Connect with us

تکنالوزی

په افغانستان كې افغان بېسيم او آريانا راډيو- ټلويزيون د څوك غواړي ميليونر شي او څوك غواړي د افغان بېسيم د اس ايم اس سيالۍ ميليونر وپېژندل شي، په زړه پورې ماښامنۍ لوبه رامنځته كړې

خپور شوی

د

(Last Updated On: لړم ۳, ۱۴۰۱)

افغانستان- كابل :

په افغانستان كې افغان بېسيم د مخابراتي سيستم او آريانا راډيو- ټلويزيون د سترټلويزيوني منځي په پاللو او رامنځته كولو كې مخكښه هڅه تر سره كړې، چې د ميليونر زړه راكښونكې ماښامنۍ لوبه يې؛ څوك غواړي ميليونر شي او څوك غواړي د افغان بيسيم د اس ايم اس پرمټ د ميليونر سيالۍ ته ور ودانگي، ترسرليك لاندې بشپړه كړې ده. افغان بيسيم هڅه كوي، چې د خپرونو په زړه پورې بهيرد افغانستان هنري نړۍ ته د نندارې لپاره وړاندې كړي. د افغان بيسيم او آريانا راډيو- ټلويزيون ترمنځ گډه پانگونه بې بېلگې ده.

د ميليونرهره خپرونه درې برخې لري: د ميليونركيدو په برخه كې د اس ام اس د سيالۍ له مخې ليدونكيو ته پوښتنه وړاندې كيږي؛  هرڅوك كولى شي په گرځند(مبايل) كې د پالونكي پوښتنې ته لنډ ځواب وړاندې كړي. لومړنى سړى، چې سم ځواب وركړي، اتل او يا گټونكى پېژندل كيږي.

د ميليونرخپرونې د اس ام اس پالونكى د ځواب وركوونكيو سم ځوابونه ترلاسه كوي او د ميليونرپه ژوندۍ خپرونه كې د افغان بيسيم د مباركۍ زيرى  او بلنه ورليږل كيږي.

ننداره كوونكي گډونوال هڅه كوي، چې د افغانستان بل نوى ميليونرشي. د افغان بيسيم د  اس ام اس گټونكى ميليونرهره شپه د سل امريكايي ډالرو، ډالۍ، ستاينليك او له لگښت پرته وياړ ترلاسه كوي.

د افغان بيسيم مدير و چلوونكي امين رامين د دغه سوله ييز بري او نوښت په اړه وويل:

څوك غواړي ميليونرشي خپرونه او افغان بيسيم ميليونرد اس ام اس پرمټ نه يوازې د مينه والو خيالات او تصورات راخپلوي، بلكې مونږ او ملت د يو كل په توگه په پرله پسې  اړيكو كې ساتي.

د ماښامنۍ ژوندۍ ټلويزيوني لوبې له خپرونې موخه د گرځند مينه والو تړاو له گډونوالو سره دى، چې د ټولو مينه والو د نه منونكي ډاډ د ځواكمنتيا څرگندويي كوي. افغان بيسيم د افغانستان له هغو خلكو سره، چې د ميليونر كيدو لپاره سيالي غواړي مرسته كوي.

د آريانا ټلويزيون د ميليونرخپرونه د اوونۍ(شنبې)  او درې نۍ(سه شنبې) ورځو د شپې له اته نيو تر نهو بجو خپريږي.

د افغان بيسيم په اړه: مركزي دفتر يې په كابل كې دى، چې د گرد افغانستان د ۴۰۰۰۰۰۰ مينه والو چوپړ ور په غاړه دى.

افغان بيسيم يو له هغو سترو كارواكانو(كارفرمايانو) دى، چې له ۴۵۰۰ ډېر كسان په كې په مستقيمه  او ۵۰۰۰ نور په نا مستقيمه توگه كار كوي.

افغان بيسيم  نه يوازې د سيمه ييزو او سوداگريزو سيمكارتونو او باندونو د اړيكو د وېش لارښوونه كوي، بلكې يو لړمعلوماتي او خبرتيايي آسانتياوې يې هم د خپلې ځانگړې ويبپاڼې له لارې درنو مينه والو ته وړاندې كړي، چې له غوره خپرونو يې خبرونه او ۵۹ دقيقې د يادولو وړ دي. دغه راز بشپړې څرگندونې يې درنو مينه والو ته په آرياناټلويزيون ويبپاڼه او آريانانيوز ويبپاڼه كې وړاندې شوې دي.

English to Persian translation

د افغان بسيسيد

www.afghan wireless.com

www.arianatelevision.com

ariananews.af
د آريانا راډيو- ټلويزيون په اړه: دغه شبكه د سناتور الحاج انجنيراحسان الله بيات په زيار نه يوازې په ټول افغانستان كې، بلكې د ستلايټ او انټرنيټ پرمټ نړيوالو ته هم د خپلو نومياليو خپرونو خپرونې وړاندې كوي.

