سیمه ییز خبرونه
په افغانستان كې نه يوازې نارينه، بلكې ښځې هم له ټوپك سره ژوند تېروي
په كورنيو او نړيوالو رسنيو كې ډېر كله د نارينه جگړه مارو يادونه كيږي، خو په افغانستان كې نه يوازې نارينه، بلكې ښځې هم شته، چې له كلونو راپديخوا له ټوپك سره ژوند تېروي.
په بغلان كې كفتره د هغې ښځې نوم دى، چې د پخواني شوروي اتحاد له يرغل را پديخوا له ځان سره ټوپك گرزوي او كله كله د امنيتي چارواكو پر وژلو هم تورنيږي.
له يوه دولتي چارواكي سره د مركې وخت اخيستل ښايي څو ورځې واخلي، خو له كوماندانې كفترې سره له هغو هم ستونزمنه ده . دا ښځه په حقيقت كې عايشه نوميږي؛ خو دا، چې تراوسه مخالفينو نه ده نيولې؛ نو په كوماندانې كفترې نومول شوې ده.
آريانا راديو– تلويزيون خبريال پارسا وايي:
له دې ښځې سره مې د خبرو په موخه په اوونيو هڅې وكړې، چې خپلې موخې ته ورسيږم؛ خو كفترې ونه غوښتل، چې په خپل كور كې مركه تر سره كړي. هغې د دې كار لپاره د خپلو خپلوانو يو كور غوره كړ.
د پارسا په وينا:
له يوشمېر خبريالانو سره يوې خونې ته ننوتو او له څو دقيقو وروسته كفتره له خپل ساتونكي سره راغله او خبريالانو ته يې هركلى ووايه.
لومړى مو ترې وپوښتل، چې:
ولې له وسلې سره ژوند تېروئ؟
په بغلان كې نامسولې وسله والې اوږده ساه وكښله او څرگنده يې كړه، چې:
دا ژوند مې هغه وخت پيل كړ، چې شورويانو پرافغانستان تېرى وكړ او ما خپل ۳۵ خپلوان له لاسه وركړل. اوس مې څه نا څه ۳۰ زامن او نمسيان ساتنه كوي.
دا ښځه د هغو كسانو په ډله كې ده، چې د طالبانو په وړاندې يې هم جگړه كړې او خپل ځينې خپلوان يې په كې له لاسه وركړي دي.
كفتره وايي:
په خپل ټول عمر كې مې يوازې د خپل واده په ورځ خوشالي ليدلې ده؛ خو اوس، چې نږدې پنځوس كلنه يم، د ژوندانه شپه او ورځ مې په غمونو كې تېريږي.
كه څه هم د نوي حكومت د حاكميت يوولس كاله تيريږي؛ خو دا ښځه اوس هم وسله واله ده. هغه د دې كارلامل شخصي دښمني گڼي او وايي:
كه وسله ونه لرم او په خپله سيمه كې نه وم؛ نو په نهرين ولسوالۍ كې به مې مخالفين او په ځانگړي توگه طالبان نه يوازې ووژني، بلكې د سيمې خلك به هم زيانمن كړي.
د بغلان امنيه كوماندانۍ د امنيت آمر سيد زمان الدين حسيني وايي:
كه نوموړې خپله وسله تسليم كړي؛ دولت مكلف دى، چې د هغى امنيت وساتي.
كوماندانه كفتره، چې ميړه يې څلوركاله وړاندې مړشوى اوس د هغه څه له كبله، چې دا يې د وسله والو طالبانو گواښ گڼي خپلې سيمې يا نهرين ولسوالۍ ته لږه ځي او ډېر وخت په پلخمري ښار كې تېروي.
د سعودي عربستان بهرنیو چارو وزیر د سې شنبې پر ورځ ( د وري اتهویشتمه) ویلي، چې هېواد به یې په پاکستان کې پر بېلابېلو پروژو د پام وړ پانګونه وکړي.
