Connect with us

تازه خبرونه

په جلال آباد کې د عامه پارکونو دغصب لړۍ پیل شوې

خپور شوی

د

(Last Updated On: لړم ۳, ۱۴۰۱)

9

له تيرو دوه مایشتو راهیسې دجلال آباد ښارپه زړه کې د عامه پرپارکونو او لویو سړکونودغصبولو لړۍ پیل شوې، چې خلک یې سخت اندېښمن کړي دي.

د جلال آباد استوگن وايي، دښار دپارکونوپه غصب کې زورواکواوچارواکولاسونه یو کړي.

ننگرهارهغه ولایت دی، چې دپخواني ولسمشردواکمنۍ پرمهال په کې تربل هر ځایه ډېرې دولتي ځمکې غصب شوې؛ خو اوس دښارهرې سیمې کې دا حال دی.

د عبدالحق مینې ته څیرمه د سړکونوپه منځ کې یو پارک دی، چې له تېرو دوه اوونیو راهیسې د سرپرست والي او سرپرست ښاروال په اجازه پرته له قانوني اسنادو یې د غصب کار پیل شوی دی.

خلک وايي، په همدې او یو شمېر نورو سیمو کې د جوماتونو اوښوونځيو پرځمکو هم زورواکو کورونه جوړول پیل کړي.

دوی له ولسمشرڅخه د دې حالت د مخنیوي غوښتنه کوي.
هغو په ډاگه کړي، چې د سرپرستانو د بې غورۍ او بې تفاوتۍ له کبله زورواکانو د خلکو د شخصي ملکیتونو غصبول هم پیل کړي دي.

دوی خبرداری ورکوي، چې که مرکزي حکومت د ننگرهار د اوسني بدحالت د ښوالي له پاره لاس په کارنه شي؛ پرضد به یې لارو کوڅوته راووځي.

د ننگرهارسرپرست والي محمدخنیف گردوال دغلته داغصب مني؛ خو په مخنیوي کې ځان عاجزبولي.

په ښارکې دپارکونو،سړکونو، جوماتونو او ښوونځيودځمکود غصب په اړه دننگرهارښاروالۍ مسوولین له خبرو ډډه کوي.

د همدې ستونزې په مخنیوي کې د پاتې راتلو له کبله د ننگرهار پخواني والي عطاالله لودین استعفاورکړه، چې دهغه له تگ سره سم د غصب لړۍ لاپسې پراخه شوه.

د یادونې وړ ده، چې اوږدې سرپرستۍ دهېود د نوروسیمو په څیر د ننگرهارحالت هم ډېرخراب کړی دی.

خبریال: رحمت الله زیارمل.

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!