د څوك غواړي ميليونرشي خلرونې د بشپړو خبرتياوو پر څرگندوونكي د اوښتو لپاره كولى شئ له محمد رمضان سره په لاندې شمېرې او برېښنليك اړيكې ټينگې كړئ:
93 700 801 846 00

mark.davis @ afghan– wireless.com

Advertisement
Click to comment

Leave a Reply

Your email address will not be published. Required fields are marked *

تکنالوزی

د بریتانیا د پوځ د تویتر او یوتیوب حسابونه هک شول

Published

on

(Last Updated On: چنګاښ ۱۳, ۱۴۰۱)

د بریتانیا پوځ تائید کړې، چې د دوی رسمي تویتر او یوتیوب حسابونه هک شوي، چې برید کوونکيو د اسعارو د درغلۍ پروژو د ودې لپاره کارولي دي.

د بریتانیا د اردو تویتر پاڼې ته له لاسرسي وروسته؛ هکرانو د خپل پروفایل انځور، د اکاونټ نوم، د پاڼې توضیحات او د پوښ عکس بدل کړ، چې ځان خپلو شومو موخو ته ورسوي.

اکاونټ د NFT د ډالیو په اړه بېلابېل تویتونه درلودل. کله، چې دا هک شوی و او د اوبپاڼې په سر کې یې یو پوسټ خپور کړ، چې کاروونکیو ته د جعلي NFT ضرب ویب پاڼې ته لارښوونه کوي.

هکرانو د بریتانیا د پوځ د یوتیوب چینل هم کنټرول کړي او د ټولو ویدیوګانو د حذف کولو پرمهال یې د دې اکاونت نوم او پروفایل عکس بدل کړی، چې د پانګونې شرکت Ark Invest پرځای ځان معرفي کړي.

دوی ډېرې داسې ویدیوګانې هم اپلوډ کړي، چې د جک ډورسي او ایلان ماسک پخوانۍ ژوندۍ خپرونې وې. دغه ویډیوګانې له دې مخکې د آرک انویسټ B Word کنفرانس کې خپرې شوې وې؛ خو هکرانو پرې د کاروونکیو د چلولو لپاره فرعي سرلیکونه اضافه کړل. دې چینل په یو وخت کې کاروونکیو ته څلور ژوندۍ خپرونې وړاندې کړي، چې ځینو یې زرګونه لیدونکي درلودل.

دا اوس هم څرګنده نده، چې دا اوبپاڼې کله د هکرانو لاس ته ورغلې وه؛ خو داسې ښکاري، چې اوس یې کنټرول بېرته د پوځ په لاس کې دی.

Continue Reading

تکنالوزی

د زه او ماشوم  مې اپلیکیشن افغانان مینې او پالنې ته هڅوي

Published

on

(Last Updated On: غبرګولى ۱۱, ۱۴۰۱)

د زه او ماشوم مې اپلیکیشن یوه بنسټیزه ځانګړنه دا ده، چې د ماشوم د ودې درې ګونه ( له زېږون مخکې، د زېږون په بهیر کې او له زېږون وروسته ) پړاوونو ته په کې پوره پاملرنه شوې ده.

یو شمېر افغان ډاکټرانو او ارواپوهانو ويلي؛ د ماشوم د ژوند لومړۍ اته میاشتې ډېرې مهمې دي او د پروګرام پر بنسټ لوی شوی ماشوم، د هغه ماشوم په پرتله، چې له پلان پرته لویېږي د ډېرو لاسته راوړنو لرونکی وي.

د ماشوم پوهانو د څرګندونو له مخې؛ د اپلیکیشن د اورېدو برخه هم د ماشوم او والدینو ترمنځ د اړیکو په رامنځته کولو کې ډېره مرسته کولی شي.

د هېواد ارواح پوه زکریا بارکزی د دغه اپلیکیشن په اړه وايي: له دې مخکې د ماشوم والدینو له اتیزمه/ مادي نړۍ ته نه پاملرنه یا په ځان کې پاتې کېدو / اندېښنه ښودله او نه پوهېده، چې ماشوم یې تر څلور کلنۍ پورې ولې خبرې نشي کولی او یا داسې نورې هڅې تر سره کوي، چې مور او پلار ته یې نه یوازې د زغم وړ ندي، بلکې پرې پوهېدی هم نشي؛ خو له نېکه مرغه په ​​دغه اپلیکیشن کې دا ټولې ستونزې په پام کې نیول شوې دي.

د ارواح پوه ډاکټر زکریا بارکزي د څرګندونو له مخې؛ دا اپلیکیشن په رښتیا هم کولی شي په ماشومان وهڅوي، چې له ځانه بهر نړۍ سره هم اړیکې ټینګې کړي.

زکریا بارکزي د دې په اړه، چې له ماشوم سره لوبې د ماشوم په ژوندانه او وده کې څومره اړینې دي وایي: که یو ماشوم زړورتیا زده کوي هوښیارتیا ترلاسه کوي، پوهاوي ته رسیږي او له زغم او صبره برخمن کیږي؛ دا هر څه یوازې له لوبو او له والدینو سره له بوختیاوو ترلاسه کوي؛ ځکه، نو مونږ په لومړي، دوه یم او درېیم کال کې هم له ماشومانو سره مرستې او لوبې کولو ته لومړیتوب ورکوو. اوس له نېکه مرغه، چې دا اپلیکیشن جوړ شوی؛ ټولې اړوند برخې رانغاړي او د ودې ټول پړاوونه تر پوښښ لاندې نیسي.

