Connect with us

تازه خبرونه

ولسمشر د ملي شورا د تړونونو د بیا کتنې امر کړی

خپور شوی

د

(Last Updated On: لړم ۲, ۱۴۰۱)

ولسمشر امر کړی، چې د ملي شورا ټول تړونونه تر بیا کتنې لاندې راشي او په دې اړه دخیل افراد عدلي او قضایي بنسټونو ته وروپېژندل شي.

په ملي شورا کې د پراخ فساد د شتوالي په اړه له پراخو نیوکو وروسته؛ ولسمشر اشرف غني د ملي تدارکاتو په وروستۍ ناسته کې امر کړی، چې د ملي شورا ټول تړونونه باید تر بیا کتنې لاندې راشي او په دې بهیر کې ښکېل کسان لویې څارنوالۍ ته وروپېژندل شي.

د ولسمشر د ویاند مرستیاله درانۍ وزیرۍ ویلي، موخه مو په دې بنسټ کې د پراخ فساد ځپل دي؛ ځکه، چې په دې اړه ډېر شکایتونه ور رسیدلي دي.

د هغې د څرګندونو له مخې؛ د ملي تدارکاتو په ناسته کې پرېکړه وشوه، چې د ولسي جرګې او مشرانو جرګې ټول تړونونه وڅېړل کیږي او په دې بهیر کې ښکېل سرغړوونکي باید د بشپړو څېړنو لپاره عدلي او قضایي بنسټونو ته وروپېژندل شي.

د افغانستان روڼتیا څار وایي، لویه څارنوالي د ملي شورا د غړیو د فساد دوسیو ته لاسرسی نشي موندلی. دغه بنسټ ملي شورا په فساد کې ککړه بولي.

ولسمشر غني د ملي شورا د تړونونو د څېړلو پر مهال ټینګار کړی، چې په اداري فساد کې د ولسي جرګې د رییس او د دارالانشا د پخواني رییس د لاس لرلو راپورونه شته؛ خو د ولسي جرګې رییس یې ردوي.

د ولسي جرګې ځینې غړي په څلورو کمیسیونونو کې ګمارل شوي وه، چې دا موضوع وڅېړي.

د ولسي جرګې غړی محمد حسین فهیمي وایي، د ملي شورا د تدارکاتو په اړه ډېر شکونه شته؛ خو د دې مسلې څېړنه د حکومت تر مصلحتي او سیاسي چتر لاندې راغلې ده.         

د دې تر څنګ د افغانستان روڼتیا څار موندنې ښیي، چې د ولسي جرګې منشیانو د لوژستیکي  چارو له قانون پورته عمل کړی دی.

د افغانستان د روڼتیا څار څېړونکی ناصر تیموري وایي: د ولسي جرګې منشیانو د لوژستیکي چارو له قانون پورته عمل کړی دی. په داسې حال کې، چې دا موضوع یې پوره روښانه وه؛ خو لویې څارنوالۍ یې له څېړلو ډډه کړې ده.

دا په داسې حال کې ده، چې د ملګرو ملتونو سیاسي استازولۍ څو میاشتې مخکې په یوه راپور کې پر ملي شورا کلکې نیوکې کړې وې او په دې بنسټ کې یې د فساد موارد غیرانساني او شرموونکي ګڼلي وه؛ ځکه، نو د ولسي جرګې په ټاکنو کې د زیاترو نوماندانو شعارونه له فساد سره پر مبارزه راوڅرخیدل. اوس خلک تمه لري، چې نوماندان باید له بریالیتوب وروسته پر خپلو شعارونو عمل وکړي.

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!