تازه خبرونه
په جلال آباد کې حکومتي مسوولین د ځان ساتنې فکر لري
په جلال آباد ښار کې حکومتي چارواکو د ځان ساتنې په موخه د ترافیکو پرمخ لویې لارې تړلې ، چې له کبله یې خلکو ته ګڼې ستونزې پيدا شوي.
هغه وخت، چې په جلال اباد آباد کې څلور سوه زره انسانان اوسیده ، یوه لاره او کوڅه یې هم د ترافیکو پرمخ نه وه تړل شوې؛ خو اوس، چې په کې درې سوه زره انسانان ژوند کوي له نیمو ډېرې لارې او کوڅې یې زورواکو، ولسي استازیو، حکومتي چارواکو او ځينو بنسټونو د ترافیکو پرمخ تړلي.
د کابل – جلال آباد لویه لار ډېره کله د ننګرهار امنیه قومندان د خپل کورد امنیت د خوندیتوب په موخه تړلې وي.
د شاهي ماڼۍ چاپيره لویې لارې والي، د تورخم – جلال آباد لویه لار د استناف محکمې او هوايي ډګراو د ښار په زړه کې یوشمېر سترې کوڅي ولسي استازیو او بهرنیو دیپلوماتیکو ادارو تړلي وي، چې دې چارې د خلکو ژوند خورا ترینګلی کړی دی.
ځايی استوګن وايي، له یوې خوا یې د دقیقو مزل ساعتونه نیسي او له بلې خوا یې کار و بار خراب شوی.
دوی وايي چارواکي د ولس پرځای اوس یوازې د خپل ځان د ساتلو په فکرکې دي.
د ننګرهار والي سلیم خان کندوزی وايي، د شاهي مانۍ ترڅنګ لارې د مهمو ناستو او اړتیا له مخې تړي.
هغه زیاتوي، د لارو د خلاصولو له پاره یې یو کمیسون ته دنده سپارلې او ډېر ژربه اقدامات ترسره شي.
د ننګرهارخلک وايي، له تېرو څو میاشتو راهیسې د دې ولایت امنیتي حالت ورځ تربلې خرابیږي.
د دوی په وینا؛ امنیتي ځواکونه د امنیت د خوندیتوب له پاره قربانۍ ورکوي؛ خو په رهبرۍ کې د ځينو ستونزو له کبله نه یوازې دا، چې امنیت ښه کېدلی نشي، بلکې دلابدترۍ لوري ته روان دی.
د یادونې وړ ده، چې حکومتي چارواکي رسنیو ته د لارو د خلاصولو ژمنې کوي؛ خو حتا ترانزیتي لارې هم د خلکو او ترافیکو پر مخ ساعتونه ساعتونه تړلې وي.
خبریال: رحمت الله زیارمل
تازه خبرونه
د کورنيو توليداتو د کيفيت او صنعتي ودې لپاره دې هڅې ګړندۍ شي – مولوي عبدالکبير
د ریاست الوزراء سياسي مرستیال مولوي عبدالکبير د سې شنبې پر ورځ ( د وري اتهویشتمه ) په سپېدار ماڼۍ کې د صنعت او سوداګرۍ وزارت له چارسمبالي نورالدين عزيزي سره وکتل.
نورالدین عزيزي ويلي، له ګاونډ هېوادونو سره ښې سوداګريزې اړيکې د دې لامل شوي، چې په هېواد کې دننه بيې په ښه حالت کې پاتې شي او د لارو بندېدا به پر بازار منفي اغېز ونکړي.
عزیزي زیاته کړې؛ د صنعت او سوداګرۍ وزارت له خصوصي سکټور سره همکار دی، چې له اغېزې یې خصوصي سکتور هم په سمه توګه فعالیت کوي او اسلامي امارت ورته لازمې اسانتیاوې برابرې کړې دي.
د نوموړي د څرګندونو له مخې؛ د اسلامي امارت د ښې اقتصادي پالیسۍ پر بنسټ د سیمې له هېوادونو سره په صادراتو او وارداتو کې د پام وړ پرمختګونه شوي دي. همدارنګه د افغانستان محصولات د منځنۍ آسیا په هېوادونو کې ښه بازار لري او د بازار موندنې لپاره یې په نورو بازارونو کې هم نندارتونونه جوړ کړي دي.