دغه راز د عامې روغتیا وزارت چارواکو ويلي؛ په رښتیا هم، چې د هېواد په اوسنیو حالاتو کې د کارنده ګرځند یا سمارټ فون د کاروونکیو لپاره د دغه اپلیکیشن د کارولو نوښت یو ښه زیری دی.

د چارواکو د څرګندونو له مخې؛ دا اپلیکیشن، چې څنګه یو ماشوم له بهرنۍ نړۍ سره اړیکې ونیسي او د افغانستان له عنعنوي او فرهنګي ارزښتونو سره په مطابقت کې ډاډه وده او پراختیا تر لاسه کړي؛ د بشپړې پاملرنې یو ښه لارښود دي.

د عامې روغتیا وزارت د پلان او پالسۍ مرستیال محمد حسن غیاثي ویلي: افغانستان هغه هېواد دی، چې له څلور لسیزو راپدیخوا له بېلابېلو ستونزو سره مخ دی؛  فرهنګي بېخبناوې مو زیانمنې شوي او چټکې رغونې ته اړتیا لري؛ خو د رغونې په بهیر کې مونږ باید دا ډاډ ترلاسه کړو، چې په خپلو هڅو کې د راتلونکیو نسلونو روحي او رواني زیانونه راکم کړو. زه فکر کوم، چې د زه او ماشوم مې اپلیکیشن دغې موخې ته د رسېدو لپاره یو ښه پیل دی او باید د کارولو لپاره یې ډاډمن ګامونه پورته شي.

همدارنګه په دې اپلیکیشن کې یادونه شوې، چې مور او پلار له ماشوم سره څومره وخت تېر او څنګه له خپلو ماشومانو سره پر خبرو اترو سربېره اړیکې ټینګې کړي.

همدارنګه باید وپوهیږو، چې په دې اپلیکیشن کې د ماشومانو لوبې د ماشومانو لپاره څومره اغېزمنې دي.

خبریاله عایشه ستانکزۍ په دې اړه څرګندوي: ډېری وخت مور او پلار بوخت وي او د خپلو ماشومانو ښه پالنه نشي کولی؛ د خپلو ماشومانو مخې ته د لوبو سامانونه اچوي او خپله ځان د کور په کارونو کې بوختوي. فکر کوي، چې په دې توګه له خپل ماشوم پالنه کوي؛ خو دوی نه پوهیږي، چې ماشوم یې په رښتیا کومو سامانونو او څه ته اړتیا لري؟ دوی اړ دي، چې د خپل ماشوم پر اړتیاوو د پوهېدو لپاره ورسره اړیکه ونیسي او پر اړتیاوو یې ځان وپوهوي. د دغه اپلیکیشن رامنځته کول کولی شي له والدینو سره په اړیکو ټینګولو کې مرسته وکړي او وپوهیږي، چې څنګه او کله په ځانګړیو شرایطو کې له خپلو ماشومانو سره اړیکې ونیسي.

دا په داسې حال کې ده، چې په نننۍ ټولنه کې د دې اپلیکیشن له جوړولو او رامنځته کولو موخه داده، چې نه یوازې د ماشومانو ښوونې او روزنې، ودې او پراختیا ته پام راواړول شي، بلکې ماشومان هم پوهوي، چې څنګه خبرې وکړي، زړور شي او له نورو سره د ښه چلند اړتیا احساس کړي.

Continue Reading

تکنالوزی

امریکا په اوکراین کې د سټلایټ انټرنیټ د زیانمنېدو څېړنه کوي

Published

on

(Last Updated On: کب ۲۲, ۱۴۰۰)

د لویدیځ څارګرې ادارې د هغو ناڅرګندو کسانو د سایبري برید په اړه پلټنه کوي، چې پر اوکراین یې د روسیې د برید پر مهال د سپوږمکۍ انټرنیټ ته لاسرسی زیانمن کړی دی.

د رویټرز د څرګندونو له مخې؛ د امریکا ملي امنیت ادارې شنونکي، د فرانسې د حکومت سایبري امنیت اداره او د اوکراین استخباراتي اداره لګیا دي ارزونه کوي، چې آیا روسیه په دې برید کې ښکېل ده او کنه.

د سپوږمکۍ پر سایبري خدماتو برید د فبرورۍ پر ۲۴ د سهار ۵ او ۹ بجو ترمنځ اوکراین ته د روسي ځواکونو له وردننه کېدو او توغندیو توغېدو سره همهاله پیل شو، چې په کې د روسیې د پلازمینې په ګډون لوی ښارونه ولګېدل.

د يادونې ده، چې په دې سایبري بريد کې پر اوکراين سربېره په ټوله اروپا کې سلګونه زره کسان له انټرنیټه بې برخې او افلاین شول.

Continue Reading

Trending

Copyright © 2022 Ariana News. All rights reserved!