Connect with us

تازه خبرونه

په افغانستان کې د خبریالانو په وړاندې تاوتریخوالی زیات شوی- نی

خپور شوی

د

(Last Updated On: لړم ۲, ۱۴۰۱)

vlcsnap-2016-10-31-09h35m11s243

له آزادو رسنیو ملاتړ ادارې(نی)د راپورله مخې؛په افغانستان کې لهخبریالانو سره تاوتریخوالی د پام وړ زیات شوی دی.

 د افغانستان د آزادو رسنیو ملاتړ ادارې (نی)مسوولینو د یکشنبې په ورځ له خبریالانو سره د جرمونو د معافیت د پای ته رسولو دنړیوالېورځپه ناسته کېوویل،چې له خبریالانو سره روان تاوتریخوالی د اندېښنې وړ دی.

د دغې ادارې ريیس صدیق الله توحیديوايي؛دا لومړی ځل دی،چې د څلور ولایتونو خبریالانو ته په ډله ییزه توګه ګواښ کیږي.

د نی ادارې د شمېرله مخې؛په روان کال کې له خبریالانو سره د تاوتریخوالي، ۳۷۷پېښې،چې دیارلس یې د قتل دي، رامنځته شوې دي.

دوی زیاتوي،چې په تېرو دوهمیاشتو کې ۹۶خبریالان په کندز، ۷۵په هلمند، ۱۰۸په فراه او دیارلس په روزګان کې یا په لنډ مهاله توګه بېځایه شوي او یا یې هم  دندې له لاسه ورکړي دي.

توحیدي وايي،چې حکومت هم لهخبریالانو سره د تاوتریخوالي پېښې بابیزه ګڼي.

د دغې ادارې مسوولین وايي،چې د روان کال په لس میاشتو کې له خبریالانو سره شوی تاوتریخوالي د تېرو اتهکلونو له تاوتریخوالي سره برابر دی.

په روان کال کې دیارلس خبریالان او د رسنیو کارکوونکي وژل شوي او دا دی د هشت صبح ورځپاڼې انټرنټ پاڼه تازههک شوې ده.

که څه هم د ملي امنیت شورا له خبریالانو سره د تاوتریخوالي د مخنیوي او د هغوی د خوندیتوب مقرره منلې او ولسمشرۍ ماڼۍ اطلاعاتو ته د لاسرسي د قانون د پلي کیدو په اړه ځانګړی فرمان صادر کړی؛خو په عمل کې له خبریالانو سره د تاوتریخوالي پېښې زیاتې شوېدي.

د نی ادارې مسولینو په وینا، سخت دریځي، یو شمېر حکومتي چارواکي، ولایتي مسوولین، خصوصي سکتورونهاو لاریون کوونکي له خبریالانو سره په تاوتریخوالي کې ښکېل بنسټونه دي.

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!