د پاکستان بهرنیو چارو وزیر ویلي، چې سعودي پانګوال پر کرنه، کانونو، معلوماتي ټکنالوژۍ او هوايي چلند په اړوند برخو کې پانګونې ته لیواله دي.
له دې مخکې اسلامآباد اعلان کړی و، چې سعودي عربستان په پاکستان کې د ۵ میلیارډ ډالرو پانګونې ته ژمن دی.
د دوشنبې پر ورځ ( د وري اووهویشتمه) د سعودي هېواد بهرنیو چارو وزیر شهزاده فیصل بن فرحان بن عبدالله له پاکستان سره د اقتصادي همکاریو د پیاوړتیا لپاه د یوه پلاوي پر مشرۍ اسلامآباد ته رسېدلی دی.
د پاکستان بهرنیو چارو وزیر اسحاق ډار یوې خبري غونډې ته ویلي، پاکستان د سعودي پلاوي ته د پانګونې لپاره د احتمالي پروژو په اړه بشپړ معلومات ورکړل.
د سعودي بهرنیو چارو وزیر ویلي، چې د پانګونې د احتمالي فرصتونو په اړه د پاکستان حکومت یادونه د ستاینې وړ ده.
هغه وایي: دا مونږ ته اړین باور راکوي، چې پر ارزښتمنو پروژو پانګونه وکړو.
هغه زیاته کړې: زه ډاډه یم، چې مونږ به د پام وړ ګامونه پورته کړو.
د سعودي عربستان لوړ پوړی پلاوی؛ د پاکستان د لومړي وزیر شهباز شریف او د سعودي ولیعهد محمد بن سلمان ترمنځ په مکهمکرمه کې د وروستۍ لیدنې پر مهال د دواړو هېوادونو ترمنځ د اقتصادي همکاریو د پیاوړتیا پر هوکړه لیکونو، د خبرو لپاره راغلی دی.
شهباز شریف تېره اوونۍ له سعودي ولیعهد سره ملاقات کړی و او د پېنځه اربه ډالرو د پانګونې د ګړندي کولو په اړه یې خبرې اترې کړې وې. پاکستان ته پکار ده، چې د بهرنیو اسعارو د کمېدو زیرمې راکمې کړي او بهرني پورونه ورکړي.
د پاکستان د مالیې وزیر محمد اورنګ زیب د پیسو د نړیوال صندوق او نړیوال بانک په پسرلنیو غونډو کې د ګډون لپاره په واشنګټن کې دی او هلته به د پور د نوي پروګرام لپاره رسمي خبرې پیل کړي.
دا لیدنه په داسې حال کې تر سره کیږي، چې پاکستان د پیسو له نړیوال صندوق څخه د څلیریشتمې مالي مرستې د ترلاسه کولو په لټه کې دی.
د کندهار ښار د دولسمي حوزې اړوند په میانکو سیمه کې وروستیو بارانونو د میانکو بند له اوبو ډک کړی دی.
د کندهار ولایت مقام رسنیز مرکز زیاته کړې؛ د میانکو اوبو بند څه وخت مخکې د یواینډيپي موسسې پر مالي لګښت جوړ او ګټي اخیستني ته وسپارل شو.
د سرچینې د څرګندونو له مخې، وروستیو بارانونو دا بند له اوبو ډک کړ او هم یې زرګونو کورنیو ته د سیلابي اوبو د ورتلو مخه نیولې ده.
ویل کیږي، چې دغه بند یونیم میلیون متره مکعب اوبه ذخیره کوي او نه یوازې یې د کندهار د شپږو ناحیو ۱۲ زره کورنۍ له سیلابي اوبو څخه ژغورلي، بلکې تر ځمکې لاندي اوبو کچه ورسره لوړه شوې او هم یې هېوادوالو ته د دمې او نندارې ښه زمینه برابره کړې ده.
د ایران اسلامي انقلاب د سپاه پاسداران عمومي قومندان اسرائیلو ته خبرداری ورکړ، چې که د ایران د غچ اخیستونکیو عملیاتو ځواب ورکړ شي؛ نو د تهران غبرګون به نور هم سخت وي.
