياتوي چې په دې عملياتو کې د کورني هوايي ځواک سربېره ملي اردو، ملي پوليس او ملي امنيت برخه لري ترڅو يادې شوې سيمې له وسله والو طالبانو څخه خلاصې کړي.
عمر ځواک وايي: “د هلمند والي د سيمې له خلکو غوښتي چې په خپلو کورونو او جوماتونو کې وسله والو مخالفينو ته ځای ور نه کړي او ډاډ ورکوي چې د دوی سر، مال او عزت به په پوره ډول خوندي وي او وسله والو مخالفينوته به هم اجازه ورنه کړي چې د خلکو په وړاندې ستونزې جوړې کړي.”
په همدې وخت كې د هلمند ولايتي شورا عبدالمجید اخندزاده وايي: “په عملياتو کې بايد د ملکي خلکو ژوند ته ډېره پاملرنه وشي او هغه کورنۍ چې له سيمې کډوالې کېږي د هغوی له پاره مرستې په خپل وخت ورسول شي اود تېر په څېر شخصي جيبونو ته لاره پيدا نه کړي.”
دوی که څه هم دې عملياتو ته هيله من دي خو وايي که چېرې د تېرو نورو عملياتو په څېر په کې شخصي ګټې وپالل شي نو دا ځل به دوی هم کرار پاتې نه شي په احتجاجونو او لاريونونو به لاس پورې او د مجازاتو او مکافاتو د اصل د پلي کېدو غوښتنه به وکړي.
خبريال: نعمت الله زهير
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
تازه خبرونه23 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
نړۍ21 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی22 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري