Connect with us

تازه خبرونه

پاکستان د نړیوال تروریزم ستر ملاتړی دی -ر. نبیل

خپور شوی

د

(Last Updated On: لړم ۲, ۱۴۰۱)

nabil

د افغانستنان د ملي امنیت پخوانی رییس رحمت الله نبیل له تروریزم څخه د پاکستان د ملاتړ په اړه يو شمېر اسناد وړاندې کړي او وایي، پاکستان د نړیوال تروریزم ستر ملاتړی دی.

د افغانستان د استخباراتو دغه پخواني مشر پخپله یوه خپره شوې لیکنه کې په ډاګه کړې، چې همدا اوس په پاکستان کې ۱۵۰۰۰۰ دیني مدرسې د اسلام په نوم افراطیت تدریسوي او کرکې ته وده ورکوي.

رحمت الله نبیل زیاتوي؛ اوسمهال په پاکستان کې ۵۱ ترورستي ډلې فعالې دي، چې له یادو مدرسو خپل جنګیالي راټولوي.   

هغه ادعا کوي، چې امریکا او ملګري هېوادونه یې له مخکې د پاکستان پر لوبه پوهیدلي؛ خو هیله من ول، چې دغه هېواد به په شمالي وزیرستان کې خپل ضرب غضب نومي عملیات بریالي تر سره کړي، حقاني شبکه به له منځه یوسي او بهرني تروریستان به هم وځپي. پاکستان په افغانستان کې د ولسمشرۍ له ټاکنو شپږ ورځې مخکې په داسې حال کې، چې افغان امنیتي ځواکونه د ټاکنو د امنیت په خوندي کولو اخته ول، تروریستانو ته له وزیرستان څخه افغانستان ته د تېښتې زمینه برابره کړه.

نبیل د شمالي وزیرستان میرانشاه سیمې ته د حقاني شبکې د لیږدولو، د دوه طالب قومندانانو د امنیت ساتنې، وسایطو برابرولو او هغو ته د استوګنې د کورونو د نیولو، ملاتړ او د کابل پر پوځي ډګر، په کابل کې د قومونو او قبایلو پر وزارت د بریدونو، د تښتونې او په کابل ، فراه او هرات کې د اهل تشیع پر رهبرانو د بریدونو او د سولې بهیر ته د کویتې د شورا د هڅونې اسناد وړاندې کړي دي.

هغه دغه راز ویلي، چې پاکستان تر دې دمه امریکا او افغان حکومت ته داسې اسناد نه دي وړاندې کړي، چې د طالب قومندانانو پر وژلو او ځپلو دلالت وکړي.      

همدا راز نوموړي ټینګار کړی، چې د افغانستان حکومت باید له پاکستان سره پخپل بهرني سیاست بیا کتنه وکړي او په بېلابېلو برخو کې د دوست او دښمن ځانګړې پېژندنه وړاندې کړي، چې افغان امنیتي ځواکونه یې د جګړې په ډګر کې تر پاملرنې لاندې ونیسي.

Advertisement

تازه خبرونه

د ټاپي ګاز شرکت اجرائیه رییس د پروژې له پرمختګه خوښ شو

Published

on

(Last Updated On: وری ۹, ۱۴۰۳)

د کانونو او پټرولیم وزیر شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګ په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه ډخوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

تازه خبرونه

تحول: په افغانستان کې د بریټانیا د پوځي ماموریت ارزونه

Published

on

(Last Updated On: وری ۹, ۱۴۰۳)

Continue Reading

تازه خبرونه

په فاریاب او سرپل کې سېلابونو ځاني او مالي زیانونه اړولي

Published

on

(Last Updated On: وری ۹, ۱۴۰۳)

سیمه‌ییزو چارواکو ویلي؛ د سېلابونو له کبله دوه کسانو خپل خوږ ژوند له لاسه ور کړی او د مالي زيانونو تر څنګ د دې دوه ولايتونو د يو شمېر ولسواليو د تګ راتګ لارې هم تړل شوې دي.

دوی زياته کړې، چې پر کرنيزو ځمکو، استوګنې کورونو، د ښار او کلي تر منځ د پلونو پر نړېدو سربېره سېلابونو د خلکو ژوند له ستونزو سره مخ کړى دى.

د يادونې ده، چې د سېلابونو له کبله زيانمنې شوې کورنۍ له دولت او مرستندويه ادارو څخه د بېړنیو مرستو غوښتنه کوي.

Continue Reading

Trending

Copyright © 2022 Ariana News. All rights reserved!