Connect with us

تازه خبرونه

هېوادوال په جګړه کې له ښکېلو ډلو غواړي چې اختر ته يې په ارامه پرېږدي

خپور شوی

د

(Last Updated On: لړم ۲, ۱۴۰۱)

vlcsnap-2016-09-11-17h05m20s58

افغانان چې د لوی اختر له پاره تیاری نیسي،په جګړه کې له ښکېلو خواوو غواړي چې جګړه و دروي او د سولې له پاره کار وکړي.

که څه هم سختې جګړې افغانان ډېر کړولي، خو بیا هم په کابل کې ژوند دوام لري او خلک ښار او بازار ته راوځي چې د لوی اختر له پاره توکي واخلي. د پخوا په پرتله په ښار کې ګڼه ګوڼه زیاته ده او خلک تازه او وچې مېوې اخلي چې د اختر په ورځو کې د مېلمنو ښه قدر او عزت وشي.

د قربانۍ د څارویو بیې لوړې دي، خو بازار یې ښه تود دی.

د کابل ښار اوسېدونکیاحمدجان وايي: “د پسونو بيې ډېرې لوړې شوې دي، تېر کال به مو همدا ډول پسه په لس زره اخيست خو اوس يې تر ۱۴زره کم نه شې اخيستی.”

وسله والو طالبانو د یوې اعلامیې په خپرولو سره ټينګار کړی چې د افغان پوځیانو پر خلاف به خپلې جګړې ته دوام ورکوي، هغه څه چې د افغانانو په روحیه یې ناوړه اغېزه کړې ده.

د ولسي جرګې غړی رمضان بشردوست وايي: “طالبان به له جګړې لاس وانه خلي، ښه به دا وي چې په يوه اوسپنيز سوک يې خوله پرې ماته کړل شي، څو له سولې سره يو ځای شي.”

د کابل ښار اوسېدونکی فریداحمد وايي: “موږ له طالبانو هيله کوو چې له جګړې نور لاس واخلي، ځان مرګي دې نه کړي او رادې شي له موږ سره دې يو ځای ژوند وکړي.”

لوی اختر د نړۍ د ټولو مسلمانانو له پاره  د خوښۍ او له یو بل سره د مینې او محبت کولو ځانګړيمراسم دي چې درې ورځېدوام لري او عمومي رخصتۍوي. هغه عاقل او بالغ مسلمانان چې مالي توان یې لوړ وي، څاروي ذبح کوي او په اړو مسلمانانو یې وېشي.

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!