Connect with us

روغتيا

په كابل كې له سوزيدنې د مخنيوي لومړنۍ هڅې پيل شوې

خپور شوی

د

(Last Updated On: لړم ۳, ۱۴۰۱)

په افغانستان كې د تېركال په پرتله د سوزيدنو په پېښو كې زياتوالى راغلى دى.

د افغانستان د عامه روغتيا وزارت وايي، چې:

د دغو پېښو دولس سلنه د ځان سوزونې پېښې دي، چي ښځو په كې د ځان وژنې هڅه كړې او نورې يې د بې كيفيته سون توكو د كارولو له لامله رامنځته شوې دي.

دغه وزارت د سوزيدنې د پېښو زياتيدل د بې كيفيته گازو او تېلو كارول او خرڅلاو، د كورنيو بې احتيا طي او كورنى تاوتريخوالى بولي.

د افغانستان د عامه روغتيا وزارت د سوزيدنې د مخنيوي په موخه د عامه پوهاوي  لومړنى  ملي كمپاين د سه شنبه په ورځ(د وږي په ۱۵)  په كابل كې د استقلال له رو غتون پيل كړ.

د عامه روغيتا وزارت سرپرسته ثريا دليل وايي، چې:

اوس په ټول هېواد كې درې روغتونه لكه استقلال، اندرا گاندي او د هرات په ولايت كې د سوزيدليو درملنه كيږي.

نوموړې وايي:

په روان كال كي د تېرپه پرتله د سوزيدنې پېښې ډېرې شوي، چې له تېركال راپديخوا په دې روغتونو كې د سوزيدنې ۲۲ زره پېښې ثبت شوې دي.

د عامه روغتيا وزارت سرپرسته او په استقلال روغتون كې يو شمېربسترناروغان د دغو پېښو د رامنځته كيدو اصلي لاملو نه په هېواد كې د بې كيفيته سوند توكيو خرڅلاو او استفاده، د هغو په كارولو كې د  كورنيو او اشخاصو  نه پاملرنه او د گازاو پخلي د غيرمعياري وسايلو كارول بولي.

د عامه رو غيتا وزارت چارواكې وايي، چې:

له همدې كبله غواړي په ټولنه كې په دې اړه د عامه پوهاوي كچه لوړه كړي، چې ددغو پېښو شمېر لږ كړي.

د عامه روغتيا وزارت سرپرسته څرگندوي، چې:

د حج، اوقافو او پوهنې وزارتونو په همكارۍ به دا كمپاين عملي شي.

نوموړې وايي:

د ثبت شويو ارقاموله مخې په تېركال كې د سوزيدو له لامله ۲۳۴ تنو ژوند له لاسه وركړى دى.

د عامې روغتيا وزارت له رسنيو څخه غواړي، چې د سوند توكو د كارولو په اړه د خلكو د پوهاوي د كچې په لوړولو كې خپله ونډه ادا كړي

Advertisement
Click to comment

Leave a Reply

Your email address will not be published. Required fields are marked *

روغتيا

قلندر عباد د روغتیایي سکټور ملاتړکوونکیو بنسټونو ته د افغانانو اړتیاوې وړاندې کړې

Published

on

(Last Updated On: کب ۱۰, ۱۴۰۲)

د افغانستان اسلامي امارت د عامې روغتیا وزارت چارسمبالي قلندر عباد د پنجشنبې پر ورځ ( د کب لسمه ) د قطر په پلازمېنه دوحه کې د روغتیایي سکټور د ملاتړو بنسټونو په غونډه کې ګډون وکړ او د افغانانو پر روغتیایي اړتیاوو یې خبرې وکړې.

په دې غونډه کې قلندرعباد د روغتیايي سیسټم د اصلاح، ګډې څارنې، روغتیايي ځان‌بسیاینې، د کلیو او ولسوالیو پر کچه د روغتیايي خدمتونو معیاري کولو او هر اړخیزو روغتیايي خدمتونو د وړاندې کولو په اړه خبرې وکړې.

نوموړي په روغتیایي برخه کې له نړیوالو همکارانو وغوښتل، چې د اداري لګښتونو د کمولو او د مرستو په سمو او ډاډمنو رسولو کې ډېرې هڅې وکړي.

د نوموړي د څرګندونو له مخې؛ که د ډېرو اداري لګښتونو مخه ونیول شي، د روغتیايي خدمتونو د لګښتونو پر برخه به مثبت اغېز ولري.

همدارنګه عباد ټینګار کړی، چې د هېواد د کنګل شوې شتمنۍ ازادېدا به د روغتیایي سکټور په ځانګړي توګه د میندو او ماشومانو لپاره ګټوره وي.

