Connect with us

تازه خبرونه

هېواد ته د زعفرانو د غوټو پر وارداتو بندیز ولګید

خپور شوی

د

(Last Updated On: لړم ۳, ۱۴۰۱)

د کرنې او مالدارۍ وزارت مسوولین وايي: د ولسمشر اشرف غني د حکم له مخې؛ هېواد ته د زعفرانو د غوټو(پیازو) پر وارداتو بندیز ولګید.

د کرنې او مالدارۍ وزارت مسوولین وايي، چې هېواد ته د زعفرانو د غوټو پر وارداتو له بندیز موخه د کورنیو زعفرانو د کیفیت ساتنه او خوندیتوب دی.

د کرني وزارت ویاند وايي، چې د هېواد په ۳۳ ولایتونو کې د زعفرانو کښت شوی او د چین په ګډون د خلیج له ځینو هېوادونو سره هم خبرې شوي، چې ورته بازار موندنه رامنځته شي.

د کرنې او مالدارۍ وزارت ویاند اکبر رستمي وایي، له دي سره به زمونږ زعفران، چې په نړیوال مارکیت کې ځانکړی ارزښت لري؛ خوندي او ورسره به د ځینو مخربو کړیو مخه هم ونیول شي.

د نوموړي د څرګندونو له مخې؛ دا کار کولی شي په نړیوالو بازارونو کې د افغانستان د زعفرانو د ارزښت ساتلو لپاره ګټه ورسوي.

هغه هیله من دی، چې راتلونکی کال به د زعفرانو محصولات ۱۴ ټنوته لوړ شي.

نوموړی زیاتوي، تېر کال نږدې نهه ټنه زعفران نړیوالو مارکیتونو ته صادر شوي وه.

د صنایعو او کانونو خونې مسوولین وايي، حکومت باید په هغو برخو کې، چې بسیاینه ولري؛ ملاتړ ډېر کړي.

د څښاک اوبه، غیر الکولي مشروبات، مرمرو ډبرې او غالۍ د حکومت پاملرنه او ملاتړ غواړي؛ ځکه، چې په دغو برخو کې پنځوس سلنه تولیدات لرو او باید ورته پاملرنه زیاته شي.

د پایپونو، وسپنې ویلي کولو، د چرګانو د غوښو او لبنیاتو ملاتړ ته هم اړتیا لیدل کیږي.

د صنایعو او کانونو خونې مرستیال سخې احمد پیمان وايي، چې د کورنیو تو لیداتو او محصولاتو د ملاتړ لپاره د ولسمشر له دې ګامه هرکلی کوو؛ باید، چې په نورو سکتورونو کې هم دا کار تر سره شي.

د اقتصادي چارو کار پوهان وايي، چې د افغانستان د کرنیزو محصولاتو لپاره په منځنۍ آسیا کې خورا مهم مارکیتونه شته؛ خو د کرنې وزارت د اړتیا وړ کارونه ندي کړي.

په افغانستان کې د ازبکستان د سوداګرۍ خونې رییس توفیق وحدت وایي: په منځنۍ آسیا کې افغان کرنیزو محصولاتو په ځانګړي توګه زعفرانو، وچې او تازه میوې لپاره مناسب مارکیت شته؛ خو اوس هم کار ندی شوی.

د یادونې ده، چې د بهرنیو زعفرانو او غوټو د بندولو ترڅنګ د افغان سوداګرو تولیداتو ته پاملرنه وشي؛ نه یوازې به د کورنیو تولیداتو پر وده او پراختیا، بلکې پر کیفیت او کمیت هم مثبت اغېز وکړي.

خبریال: اسلم حجاب

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!