دغه راز مولوي عبدالکبیر د سوداګرۍ او صنایعو وزارت د رهبرۍ له هڅو ستاینه وکړه او څرګندوي: د امارتي ادارو بېسارې هڅې او د افغانۍ د بیې ثبات د دې لامل شوی، چې د خوراکي توکو بیې په ټیټه بیه کې پاتې شي او خلک مو د اړینو توکو د پیرودلو وس ولري.
مولوي عبدالکبیر له ګاونډ هېوادونو سره په سوداګرۍ کې د انډول پر ساتلو د ټینګار ترڅنګ زیاته کړې، چې د کورنیو تولیداتو د ښه کیفیت او د صنعت د ودې او پراختیا په برخه کې باید نورې هڅې هم وشي.
تازه خبرونه
روسیې او تاجکستان د افغانستان پولې ته نږدې ګډ پوځي تمرینات پیل کړل
د روسيې دفاع وزارت په خبرپاڼه کې راغلي؛ دغه پوځي روزنیزې هڅې د اپرېل پر پنځلسمه پيل شوي او د اپرېل تر اتلسمې به روانې وي، چې د ترسره کېدو موخه يې له ناقانونه وسلهوالو ډلو سره د مبارزې او د دولتي پولو ساتنه ده.
د روسيې دفاع وزارت زیاته کړې: د دغو پوځي روزنیزو هڅو د پرانستلو مراسم د تاجکستان د ختلان سيمې د خرب – میدون په غرنۍ دښته کې ترسره شول. دا دوه اړخیزې روزنیزې هڅې به د اپریل له پېنځلسمې څخه تر اتلسمې پورې روانې وي.
د روسیې دفاع وزارت ویلي، چې په دغو ګډو هحو کې د ترهګرو ډلو د له منځه وړلو لپاره د وسلهوالو ځواکونو د کارولو تنظیم، په غرنیو شرایطو کې د دندو د ترسره کولو لپاره د ځواکونو چمتو کول او د روزنې او عملي تجربې موضوع شامله ده. د روسیې پوځي ډله، چې په هڅو کې برخه اخلي په ټولیزه توګه په تاجکستان کې میشت د ۲۰۱ پوځي اډې سرتېري دي، چې د دې هېواد له پولو بهر د روسیې ترټولو لویه پوځي اډه ده.
د ګډ امنیتي تړون ټولنې غړي هېوادونه له افغانستان څخه د ګواښونو پر زیاتوالي اندېښمن دي او د دغو ګواښونو د مخنیوي لپاره پر همکارۍ ټینګار کوي. تاجکستان، قزاقستان، قرغزستان، ارمنستان، بیلاروس او روسیه د ډله ییز امنیتي تړون غړي دي.
په افغانستان کې له ۲۰۲۱ کال راپدیخوا روسیې او تاجکستان د لومړي ځل لپاره له افغانستان سره پولې ته څېرمه ګډ تمرینونه وکړل.
په ورته وخت کې اسلامي امارت د هېوادونو اندېښنې بې بنسټه بولي او وايي، چې د افغانستان خاوره به د هېڅ هېواد پر ضد ونه*کارول شي.
تازه خبرونه
د رسنیو سرغړونې کمیسیون د دوه ټلویزیوني شبکو د تړلو سپارښتنه وکړه
د باختر خبري سرچینې د څرګندونو له مخې؛ د سې شنبې پر ورځ ( د وري ۲۸ ) د رسنیو د سرغړونو مخنیوي کمیسیون د نور او بریا ټلویزیونونو ته سپارښتنه کړې، چې خپرونې ودروي او محکمې ته حاضر شي.
ویل کیږي، چې د دغو شبکو پر وړاندې پرېکړه د ژورنالیزم د اصولو نه مراعاتولو له کبله رامنځته شوې ده.
-
لوبی2 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي2 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
سیمه ییز خبرونه4 days ago
پر ایران به د اسرائیلو برید له سخت ځواب سره مخ شي
-
سیمه ییز خبرونه4 days ago
ایران پر اسرائیلو د بې پیلوټه الوتکو او توغندیو غچ اخیستونکی برید ترسره کړ
-
تازه خبرونه2 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
نړۍ3 days ago
امریکا به پر ایران د اسرائیلو په ځوابي برید کې برخه وانخلي
-
تازه خبرونه2 days ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
نړۍ19 hours ago
امريکا او متحدین یې پر ايران د نورو بنديزونو لګولو هڅې کوي