Connect with us

تازه خبرونه

ولسمشر غني د میدان وردگو د شهیدانو کورنیو ته خپله خواخوږي وړاندې کړه

خپور شوی

د

(Last Updated On: لړم ۳, ۱۴۰۱)

12342450_884760558306714_7934377289277947455_n

د افغانستان د اسلامي جمهوریت جمهور رییس محمد اشرف غني د یکشنبې په ورځ ماښام مهال د میدان وردگ ولایت د سید آباد ولسوالۍ د شهیدانو له کورنیو او مشرانو سره وکتل.

 

دغه کتنه، چې په ارگ کې ترسره شوه؛ لومړی انجینر سید رحیم ستار، حاجي بلیمین او حاجي جانان د یادې پېښې د جزئیاتو تر څنگ د امنیتي ستونزو په اړه جمهور رییس ته  معلومات ورکړل او په یاد ولایت کې د امنیت د تامین او اصلاحاتو تر څنگ یې د شهیدانو په نوم د یوې دیني مدرسې د جوړولو غوښتنه هم وکړه.

 

جمهور رییس له غمجنو کورنیو سره خواخوږي څرگنده کړه او شهیدانو ته یې د فردوس جنت غوښتنه وکړه.

 

جمهور رییس غني د شهیدانو د کورنیو د استازیو صبر، زغم او متانت وستایه او زیاته یې کړه په دغسې زغم او حوصله مندۍ د دغې پېښې د جزئیاتو شریکول او بیان ټولو مسوولینو ته د عبرت درس دی.

 

د هېواد ولسمشر وویل، د اروپا له سفره، چې راستون شوم؛ نو د میدان وردگو والي ته مې تیلیفون وکړ. غوښتل مې، چې ستاسو خدمت او غمشریکۍ ته درشم؛ خو هغه کابل ته ستاسو له راتگه خبر کړم.

 

ولسمشر وویل، ملي دفاع وزارت  به د یاد کنډک  په ځای، چې د دغې پېښې لامل شوی په سیمه کې بل نوي کنډک ځای په ځای کړي.

 

هغه زیاته کړه، د یادې پېښې عاملین به د عدلي څېړنو په موخه محکمې ته ولېږل شي او ولس ته ډاډ ورکوو، چې حکومت  د دغه وړ کړنو جدي تحقیق او څېړنه کوي.

 

محمد اشرف غني څرګنده کړه، په خپل شخصي لگښت به د شهیدانو په نوم یوه دیني مدرسه جوړه کړي.

 

هغه وویل، په نږدې راتلونکي کې به میدان وردگ ولایت ته درشم او د شته ستونزو د حل له پاره به داسې اقدامات وکړو، چې ولس ته د قناعت وړ وي.

 

په دې کتنه کې د ملي دفاع وزارت سرپرست محمد معصوم ستانکزي، د وسلوال پوځ لوی درستیز ډگر جنرال قدم شاه شهیم، په سیاسي چارو کې د جمهور رییس ځانگړی استازی داکتر محمد اکرم خپلواک، د میدان وردگو ولایت والي حیات الله حیات او په ولسي جرگه کې د میدان وردگو ولایت ځینو استازیو هم گډون درلود.

 

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!