Connect with us

تازه خبرونه

پر افغانستان د بریدونو پلانونه په پاکستان کې جوړیږي

خپور شوی

د

(Last Updated On: لړم ۲, ۱۴۰۱)

vlcsnap-2016-06-11-11h27m39s68

د پاکستان په پلازمېنه اسلام آباد کې د امریکا يوه لوړ پوړي پلاوي يو ځل بيا ويلي، چې په پاکستان کې د طالبانو “پټنځايونه” دي او له همدې ځايه پر افغانستان د بريدونو پلانونه جوړوي.

د پاکستان د بهرنیو چارو وزارت سلاکار سرتاج عزیز د دې خبرې په ځواب کې ویلي، چې پاکستان په “ضرب غضب” نومو عملياتو کې د هر ډول ترهګرو پر وړاندې عمليات کړي او هیڅ يوې ترهګرې ډلې ته به اجازه ورنه کړي، چې د دوی خاوره دې د ګاونډيانو پر ضد وکاروي.

پاکستان ته تللي په دغه امريکايي پلاوي کې د امريکا د ولسمشر ځانګړی استازی داکتر پيتر لیوای او د افغانستان او پاکستان له پاره د امریکا ځانګړی استازی رچرد اولسن او ځينې نورلوړپوړي امريکايي چارواکي شامل دي.

دغه پلاوي د پاکستان د بهرنیو چارو له سلاکار سرتاج عزیز سره لیدلي او ویل کېږي، چې همدا پلاوی به د پاکستاني پوځ له لوړپوړیو چارواکو سره هم وويني.

د پاکستان د پوځ د رسنیو دفتر د یوې خبرپاڼې په خپرولو ویلي، چې راحیل شریف د پوځ په اعلی سرقومندانۍ کې د امریکايي ځواکونو له قومندان او د افغانستان او پاکستان له پاره د امریکا له ځانګړي استازي سره کتلي دي.

راحیل شریف له امریکايي چارواکو غوښتي، چې په افغانستان کې د پاکستانيو طالبانو پر مرکزونو بریدونه وکړي او د دغه ډلې مشرملا فضل الله په نښه کړي.

هغه دا هم ویلي، چې پاکستان په دغه هېواد کې د افغانستان او هند د استخباراتو فعالیتونو نه شي زغملی. خبرپاڼې د افغان او هند استخباراتو فعالیتونه نه دي په ګوته کړي.

راحیل شریف همدا راز امریکايي لوري ته ویلي، چې د مۍ ۲۱مې ډرون برید د پاکستان د ازادۍ او بشپړتیا خلاف و او دا ډول بریدونه د امریکا او پاکستان تر منځ په اړیکو کې خنډونه رامنځته کولی شي.

پاکستان ادعا کوي، چې د تحریک طالبان پاکستان مشران او قومندانان په افغانستان کې پټ دي او له دغه ځایه په پاکستان کې د بریدونو پلانونه نیسي.

پاکستان لا تر دې دمه په دې اړه کره شواهد نه دي وړاندې کړي.

ویل کیږي، چې د چین او پاکستان، افغانستان او امریکا په وروستیو دوه څلور ارخیزو ناستو کې د ګډ دښمن په پر نښه کولو ګډه هوکړه شوې ده.   

Advertisement

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!