Connect with us

تازه خبرونه

په افغانستان کې باید د فساد او جنګ په وړاندې هڅې بېلې نشي-ساپکو

خپور شوی

د

(Last Updated On: لړم ۲, ۱۴۰۱)

_93021650_160505123602_ghani_arg_corruption_640x360_arg_nocredit

سیګار وايي، په افغانستان کې د وسلوالو مخالفینو او اداري فساد پرضد هڅې له یوه او بله سره تړلي دي.

د افغانستان لپاره د امریکا د بیا رغونې عمومي ادارې ‘سیګار’ څارونکی جان ساپکو رسنیو ته ویلي، چې دا دوه هڅې له یوه بله نه شي بېلېدلی.

سیګارپه ډاګه کړې؛ که افغانان غواړي د طالبانو یا داعش پرضد وجنګېږي، نو باید د اداري فساد پرضد هم مبارزه وکړي؛ ځکه له قراردادونو غلا شوې پیسې طالبانو او د افغان حکومت نورو مخالفو ډلو ته رسیږي.

د نوموړي په وینا؛ سیګار نه یوازې په افغانستان کې پر فساد ککړ خلک څاري، بلکې له دغه هېواده بهر یې هم په لټه کې دی.

دغه راز دې ادارې په افغانستان کې له پروژو غلا شوي او ضایع شوي نږدې دوه میلیارد دالر هم بېرته ترلاسه کړي دي.

ساپکو د هغو افغانانو ستاینه کړې، چې د بیا رغونې په اړه د فساد د مخنیوي په لړ کې همکاري کوي او له نورو افغانانو يې هم وغوښتل، چې خپله همکاري ورسره پراخه کړي.

د سیګار مفتش ساپکو وایي،د اداري فساد پرضد مبارزه چټکه نه ده؛ ځکه، چې دا ډېر وخت ته اړتیا لري.

د هغه په وینا؛ په امریکا کې د اداری فساد پرضد اوږده مبارزه شوې او دې ډېر وخت نیولی دی.

ساپکو په ډاګه کړې، چې دا مبارزه يوازې هغه مهال بریالۍ کیدي شي، چې پرضد يې اراده او عزم وي.

دی زیاتوي افغان مشرتابه کې دا عزم شته او تمه ده، چې افغان چارواکي یې په وړاندې چټک ګامونه پورته کړي.

افغانستان ته له ۲۰۰۲ کاله راپدېخوا ۱۱۵ میلیارده ډالر بیل کړی شوي، چې د روان کال د سپتمبر تر میاشتې ۱۰۸ میلیارده لګول شوي دي.

سیګار اداره په ۲۰۱۲کال کې ر امنځته شوې، چې نه یوازې له سل ډېر امریکایان يې په افغانستان کې د اداري فساد د تورونو پر لامل محکمې ته ورپېژندلي، بلکې ډېر یې پر بند هم محکوم شوي او په امریکا کې د بند دوره تېروي.

دا په داسې حال کې ده، چې په افغانستان کې له خلکو هر کال درې میلیارد دالر بډې اخیستل کیږي.

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!