تازه خبرونه
ولسمشر غني د پاکستان د ملي امنیت له سلاکار ناصر جنجوعه سره وکتل
ولسمشرۍ ماڼې په ډاګه کړې، چې ولسمشر اشرف غني نن له غرمې مخکې د پاکستان د ملي امنیت له سلاکار ناصر جنجوعه او راغلي پلاوي سره وکتل.
د ولسمشرۍ د څرګندونو له مخې؛ په دې کتنه کې، چې د ارګ په دلکشا ماڼۍ کې تر سره شوې، دواړو غاړیو د افغانستان لخوا طالبانو ته د سولې پر وړاندیز او له پاکستان سره د هر اړخیزو مذاکراتو پر پیل او څرنګوالي بحث او خبرې وکړې.
په دې کتنه کې د دواړو هېوادونو ترمنځ د سیمهییز اتصال او سیمهییزو همکاریو پر اهمیت او ګټو د بحث تر څنګ د جرمي اقتصاد او تروریستي شبکو پر فعالیت او له هغو سره د مبارزې پر لارو چارو هم خبرې شوې دي.
په پای کې ولسمشر غني د افغانستان او پاکستان تر منځ د دولت په دولت مذاکراتو د پيل په خاطر، چې په( کابل بهیر دوه یم کنفرانس) کې پرې ټینګار شوی و، د پاکستان صدراعظم ته هم کابل ته د راتګ رسمي بلنه ورکړې ده.
د پاکستان د ملي تلويزيون د خبرله مخې؛ د پاکستان د ملي امنيت سلاکار ناصر جنجوعه د یو لوړپوړي پلاوي په مشرۍ نن د افغانستان د ملي امنيت د سلاکار حنيف اتمر د بلنې له مخې کابل ته رارسیدلی دی.
ویل کیږي، چې نوموړی به د کابل په سفر کې د حکومت د ملي امنیت شورا له مشاور حنیف اتمر په ګډون له اجرائیه رییس عبدالله عبدالله او د ملي امنیت د عمومي رییس معصوم ستانکزي سره هم لیدنه ولري.
تازه خبرونه
د ټاپي ګاز شرکت اجرائیه رییس د پروژې له پرمختګه خوښ شو
د کانونو او پټرولیم وزیر شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګ په اړه یې خبرې وکړې.
د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه ډخوښي وښوده او د پروژې د عملي پیل په اړه یې خبرې وکړې.
د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.
ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.
TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت لهخوا پراختیا مومي.
دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.
تازه خبرونه
تحول: په افغانستان کې د بریټانیا د پوځي ماموریت ارزونه
تازه خبرونه
په فاریاب او سرپل کې سېلابونو ځاني او مالي زیانونه اړولي
سیمهییزو چارواکو ویلي؛ د سېلابونو له کبله دوه کسانو خپل خوږ ژوند له لاسه ور کړی او د مالي زيانونو تر څنګ د دې دوه ولايتونو د يو شمېر ولسواليو د تګ راتګ لارې هم تړل شوې دي.
دوی زياته کړې، چې پر کرنيزو ځمکو، استوګنې کورونو، د ښار او کلي تر منځ د پلونو پر نړېدو سربېره سېلابونو د خلکو ژوند له ستونزو سره مخ کړى دى.
د يادونې ده، چې د سېلابونو له کبله زيانمنې شوې کورنۍ له دولت او مرستندويه ادارو څخه د بېړنیو مرستو غوښتنه کوي.
-
تازه خبرونه2 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري3 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه3 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه4 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه4 days ago
د ښځو پر وړاندې د اسلامي امارت فرمانونه افغانستان پر بهرنیو مرستو متکي ساتي – رینا امیري
-
تازه خبرونه3 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
سوداگري2 days ago
د افغانستان او پاکستان د سوداګرۍ استازیو پر ننګونو خبرې وکړې
-
سیمه ییز خبرونه2 days ago
په بلوچستان کې د پاکستان د بحري ځواک پر هوايي اډه وسلوال برید وشو