Connect with us

تازه خبرونه

ولسي جرګه: د خلکو او حکومت تر منځ واټن زیات شوی

خپور شوی

د

(Last Updated On: لړم ۳, ۱۴۰۱)

 د ولسي جرګې رییس د سیمې د استخباراتو توطیې، تېري او لاسوهنې د هېواد د اوسني کړکیچن وضعیت عوامل بولي.

 دی د روان حالت په اړه اندیښنه لري او په وینا یې له همدې امله د خلکو او حکومت تر منځ واټن را منځ ته شوی دی او ورځ تر بلې د ملي یووالي له حکومت څخه د خلکو ناخوښي مخ په پراخېدو ده. دوی له حکومت غواړي چې د خلکو او ملي شورا د غړو د امنیت له پاره خپل مسولیتونه په ښه توګه تر سره کړي.

 د ۱۳۸۶ ميلادي کال د لړم په پنځلسمه بغلان کې په یوه ځانمرګي برید کې د ولسي جرګې د اقتصاد د کمیسیون رییس سید مصطفی کاظمي او د ولسی جرګي پنځه نور غړي ووژل شول. پیښه کې د زده کوونکو په ګډون شاوخوا دوه سوه کسانو ته مرګ  ژوبله واوښته.

 د دوی یاد غونډه د ملي شورا له لوري جوړه شوه. د ولسي جرګې رییس دغې غونډې ته خبرو کې په حکومت نیوکه وکړه چې په وینا یې د امنیتي وضعیت په کنټرول کې پاتې راغلی. عبدالرووف ابراهیمي وایي، هېواد د سیمې د استخباراتو له دسیسو او مداخلو سره مخامخ دی چې همدې ناوړه عواقب را منځته کړي او خلک یې اړ کړي څو له هېواده پښې سپکې کړي.

د ولسي جرګې رییس عبدالروف ابراهیمي وايي:

«له بده مرغه ويلای شم چې هیواد کې د اوسني وضیعت له امله د خلکو او حکومت تر منځ واټن زیات شوی او ورځ تر بلې د خلکو نارضایتي له حکومته مخ په زیاتېدو ده.»

د مشرانو جرګې رییس فضل الهادی مسلیمار وايي:

«حکومت دې خپل مسولیت ادا کړي، وضیعت ډېر خراب شوی په اوس او راتلونکي کې د نخبه ګانو د امنیت د ساتنی لپاره باید خپل مسولیت ادا کړي.  ترڅو سیاسي او ملي متفکرین ضایع  نه شي او نور د دوی د وژلو خبر وانه ورو.»

خو د ولسي جرګې یو شمېر غړي بیا د حامد کرزي په مشرۍ پخوانی او د محمد اشرف غني په مشرۍ اوسنی حکومت تورنوي چې د هدفي وژنو د دوسیو په افشا کولو کې یې هیڅ اقدام نه دی کړی.

د ولسي جرګې غړی قدرت الله ذکي څرګندوي:

په تاسف سره چې ۱۴ کاله هدفي وژنې روانې وې چې ډېر کسان د دښمنانو له خوا ووژل شول. په وار وار مو وړاندیز وکړ، خو دوی د دغو قتلونو یو عامل هم پیدا نه کړ او د دوي څیره یې افشا نه کړه.))

 

 

دولسي جرګې غړېراحله سلیم وايي:

«حکومت د دوی دوسیې نه دي څېړلې او څارنوالۍ ته يې هم نه دي معرفي کړي. دښمن هم پیاوړی شو ځکه حکومت کمزوری دی او د دغو وژنو عاملین حکومت کې دي.»

 د ولسي جرګې رییس له حکومت غوښتنه وکړه چې د ملي شورا د وژل شویو وکیلانو عاملین ژر تر ژره ونیسي او د قانون منګولو ته یې وسپاري.

خبريال: عبدالعزیز کریمي

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!