تازه خبرونه
پاکستان دې د طالبانو له ملاتړه لاس واخلي- مک ماستر
د امریکا د ولمسشرۍ سلاکار مک ماستر وايي، چې ترمپ نور هغو هېوادونو ته زغم نه کوي، چې د ترهګرو ملا تړي دي.
د سپینې ماڼۍ د ملي امنيت سلاکار مک ماستر یوې امریکایي رسنۍ ته په ډاګه کړې، چې ولسمشر دونالد ترمپ په دې طمع دی، چې پاکستان بايد له طالبانو څخه د ملاتړ په تگلاره کې ژور بدلون راولي؛ ځکه، چې د پاکستان اوسنۍ تگلاره امریکا ته د زغم وړ نه ده.
نوموړي زیاته کړې، چې پاکستان په تېرو اووه لس کلونو کې د ترهگرۍ پر ضد ډېرزیانمن شوی؛ خو دې مبارزې ننداریزه بڼه لرله.
مک ماستر دا هم ویلي؛ که څه هم، چې د افغانستان په اړه د ترمپ ستراتیژي نده اعلان شوي، خو په دې برخه کې زیات کار او پرمختګونه شوي دي.
د سپینې ماڼۍ دغه سلاکار وايي، چې امریکا له کلونو راهیسې په افغانستان کې نا منسجمه تګلاره تعقیب کړې ده. هغه څه، چې مونږ په پوځي برخه کې وکړل؛ له هغه څه جلا ول، چې مونږ په سیاسي برخه کې غوښتل.
د امریکا دفاع وزير جميز متیس ويلي، چې د امریکا نوې تگلاره به د پاکستان او افغانستان په گډون د ټولې سيمې په اړه وي.
د امریکا د بهرنیو چارو وزارت په سیمه کې د پوځي چارواکو د څرګندونو له مخې ويلي، چې پاکستان د طالبانو او حقاني شبکې غړیو ته پټنځي ورکړي دي.
د امریکا د لوی درستیز پخوانی مرستیال جک کین وایي؛ دا یو حقیقت دی، چې د امریکا دولت پر وسلوالو طالبانو د بریا لپاره سیاسي اراده نده کړې. مونږ ستراتیژیکې تېروتنې کړي دي. مونږ د افغانستان د نوي دولت لپاره هغه ډول سرچینې برابرې نه کړې، چې وکولی شي، په خپل هیواد کې ثبات راولي.
د امریکايي رسنيو د څرګندونو له مخې دونلد ترمپ پرېکړې، چې د افغانستان د امنيتي وضعيت د څار دنده مک ماستر ته وسپاري او د ماستر د څېړنو له پايلې وروسته به ترمپ د افغانستان په اړه خپله وروستۍ پرېکړه څرګنده کړي.
تازه خبرونه
د داعش خراسانی مشر د پاکستان په بلوچستان کې دی – رویټرز
رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.
د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.
رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.
رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.
د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.
له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.
د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.
ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.
تازه خبرونه
د رښتر پر کچه ۵ اعشاریه ۲ درجې زلزلې افغانستان ولړزاوه
د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.
دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.
دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.
تر اوسه د دې پېښې د ځاني او مالي زیان په اړه څه ندي ویل شوي.
تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.
تازه خبرونه
د بیات بنیاد د روژې مرسته د بلخ ولایت اړمنو ته ورسېده
بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.
د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.
نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.
هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.
بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.
-
تازه خبرونه3 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري4 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه4 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه5 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه4 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
تازه خبرونه2 days ago
په کابل کې سلګونه اړمنې کورنۍ د بیات بنیاد د روژې له مرستو برخمنې شوې
-
سوداگري3 days ago
د افغانستان او پاکستان د سوداګرۍ استازیو پر ننګونو خبرې وکړې
-
سیمه ییز خبرونه3 days ago
په بلوچستان کې د پاکستان د بحري ځواک پر هوايي اډه وسلوال برید وشو