تازه خبرونه
پاکستان پر دیورند کرښه د سرحري ځواکونو شمېر۶۰۰۰۰ ته لوړوي
بلومبرګ نومې امریکایي رسنۍ د پاکستان د چارواکو له قوله څرګنده کړې، چې دغه ۶۰ زره ځواکونه به پر پټ هویت د کرښې دواړو خواوو ته د مخالفانو د اوښتو را اوښتو مخنیوي وکړي.
اسلام آباد په ښکاره داسې ښیي، چې له خپل لویدیځ ګاونډ افغان حکومته زیان ویني؛ په نهه سوه څلور کیلومتره پوله کې یې اغزنې کټارې لګولي او غواړي، چې له وسلوالو مخالفنو څخه د خوندیتوب لپاره شپېته زره نور سرتېري د دېورند کرښې په اوږدو کې ځای پر ځای کړي.
بلومبرګ نومې امریکایي رسنۍ د پاکستانيو چارواکو له قوله ویلي، چې څلوېښت سلنه ځواکونه د رورنې په حال کې دي او تر دوه کلونو به د دېورند کرښې په اوږدو کې پر پټ هویت ځای پر ځای شي.
کورنیو چارو وزارت وایي، افغان امنیتي بنسټونه د پاکستان پر دې پرېکړه خبر نه دي او پاکستان په سیمه کې د ترهګرو مرکز دی.
د کورنیو چارو وزارت د ویاند مرستیال نصرت رحیمي وایي، په دې برخه کې له مونږ سره همغږي په نظر کې نیول شوې نده او وسلوال مخالفان له افغانستان څخه پاکستان ته نه، بلکې له پاکستان څخه افغانستان ته رااوړي.
ملي دفاع وزارت وایي، پاکستان باید د ترهګرو خلاف په خپله خاوره کې مبارزه وکړي او حکومت یې د ترهکرو پالونکی یادوي.
د ملي دفاع وزارت د ویاند د دفتر سرپرست محمد رادمنش وایي، پاکستان اغزن تارونه وغزول او کانالونه یې جوړ کړل؛ خو دا د تروریزم په وړاندې مبارزه نده، بلکې غواړي د دېورند دا غاړه تر خپل کنترول لاندې ونیسي.
پاکستان آیا غواړي په دې کار سره د ځواک ښودلو هڅه وکړي یا دا، چې: نړیوالو ته وښیي، چې د ترهګرو ملاتړی نه دی او د ترهګرو مرکزونه له پاکستان بهر دي.
پوځي کارپوهان وایي، پاکستان نشي کولی په دې کار سره نړیوال تېر باسي.
د کورنیو چارو وزارت پخوانی معین میرزا محمد یارمند وایي؛ پاکستان پخپل دغه سرحدي ځواک وسلوالو مخالفانو ته د تګ راتګ آسانتیاوې ډېرې کړي.
امریکا پر پاکستان فشار راوړی، چې له ترهګرو سره جدي مبارزه وکړي او وایي، ترهګر په پاکستان کې خوندي مرکزونه لري. پاکستان ډېره هڅه وکړه، چې امریکا قانع کړي؛ خو داسې ونشول او امریکا هم د روان کال له جنوري میاشتې را پدیخوا له پاکستان سره پوځي مرستې ځنډولي دي.
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
تازه خبرونه1 day ago
راشد خان د افغان بیسیم سوداګریز سفیر شو