سیمه ییز خبرونه
په افغانستان كې د ملګرو ملتونو ماموريت د يوه بل كال لپاره اوږد شو
د ملګرو ملتونو امنيت شورا په افغانستان كې د ملګرو ملتونو ماموريت د يوه بل كال لپاره هم وغځاوه. په دې ناسته كې په افغاسنتان كې د سولې بهير، رڼو ټاكنو، بيارغونې او متوازنې پرمختيا په اړه ډېر ټينګار شوى دى.
د ملګرو ملتونو د امنيت شورا غړیو هېوادونو هوكړه وكړه، چې په افغانستان كې د ملګرو ملتونو ماموريت د يوه بل كال لپاره هم اوږد شي.
په افغانستان كې د اداري فساد موجوديت، د ښځو پروړاندې تاوتريخوالى، د نشه يي توكو د خطر زياتوالى او بشري حقونه د دې ناستې د بحث اصلي ټكي وو.
د ملګرو ملتونو عمومي منشي بان كيمون وويل:
د ټاكنو په يوه شفاف بهير كې د خلكو پراخ ګډون په افغانستان كې د منلو وړ رهبرۍ ته د لېږد بهير د برياليتوب لپاره اړين دي.
بان كيمون د افغانستان له متحدينو وغوښتل، چې په افغانستان كې د سراسري امنيت د ټينګښت په لاره كې هڅه وكړي.
نوموړي زیاته کړه، چې ملګري ملتونه د سولې فرهنګ پياوړى كوي او د افغانانو ترمنځ د ډيالوګ د دوهم پړاو څخه ملاتړ كوي، د افغانستان خلك نه يوازې د يوه بحران د له منځه وړلو بلكې د يو واحد افغانستان لپاره او د مسئوليتونو د ترلاسه كولو په موخه يو بل ته لاس وركړي.
په همدې وخت كې په ملګرو ملتونو كې د افغانستان سفير ظاهر طنين وويل:
د سولې د ټينګښت، ثبات او هوساينې په موخه افغانان له خپلو نړيوالو شريكانو سره د دايمي همكارۍ غوښتونكي دي.
نوموړي زیاته کړه، چې د انتقال مرحلې پاى ته رسېدل په افغانستان كې نوى فصل پرانيزي ، هغه فصل، چې د ملي ژمنو او د ستراتيژيكو موخو په برخه كې پرځان تكيه كول دي.
په ورته وخت كې په ملګرو ملتونو كې د امريكا سفيره سوزان راييس په افغانستان كې د امنيت د ټينګښت لپاره شفافې ټاكنې ضمانت ګڼي.
هغه وايي، د ټاكنو پايلې هغه وخت قانوني ګڼل كېداى شي، چې د افغانستان خلك يې ومني.
راییس همدارنګه وویل، امنیت لا هم اصلي مسئله ده. د افغانستان ملي ځواکونه اوس د افغانستان د نوي فیصده خلکو د امنیت مسئولیت لري. د امنیتي مسئولیت د څلورمې مرحلې له اعلان سره به د افغانستان په شمال او مرکز کې ډېر ژر د دوه پنځوس ولسوالیو امنیتي چارې افغانانو ته وسپارل شي. لکه څرنګه، چې د امریکا ولسمشر بارک اوباما تېره میاشت اعلان وکړ، تر راتلونکې فبروري میاشتې پورې به تر څلور دېرش زره ډېر امریکایي پوځیان بېرته له افغانستانه امریکا ته ستانه شي. موږ هیله لرو، چې د انتقال پنځمه او وروستۍ مرحله په پسرلي کې اعلان شي، چې د هغې له مخې د ټول افغانستان امنیتي چارې افغان ځواکونه په غاړه واخلي.
ځينې كارپوهان په افغانستان كې د ملګرو ملتونو فعال رول يوه مهمه اړتيا ګڼي او يو شمېر نور بيا وايي، چې ملګري ملتونه بايد په افغانستان كې خپلې هڅې زياتې كړي.
ملګرو ملتونو د طالبانو رژيم له ماتې وروسته په ۲۰۰۲ كال كې په افغانستان كې د سولې او پرمختيا په موخه خپل سياسي ماموريت پېل كړ، خو له دوولس كلونو وروسته تر اوسه هم د افغانستان زيات شمېر خلك له بې وزلۍ اندېښنه لري.
سیمه ییز خبرونه
د ایران ولسمشر پر درې ورځني سفر پاکستان ته ولاړ
د ایران ولسمشر ابراهیم رییسي نن سهار ( دوشنبه د غویی درېیمه) د یوه لوړ پوړي سیاسي او اقتصادي پلاوي پر مشرۍ د پاکستان پلازمېنې اسلامآباد ته ورسېد.
د ایران اړوند رسنیو خبر ورکړی، چې دغه درې ورځنی سفر به د پاکستان له لوړ پوړو چارواکو سره د اقتصادي او سوداګریزو اړیکو پر پراختیا او پیاوړتیا، د دوه اړخیزو خبرو اترو او سیمهییزو سلامشورو په پام کې نیولو سره ترسره شي.
ټاکل شوې، چې د ایران ولسمشر به په دې سفر کې د دغه هېواد له ولسمشر اصف علي زرداري سره هم وګوري.
دغه راز د ایراني رسنیو د څرګندونو له مخې؛ پاکستان ته د ایران د ولسمشر د سفر پر مهال د دواړو هېوادونو ترمنځ د دواړو هېوادونو د مشرانو په حضور کې د سوداګرۍ، روغتیا، اقتصاد، امنیت او عدالت په برخو کې د اړدوند وزیرانو لهخوا د همکاریو یو شمېر سندونه لاسلیک شي.
