Connect with us

تازه خبرونه

ولسي جرګه: د کندوز د حقيقت موندنې ډله بايد راپور له خلکو سره شريک کړي

خپور شوی

د

(Last Updated On: لړم ۳, ۱۴۰۱)

د کندوز د حقیقت موندلو د کمیسیون څېړنې باید د ولسمشرۍ پر ځای له خلکو سره شریکې شي. د ولسي جرګې ځینې غړي د دغه کمیسیون رپوټ کې په ځنډ اندېښنه لري، دوی ویره لري چې کېدای شي په دې برخه کې حکومت سیاسي معاملې وکړي، خو ولسمشرۍ ماڼۍ وایي، دغه رپوټ امنیت شورا مطالعه کړی او اقدام به وشي.

په وروستیو کې د کندوز د پېښې په اړه د حقیقت موندنې کمیسیون رپوټ ولسمشرۍ ماڼۍ او سپېدار ماڼۍ ته وسپارل شو، ټاکل شوې وه کمیسیون د شنبې په ورځ له خلکو سره دا مساله شریکه کړې وای، خو د ځینو دلایلو له امله دغه کار ونه شو، دغې مسالې د ولسي جرګې د ځینو غړو اندېښنې را پارولي دي.

په ولسي جرګه کې د دایکندي ولايت استازی صادقي زاده نیلی وايي:

«هغه ټکي چې د سقوط لامل شوي وو بايد څرګند کړل شي، د سقوط په اړه څرګندونو موږ اندېښمن کړي يو، بايد چې ترسره شوې څېړنې له خلکو سره شریکې شي، دلته نه بايد سياسي معاملې وشي.»

په ولسي جرګه کې د بامیان ولايت استازی فکوري بهشتي وايي:

«حقيقتونه بايد بربنډ کړل شي، د کندوز په پېښه کې په سلګونو زرو خلکو ضرر وليد بايد چې عاملين يې په ډاګه کړل شي.»

خو ولسمشرۍ ماڼۍ وایي، دغه رپوټ د پنجشنبې په ورځ امنیت شورا ته سپارل شوی او په اړه يې لومړنۍ څېړنه پیل شوې ده.

د ولسمشر د ویاند مرستیال سید ظفر هاشمي په دې اړه داسې وايي:

«حکومت لومړی دا راپور مطالعه کړی، وروسته به له حقيقت موندندې کميسیون سره خبرې پرې وکړي.» وروسته  له دې چې کندوز ښار طالبانو ونیوه، ولسمشر غني یو کمیسیون جوړ کړ څو د کندوز د سقوط عوامل او عاملین وپېژني.

Advertisement

تازه خبرونه

افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې

Published

on

(Last Updated On: غویی ۶, ۱۴۰۳)

د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.

د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.

د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.

ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.

دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.

په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.

د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونه‌باسي او په دې اړه د دواړو لوریو ترمنځ ښه همغږي رامنځته شي.

ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.

Continue Reading

تازه خبرونه

ملا برادر د قزاقستان د لومړي وزیر له مرستیال سره د اوسپنې پټلۍ پر رامنځته کولو خبرې وکړې

Published

on

(Last Updated On: غویی ۶, ۱۴۰۳)

د اسلامي امارت د ریاست الوزرا اقتصادي مرستیال او د قزاقستان د لومړي وزیر مرستیال سیرک ژومانګارین د ترکمنستان او افغانستان له لارې پاکستان ته د اوسپنې پټلۍ پر رامنځته کولو خبرې وکړې.

د افغانستان اقتصادي مرستیالۍ په خبربانه کې راغلي، چې په دې لیدنه کې ملا عبدالغنی برادر د دواړو هېوادونو د سوداګرو د بانکي ستونزو د حل، د افغان – قزاق د ګدو شرکتونو رامنځته کولو  او سوداګرو ته د ویزو د ورکړې لپاره د هوکړه لیکونو پر لاسلیک ټینګار وکړ.

سیرک ژومنګارین په پام کې لري، چې د قزاقستان د صنعت او سوداګرۍ ګډه خونه او د دواړو هېوادونو د سوداګرۍ او کار ګډه ډله رامنځته کړي او چمتو دی، چې د برښنایي حکومتولۍ، صنعت، لوړو زده‌کړو، پوهنې، روغتیا او بانکدارۍ په سکټورونو کې له افغانستان سره همکاري وکړي.

Continue Reading

تازه خبرونه

ایران او پاکستان په افغانستان کې پر ترهګرو ډلو اندېښنه څرګنده کړه

Published

on

(Last Updated On: غویی ۶, ۱۴۰۳)

ایران او پاکستان په یوه ګډه اعلامیه کې د یو سوله‌ییز، متحد، خپلواک او له ترهګرۍ او نشه‌یي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.

دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.

دوی دغه راز د سیمې د امنیت او ثبات د ډاډمنولو لپاره د سیمه‌ییزې او نړیوالې همغږۍ د اړتیاوو پر اهمیت خبرې کړې دي.

دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.

Continue Reading

Trending

Copyright © 2022 Ariana News. All rights reserved!