تازه خبرونه
ولسي جرګه امنیتي مسولین استجوابوي
ولسي جرګې په کندوز کې د ترینګلیو امنیتي حالاتو او په هیواد کې د نا امنیو د پراخیدو له کبله پریکړه وکړه چې د شنبي په ورځ امنیتی چار واکي عمومی غوندي ته استجواب کړي.
په ولسي جرګه کې د کندوز استازي وايي چې په دغه ولایت کې وسلوالو مخالفینو، امنیتي ځواکونه کلابند کړي دي.
کندوز ولایت د وسلوالو مخالفینو بریدد ولسي جرګي د غړو له ژورو اندیښنو څخه ده.
په ولسي جرګه کې د کندز د خلکو استازې شکریې پیکان غوښتل چې په دغه ولایت کې د جګړې په ډګر کې د ټپي شويو او په وینا يې د وسلوالو مخالفینو لخوا د کلابندو سسرتیريو اواز د جرګې د غړو تر غوږو ورسوي،خو چانس یې ونه وموند:
“هغه اړیکې چې سر تیرو له ماسره لرلې، ویلی شم چې دوی د محاصرې لاندې دي، په تلیفوني اړیکه کې د ډزو غږ اوریدل کیده او دوی د وسلوالو مخالفیو تر برید لاندي وو او باید چې یو تصمیم نیول شوی وای؛ خو ریسس صاحب! ستا دا کار د خلکو پر وړاندي یوه جفا دي.“
دولسي جرګي رییس عبدالرووف ابراهیمی:
“موږ د همدي موضوع په اړه د شنبي په ورځ امنیتي چارواکي عمومی غوندي ته راغوښتي دي.“
د جرګې یو شمیر غړي وايي چې د سرپرستانو لخوا د ولایتونو ادارې کولو د نا امنیو له زیاتیدو سره مرسته کړې ده.
دولسي جرګې غړی نقیب الله فایق:
“دفاریاب امنیتي وضیعت خراب دی، په یو شمیر سیمو کې د انجونو ښونځي او دولتي دفاتر تړل شوي، د المار ولسوالۍ نیمه یي د دولت او نیمه يي د طالبان په لاس کې دي.“
دولسي جرګي غړي عبدالرحمن رحماني:
“سر پرست والیان او ولسوالان په نا امنیو کې لاس لري او په زوره نا امنیو ته لاره هواروي تر څو د دوی کار دوام وکړي؛ که دغه سر پرستی ته خاتمه ورنکړل شي، نو نظام به سقوط سره مخا مخ شي.“
روان پسرلی او دوبی افغان ځواکونه ستونزمنې شپې ورځې په مخ کې لري.
کورنیو او بهرنیو وسلوالو مخالفینو دا وار د افغان پوځيانو په وړاندې خپلو بریدونو ته په داسې حال کې زور ورکړی چې اوس افغان ځواکونه د نړیوالو سرتیرو غښتلی پوځي ملاتړ له څان سره نلري.
خبریال: عبدالعزیز کریمی
تازه خبرونه
افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې
د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.
د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.
د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.
ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.
دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.
په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.
د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونهباسي او په دې اړه د دواړو لوریو ترمنځ ښه همغږي رامنځته شي.
ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.
تازه خبرونه
ملا برادر د قزاقستان د لومړي وزیر له مرستیال سره د اوسپنې پټلۍ پر رامنځته کولو خبرې وکړې
د اسلامي امارت د ریاست الوزرا اقتصادي مرستیال او د قزاقستان د لومړي وزیر مرستیال سیرک ژومانګارین د ترکمنستان او افغانستان له لارې پاکستان ته د اوسپنې پټلۍ پر رامنځته کولو خبرې وکړې.
د افغانستان اقتصادي مرستیالۍ په خبربانه کې راغلي، چې په دې لیدنه کې ملا عبدالغنی برادر د دواړو هېوادونو د سوداګرو د بانکي ستونزو د حل، د افغان – قزاق د ګدو شرکتونو رامنځته کولو او سوداګرو ته د ویزو د ورکړې لپاره د هوکړه لیکونو پر لاسلیک ټینګار وکړ.
سیرک ژومنګارین په پام کې لري، چې د قزاقستان د صنعت او سوداګرۍ ګډه خونه او د دواړو هېوادونو د سوداګرۍ او کار ګډه ډله رامنځته کړي او چمتو دی، چې د برښنایي حکومتولۍ، صنعت، لوړو زدهکړو، پوهنې، روغتیا او بانکدارۍ په سکټورونو کې له افغانستان سره همکاري وکړي.
تازه خبرونه
ایران او پاکستان په افغانستان کې پر ترهګرو ډلو اندېښنه څرګنده کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