دا سفر د پاکستان په بلوچستان ایالت کې د ایران له برید او د ایران په سیستان او بلوچستان ایالت کې د پاکستان له ځوابي بریدونو یوازې درې میاشتې وروسته رامنځته شوی دی.
سیمه ییز خبرونه
د حماس مشر له اردوغان سره د خبرو لپاره ترکیې ته ځي
رویټرز راپور ورکړی، چې د فلسطین اسلامي ډلې حماس مشر اسماعیل هنیه به د روانې اوونۍ په پای کې ترکیې ته له ولسمشر طیب اردوغان سره د خبرو لپاره سفر کوي. پداسې حال کې، چې د انقرې لوړپوړي ډیپلوماټ د چارشنبې پر ورځ دوحې ته د سفر په بهیر کې د حماس له مشر سره لیدلي دي.
ترکیه، چې د ناټو غړی هېواد دی؛ په غزه کې د اسرائیلو بریدونه غندي او د سمدستي اوربند غوښتنه یې کړې ده. اردوغان حماس د “آزادۍ غورځنګ” بولي او پر لویدیځ یې نیوکه کړې، چې له اسرائیلو ملاتړ کوي. دغه راز انقرې پر اسرائیلو سوداګریز بندیزونه هم لګولي دي.
اردوغان په پارلمان کې خپلو ګوندي وکیلانو ته ویلي، چې زه به د روانې اوونۍ په پای کې د فلسطین د مشر کوربهتوب وکړم. مونږ به پر یو شمېر مسلو هم خبرې وکړو.
د اکټوبر پر اوومه د غزې په تړانګه کې د اسرائیلو د بریدونو له پیل او له ایران سره د اسرائیلو له روان کړکېچ راپدیخوا به دا ترکیې ته د هنیه لومړنی سفر وي.
اردوغان د سې شنبې پر ورځ ویلي، چې د اسرائیلو لومړی وزیر بنیامین نتنیاهو او نور اسرائیلي مشران یوازې د سیمهییز بحران مسوول دي.
اردوغان دا هم ویلي؛ تر هغې، چې ژوندی وي د فلسطین د مسئلې ملاتړ ته به روان ساتي.
دا په داسې حال کې ده، چې ترکیې ته د حماس د مشر اسماعیل هنیه د سفر د مهالوېش نور جزئیات خپاره شوي ندي.
سیمه ییز خبرونه
سعودي عربستان به په پاکستان کې پر بېلابېلو پروژو پانګونه وکړي
د سعودي عربستان بهرنیو چارو وزیر د سې شنبې پر ورځ ( د وري اتهویشتمه) ویلي، چې هېواد به یې په پاکستان کې پر بېلابېلو پروژو د پام وړ پانګونه وکړي.
د پاکستان بهرنیو چارو وزیر ویلي، چې سعودي پانګوال پر کرنه، کانونو، معلوماتي ټکنالوژۍ او هوايي چلند په اړوند برخو کې پانګونې ته لیواله دي.
له دې مخکې اسلامآباد اعلان کړی و، چې سعودي عربستان په پاکستان کې د ۵ میلیارډ ډالرو پانګونې ته ژمن دی.
د دوشنبې پر ورځ ( د وري اووهویشتمه) د سعودي هېواد بهرنیو چارو وزیر شهزاده فیصل بن فرحان بن عبدالله له پاکستان سره د اقتصادي همکاریو د پیاوړتیا لپاه د یوه پلاوي پر مشرۍ اسلامآباد ته رسېدلی دی.
د پاکستان بهرنیو چارو وزیر اسحاق ډار یوې خبري غونډې ته ویلي، پاکستان د سعودي پلاوي ته د پانګونې لپاره د احتمالي پروژو په اړه بشپړ معلومات ورکړل.
د سعودي بهرنیو چارو وزیر ویلي، چې د پانګونې د احتمالي فرصتونو په اړه د پاکستان حکومت یادونه د ستاینې وړ ده.
هغه وایي: دا مونږ ته اړین باور راکوي، چې پر ارزښتمنو پروژو پانګونه وکړو.
هغه زیاته کړې: زه ډاډه یم، چې مونږ به د پام وړ ګامونه پورته کړو.
د سعودي عربستان لوړ پوړی پلاوی؛ د پاکستان د لومړي وزیر شهباز شریف او د سعودي ولیعهد محمد بن سلمان ترمنځ په مکهمکرمه کې د وروستۍ لیدنې پر مهال د دواړو هېوادونو ترمنځ د اقتصادي همکاریو د پیاوړتیا پر هوکړه لیکونو، د خبرو لپاره راغلی دی.
شهباز شریف تېره اوونۍ له سعودي ولیعهد سره ملاقات کړی و او د پېنځه اربه ډالرو د پانګونې د ګړندي کولو په اړه یې خبرې اترې کړې وې. پاکستان ته پکار ده، چې د بهرنیو اسعارو د کمېدو زیرمې راکمې کړي او بهرني پورونه ورکړي.
د پاکستان د مالیې وزیر محمد اورنګ زیب د پیسو د نړیوال صندوق او نړیوال بانک په پسرلنیو غونډو کې د ګډون لپاره په واشنګټن کې دی او هلته به د پور د نوي پروګرام لپاره رسمي خبرې پیل کړي.
دا لیدنه په داسې حال کې تر سره کیږي، چې پاکستان د پیسو له نړیوال صندوق څخه د څلیریشتمې مالي مرستې د ترلاسه کولو په لټه کې دی.
-
تازه خبرونه1 day ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
نړۍ22 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
لوبی23 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري