Connect with us

تازه خبرونه

ټاکنو کمیسیون د بایو متریک تکنالوژۍ کاري مخکتنه وکړه

خپور شوی

د

(Last Updated On: لړم ۲, ۱۴۰۱)

کله، چې د ټاکنو خپلواک کمیسیون د ګوندونو لخوا په ټاکنو کې د بایومتریک سیستم کارولو غوښتنه ومنله؛ نو د دغه سیستم د برابرولو هڅې ورسره ګړندۍ شوې او تېر ماښام د لومړي ځل لپاره ۴۴۰۰ دستګاوې کمیسیون ته ولیږدول شوې.

د ټاکنو خپلواک کمیسیون د سیاسي ګوندونو د استازیو په ګډون د رارسیدلیو دستګاوو کاري مخکتنه ترسره کړه او په ډاګه شوه،  چې له ټولو دوه ویشت زره دستګاوو څلور زره څلور سوه یې کابل ته را رسیدلي او پاتې نورې به یې د تلې تر لسمې کابل ته راورسیږي.

د  سرشمېرنې مرکزي ادارې لوی رییس احمد جاوید رسولي وایي، د ولسمشر د فرمان له مخې؛ په دغه سیستم کې د رای ورکوونکیو اړوند ټاکنیز ټول معلومات د ټاکنو خپلواک کمیسیون په ځانګړي واک کې دي؛ زمونږ د ادارې په ګډون هیڅ ارګان به ورته لاسرسی ونلري. د سرشمېرنې اداره یوازې د دې تکنالوژۍ د برابرولو مسوولیت لرو.

د ټاکنو خپلواک کمیسیون غړی سید حفیظ هاشمي وایي، چې د بایو متریک سیستم زدکړه آسانه ده او ډېر ژر به ټاکنیزو کارکوونکيو ته ترې د ټاکنې پر ورځ د ګټې پورته کولو لارښوونه تر سره شي. د دغه کمیسیون غړي د ټاکنو پر ورځ د څارونکیو ډلو تر څار لاندې کار پیلوي او په دې دستګاوو کې د رای ورکوونکیو ترڅنګ د ګوتو د نښو او د پېژندپاڼو د دواړو مخونو انځورونه اخیستل کیږي.

د ټاکنو خپلواک کمیسیون مرستیال معاذ الله دولتي وایي، چې دغه سیستم به د ځانګړې ډلې لخوا په لنډو ورځو کې اړوند سیمو ته ولیږدول شي.

د نوموړي د څرګندونو له مخې؛ هڅه کیږي، چې د رڼو ټاکنو بهیر نندارې ته وړاندې کړو.             

بلل شويو ګوندونو هم په ښکاره قناعت کړی دی.

د حزب جمعیت اسلامي غړی نور رحمان اخلاقي وایي؛  مونږ ته یوازې یوه پوښتنه بې ځوابه پاتې ده او هغه دا، چې په دې سیستم کې ثبت شوي کسان به چېرته معلومیږي؟!                 

د حزب وحدت مردم افغانستان ګوند مرستیال محمد ناطقي هم وایي؛ کمیسیون دې ضمانت وکړي، چې دا سیستم د ډلو او نورو ارګانونو په واک کې نه ورکول کیږي او دغه را دې څرګنده کړي، چې وروستي معلومات چېرته راټولیږي؟!             

د ټاکنو خپلواک کمیسیون د څرګندونو له مخې؛ د بایومتریک له دوه ویشت زره دستګاوو څخه څلور زره څلور سوه یې دغه کمیسیون ته رارسیدلي او پاتې نور به یې د تلې تر لسمې کابل ته را ورسیږي، چې د تلې پر دولسمه به یې په ټول هېواد کې د ویش لړۍ پیل شي.

خبریال: علی اصغري

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!