د قلندر عباد د څرګندونو له مخې؛ دا د افغانستان د روغتيايي سيسټم د خپلواکۍ، د روغتيايي خدمتونو د پراختيا او معياري کولو لپاره يو ستر او مثبت ګام دى، چې بايد نړيواله ټولنه يې ومني.

Continue Reading

روغتيا

د ګوزڼ واکسيناسيون فرعي کمپاين پيل شو

Published

on

(Last Updated On: کب ۷, ۱۴۰۲)

د افغانستان عامې روغتیا وزارت د نړیوالو بنسټونو پر همکارۍ نن (دوشنبه د کب اوومه / د فبرورۍ شپږویشتمه ) د ګوزڼ یا پولیو واکسین د پلي کېدا د فرعي کمپاین دوه‌یم پړاو پیل کړ.

د پولیو واکسین دغه څلور ورځنی کمپاین به د هېواد په بېلابېلو سیمو کې پلی شي.

د دغه کمپاین موخه له پېنځه کلنو څخه کم عمره اووه اعشاریه شپږ میلیون ماشومانو ته د ګوزڼ ویروس پر وړاندې واکسین پلی کیږي.

د عامې روغتیا وزارت چارسمبالي قلندر عباد ویلي: مونږ د خپلو کاري شریکانو پر همکارۍ په افغانستان کې د ګوزڼ ناروغۍ له منځه وړلو ته ژمن یوو. مونږ شپه او ورځ کار کوو او په ټول هېواد کې د پولیو د بشپړ له منځه وړلو هدف ته د رسېدو لپاره د پولیو واکسین کمپاینونو او روغتیايي خدمتونو ته دوام ورکوو.

هغه زیاته کړې: د ګوزڼ د له منځه وړلو په چارو کې د ټولو افغانانو په ځانګړي توګه د سپین‌ږیرو، د سیمې د مشرانو او دیني عالمانو ملاتړ مهم دی. دا د دوی لپاره اړینه ده، چې د ګوزڼ پر وړاندې مبارزه کې برخه واخلي او خپل ماشومان روغ وساتي.

ګوزڼ يوه ويروسي ناروغي ده، چې درملنه يې نه‌کېږي او يوازې د واکسيناسيون په واسطه وقایه او مخه یې نيول کېدی شي.

Continue Reading

روغتيا

په روان ژمي کې څه باندې ۲۸۶ زره کسان پر تنفسي ناروغیو اخته شوي

Published

on

(Last Updated On: کب ۵, ۱۴۰۲)

د روغتیا نړیوالې ټولنې څرګنده کړې؛ د افغانستان په ۳۴ ولایتونو کې د ژمي له پیل راپدیخوا له ۲۸۶ زره ډېر کسان پر تنفسي ناروغیو اخته شوي، چې ۶۶۸ کسان ترې مړه شول.

د دې ټولنې د څرګندوونو له مخې؛ له ۶۳ سلنې ډېر ناروغان له پېنځه کلونو کم عمره ماشومان او نږدې ۵۰ سلنه یې ښځې دي.

د راپور په یوه برخه کې راغلي: د سوړ موسم له پیل راپدیخوا په افغانستان کې د تنفسي ستونزو د ناروغانو شمېر زیات شوی دی. د ۲۰۲۴ ز.کال د جنورۍ له لومړۍ څخه د افغانستان په ۳۴ ولایتونو کې له ۲۸۶۰۰۰ څخه زیات کسان پر تنفسي ناروغیو اخته شوي او په ټولیزه توګه ۶۶۸ کسان ترې مړه شوي دي.

د افغانستان عامې روغتیا وزارت ويلي، چې په دې وروستیو کې د تنفسي ناروغیو د ناروغانو شمېر ډېر شوی او په ۲۰۲۳ ز.کال کې له دغه وزارت سره له دوه اعشاریه ۹ میلیون ډېر تنفسي ناروغان ثبت شوي دي.

د افغانستان د عامې روغتیا وزارت د چارواکو د څرګندونو له مخې، ډېري ناروغان ماشومان او لویان دي.

یو شمېر ډاکټران په هېواد کې د تنفسي ناروغیو د زیاتوالي لامل د هوا ککړتیا ګڼي او وايي، چې په پوره تنفسي ناروغیو اخته ناروغانو ته باید د اړینو درملو د اخیستو ترڅنګ مناسبه تغذیه هم ورکړ شي.

دا په داسې حال کې ده، چې هر کال د سوړ موسم په رانږدې کېدو او د هوا د ککړتیا له زیاتېدو سره په هېواد کې پر تنفسي ناروغیو د اخته کسانو شمېر ډېرېږي او ډېري ماشومان د دې ناروغیو له ګواښ سره مخ کېږي.

Continue Reading

Trending

Copyright © 2022 Ariana News. All rights reserved!