Connect with us

تازه خبرونه

ټوټاپ پروژه دې د سالنګ له لارې تېره شي

خپور شوی

د

(Last Updated On: لړم ۲, ۱۴۰۱)

04

په ولسي جرګه کې د پکتيا وکيلان او مدني فعالان ګواښ کوي، که د ټوټاپ برښنا پروژې تګلوري ته بدلون ورکړل شي، دوى به پراخ لاريونونه وکړي.

هغوى په پکتيا کې د يوه خبري کنفرانس پر مهال وويل، په دې پروژه کې د نورو ولايتونو ترڅنګ د لويې پکتيا د خلکو حق هم دى چې د دې له پاره د خوست، پکتيا، پکتيکا او لوګر ولسونه ارام نه کيني. دوى وايي، په مرکز کابل کې ځینې دولتي مسولین هڅه کوي چې دغه پروژه سیاسي شي.

په دې وروستيو کې د هېواد په سويل ختيځو ولايتونو کې قومي مشران او مدني فعالان راپورته شوي او د هغه څه مخالف دي چې د ولسمشر دويم مرستيالغواړي، د ټوټاپ د برښنا پروژې تګلوری له سالنګ څخه باميانو ته بدل کړي.

په دغه تغير سره د هېواد سويل ختيځ ولايتونه له برښنا بې برخې کېږي. په ولسي جرګه کې د پکتيا استازي له ولسمشر او اسيايي بانک غواړي چې د ټوټاپ پروژه له پلان شوي مسير څخه تغير نه کړي. دوى وايي، د لويې پکتيا اوسېدونکي هم حق لري چې په هېواد کې د متوازن انکشاف په لړ کې له برښنا برخمن شي.

په ولسي جرګه کې د پکتيا ولايت استازىمحمد ابراهيم غښتلى وايي: “د برښنا په ياده پروژه کې هېڅ ډول خنډ راته د منلو نه دى. ډېری کسان دي چې د برښنا په دې پروژه کېقومي تعصباتو ته لمن وهي.” هغوى ګواښ کوي، که لويې پکتيا ته د راغځېدونکې برښنا پر وړاندې خنډونه رامنځته شي، دوى به پراخ لاريونونه پيل کړي.

په همدې حال کې مدني فعال عبدالهادي حماس وايي: “د ولسمشر او اجرايه رييس دويم مرستيالان له حکومتي موقف څخه ناوړه استفاده کوي، په هېواد کې د متوازن انکشاف مخه نيسي.”

دا په داسې حال کې ده چې تېره ورځ د خوست ولايتي شورا او مدني ټولنو هم په يوه غونډه کې ګواښ کړى و، که له سالنګ څخه د ټوټاپ پروژې مسير ته تغير ورکړل شي، نو دوى به ولسي پاڅون وکړي او ارګ مخې ته به خېمې ولګوي.

خبريال: فريدالله ظاهر

 

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!