د ایران د سپاه پاسداران سرلښکري حسین سلامي د یکشنبې پر ورځ ( د وري شپږویشتمه ) ویلي: دا رژیم باید خپل پخوانی چلند ودروي او له دې برید څخه دې عبرت واخلي. که یاد رژیم کوم غبرګون وښيي؛ نو یقینا زموږ غبرګون به د دې نوې تجربې پر بنسټ، چې مونږ د دوی له وړتیاوو څخه ترلاسه کړي، ډېر سخت وي.
نوموړي وایي: له دې وروسته که دا رژیم زمونږ پر ګټو، شتمنیو، شخصیتونو او هېوادوالو هر ډول برید وکړي؛ د ایران اسلامی جمهوریت له دننه څخه به له ځوابي بریدونو سره مخ شي.
د شنبې پر شپه ناوخته په سوریه کې د ایران پر ډیپلوماټیک ماموریت د برید په ځواب کې ایران پر اسرائیلو د ډرون او توغنديو پراخ بریدونه پیل کړل.
د یکشنبې پر سهار د ایران د پوځ ستر درستیز تورن جنرال محمد باقري څرګنده کړې: دوی پر اسرائیلو خپل غچ اخیستونکي بریدونه پای ته رسولي او خبرداری یې هم ورکړ، چې که اسرائیل ځواب ورکړي؛ نو له “پراخ ” غبرګون سره به مخ شي.
باقري د یکشنبې پر سهار ویلي: زمونږعملیات پای ته رسیدلي؛ خو وسلهوال ځواکونه چمتو دي او د اړتیا په صورت کې به عمل کوي.
تحول: د افغانستان پولې ته نږدې د تاجکستان او روسیې روزنیزې پوځي هڅې
څار: له اداري فساد سره مبارزه او د غوره عامه خدماتو وړاندې کول
آریانا ټلویزیون د ۲۰۲۴ پاریس المپیک سیالیو د خپراوي حق ترلاسه کړ
د کورنيو توليداتو د کيفيت او صنعتي ودې لپاره دې هڅې ګړندۍ شي – مولوي عبدالکبير
روسیې او تاجکستان د افغانستان پولې ته نږدې ګډ پوځي تمرینات پیل کړل
آریانا ټلویزیون د کابل کرکټ غوره لیګ د دوهیم پړاو د خپراوي حق ترلاسه کړ
آریانا ټلویزیون د هند کرکټ غوره لیګ د خپراوي حق خپل کړ
د پاکستان د ګوادر بندر په اړوند سیمه کې وسلوال برید مرګ او ژوبله اړولې
په ۱۴۰۲ کال کې د افغانستان اقتصادي پرمختګ ته یوه کتنه
په پاکستان کې ځانمرګي د ۵ چینايي انجینرانو په ګډون ۶ کسان ووژل
تحول: د افغانستان پولې ته نږدې د تاجکستان او روسیې روزنیزې پوځي هڅې
څار: له اداري فساد سره مبارزه او د غوره عامه خدماتو وړاندې کول
تحول: اسلامي امارت ته پر میراث پاتې فلج افغانستان
څار: له پاکستان څخه د افغان مهاجرو جبري ایستل
تحول: په منځني ختیځ کې د کړکېچ د زیاتېدو په اړه اندېښنې
-
لوبی2 days agoد افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي2 days agoاپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
سیمه ییز خبرونه4 days agoپر ایران به د اسرائیلو برید له سخت ځواب سره مخ شي
-
سیمه ییز خبرونه4 days agoایران پر اسرائیلو د بې پیلوټه الوتکو او توغندیو غچ اخیستونکی برید ترسره کړ
-
تازه خبرونه2 days agoد کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
نړۍ3 days agoامریکا به پر ایران د اسرائیلو په ځوابي برید کې برخه وانخلي
-
تازه خبرونه2 days agoازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
نړۍ23 hours agoامريکا او متحدین یې پر ايران د نورو بنديزونو لګولو هڅې کوي