تازه خبرونه
پاکستان نېغ په نېغه د افغانانو په وژنه کې لاس لري
مشرانو جرګه وايي چې پاکستان طالبان او ترهګر تمویل او تجهیز کوي او د افغانستان د خلکو د وژنو له پاره یې رالېږی. دوی وايي چې حکومت دې د پاکستان پر وړاندې خپل سیاست بدل کړي
مشرانو جرګه د پاکستان د لومړي وزیر نواز شریف د هغو څرګندونو په غبرګون کې چې په دي ورستیو کې د امریکا د سفر پر مهال کړي وو او ویلي دي چې پاکستان نه شي کولای په یو وخت کې هم طالبان ووژني او هم يې د خبرو اترو له پاره چمتو کړي.
مشرانو جرګه زياتوي چې پاکستان هېڅ کله هم په افغانستان کې د سولې د راتلو اراده نه لري. ځکه دوی خپله طالبانو تمویل او تجهیزکوی او افغانان پری وژني.
د مشرانو جرګې رییس فضل هادی مسلميار وايي:
«پاکستان هېڅ کله هم طالبان نه وژني او نه يې وژلي په تېرو ۱۲ کلونو کې یې طالبان ساتلي او د افغانانو د وژنو له پاره یې را لېږلي دي نو پاکستان د افغانستان د خلکو په وژنه کې نېغ په نېغه لاس لري.»
د مشرانو جرګې غړی جمعه الدین ګیانوال څرګندوي:
«پاکستان هغه طالبان نه وژني چې د افغانستان په ضرر وي هغه کسان وژني چې د پاکستان په ضرر وي.»
د مشرانو جرګې غړی شېرمحمد اخند زاده وايي:
«د نواز شریف خبرې دروغ دي موږ کله ویلي چې طالب ووژنه موږ غواړو چې طالب ته اډې مه ورکوه، مه يې ساته، زموږ قومی مشران مه وژنه.»
همدازار د مشرانو جرګې غړو د ملي یووالي پر حکومت نیوکه وکړه چې باید له پیل يې له پاکستان سره خپل اړیکې نه واي ټینګې کړې ځکه پاکستان هېڅ کله هم د افغانستان په اړه مثبت دریځ نه لري.
د مشرانو جرګې غړی فیصل سمېع وايي:
«د نواز شریف خبرې د ملي یووالي د ناسمو سیاستونو پر مخ څپېړه وه له پیل موږ د ملي یووالي حکومت ته وویل چې دغه لاره چې تاسو ځی ترکستان ته ځي. پاکستان هېڅ کله د دوستۍ لاس نه راکوي.»
د مشرانو جرګې غړی نثار حارس څرګندوي:
«موږ د ولسمشر له هغه پرېکړې هرکلی کوو چې له پاکستان پرته د سیمې د هېوادنو په ګډون د ترهګریزو مسایلو په اړه کنفرانس جوړوي دا په ښکاره ثابتوي چې افغانستان په سیمه کې د سولې له پاره هڅه کوي خو پاکستان يې نه کوي.»
دا په داسی حال کې ده چې افغان حکومت له وسله والو مخالفو ډلو سره د سولې د خبرو له پاره شرطونه لري او ویلي يې دي، هغه افغانان چې زموږ شرایط مني د افغانستان د خلکو لاسته راوړنو ته دې درناوی وکړي او په افغانستان کې دې د بهرنیو د ګټو له پاره جګړه نه کوي موږ چمتو یو چې سوله ورسره وکړو.
خبریال: عبدالعزیز کریمي
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ
-
تازه خبرونه2 days ago
راشد خان د افغان بیسیم سوداګریز سفیر شو