تازه خبرونه
نړيواله ټولنه له افغانستان څخه له فساد سره مبارزه او د ټاکنيزو بنسټونو اصلاح غواړي
د ناټو عمومي منشي وايي چې د افغانستان د ټاکنیزو بنسټونو اصلاح او له فساد سره مبارزه د نړیوالې ټولنې او افغانانو جدي غوښتنه ده.
د ناټو عمومي منشي اداري فساد یوه ستره ستونزه بولي او له هغه سره مبارزه د افغانستان د پرمختګ او ناټو د سیاسي متحدینو د ملاتړ له پاره بنسټیزه بولي. د ناټو عمومي منشي په افغانستان کې د ناټو د متحدینو د دلایلو له جملې یو د دوی د خپلو هېوادونو خوندي ساتل دي.
ینس سټالټنبرګ مني چې د افغان امنیتي ځواکونو د پياوړي کولو له پاره له پخوا هڅې شوې وې. هغه له ترهګرۍ او افراطیت سره د افغان ځواکونو مبارزه د بهرنیو ځواکونو له اوږدمهالي شتونه مهمه بولي.
د ناټو عمومي منشي ینس سټالټنبرګ وايي، سربېره پر دې چې افغانستان کې په روغتیايي او پوځي برخه کې پرمختګونه شوي دي، خو تراوسه ډېرې ستونزې په خپل ځای پاتې دي چې اداري فساد یو له هغو دی.
د ناټو عمومي منشي ینس سټالټنبرګ زیاتوي، ژباړه: “د اداري فساد پر وړاندې مبارزه ډېره مهمه ده، دا د افغانستان له سیاسي او پوځي رهبرانو سره زما د خبرو یو له مهمو بحثونو و. ما په کلکه ټينګار وکړ چې موږ باید د فساد پر وړاندې د ژمنتیا او په دې برخه کې د پرمختګ شاهدان واوسو. تر هغې چې فساد شته وي، د یوه پرمختللي او کار پلوي افغانستان رامنځته کېدل او د نړیوالو متحدینو ملاتړ کمزوری کوي. یواځې ناټو نه بلکې اروپايي ټولنه، ملګري ملتونه او د نړیوالې ټولنې ټول اړخونه، د پیسو نړیوال صندوق او ډېر نړیوال بنسټونه غواړي ډاډه شي چې پیسې یې په سم ډول مصرفېږي.”
د ناټو دغه لوړپوړی چارواکی زیاتوي چې د هغه د سفر موخه د افغانستان هغه د وضعیت څېړنه ده چې له مخې یې په افغانستان کې د ناټو حضور مشخص کېږي.
د ناټو عمومي منشي ینس سټالټنبرګ وايي، ژباړه: “یو له هغو لاملونو چې په ۲۰۱۷ کال کې په افغانستان د بهرنیو سرتېرو د حضور په اړه پرېکړه نه ده شوې، دا ده چې موږ باید لومړی وضعیت وڅېړو او په سمه توګه یې وپېژنو او زما د سفر موخه هم په همدې اړه څېړنه ده. وروسته موږ پرېکړه کوو او په دغو پرېکړو کې نرمښت هم منو. هغه پرېکړه چې موږ کړې ده، دا ده چې موږ یوه نرمه او هدف لرونکې تګلاره ولرو.”
د ناټو عمومي منشي وايي، په اکټوبر میاشت کې د وارسا د غونډې په ترڅ کې د ناټو د متحدینو د بحث وړ موضوع د غوڅ ملاتړ ماموریت راتلونکې، د افغان ځواکونو مالي ملاتړ او له افغانستان سره د سیاسي مشارکت څرنګوالی دی. هغه زیاتوي چې د ناټو د متحدینو ګټې په دې کې دي چې افغانستان یو ځل بیا د ترهګرو په خوندي پټنځای بدل نه شي.
ینس سټالټنبرګ زیاتوي، ژباړه: “له شک پرته چې اصلي معما او مسله دا ده چې موږ یواځې د افغانانو ملاتړ نه کوو، بلکې دې ته هم پام کوو چې یو ځل بیا افغانستان د نړیوالو ترهګرو په خوندي ځالې بدل نه شي او دا کار د خپلو ګټو د خوندي کولو له پاره کوو. باید په یاد ولرو هغه لامل چې موږ یې له مخې دلته راغلي یو، زموږ د هېوادونو خوندي ساتل دي.”
د ناټو عمومي منشي دغه راز وايي چې د افغان امنیتي ځواکونو روزنه باید له ډېر پخوا پیل شوې وای او له ترهګرۍ سره د اوږدمهالې مبارزې له پاره اړینه ده چې ترهګر په خپله د افغان ځواکونو له خوا وځپل شي نه د بهرنیو ځواکونو له خوا. د هغه په باور، د افغان امنیتي ځواکونو په لیکو کې د سرتېرو د کمېدو مخه باید ونیول شي.
تازه خبرونه
کابل ته راغلي مالیزیایي پلاوي له افغانستان سره په بېلابېلو برخو کې د همکاریو ډاډ څرګند کړ
کابل ته راغلي د مالیزیا هېواد د بهرنیو چارو، دفاع، کورنیو چارو وزارتونو استازو، د مالیزیا صدراعظم د دفتر سلاکارانو او د افغانستان لپاره د مالیزیا ځانګړي استازي د اسلامي امارت بهرنیو چارو له وزیر امیر خان متقی سره وکتل.
د اسلامي امارت د بهرنیو چارو وزارت د څرګندونو له مخې؛ کابل ته د راغلي مالزیایي پلاوي ځانګړې استازې میرمن داتو دوکتور شازلینا د افغانستان سیاسي وضعیت مثبت ارزولی او له افغانستان سره یې په بېلابېلو برخو کې د همکاریو د پراحتیا ډاډ څرګند کړ.
هغې ویلي، چې په نږدې راتلونکي کې به د مالیزیا یو سوادګریز پلاوی هم افغانستان ته سفر وکړي.
میرمن داتو دوکتور شازلینا زیاته کړې: مالیزیا هوډ لري، چې د افغان ډیپلوماټانو لپاره د لنډ مهاله روزنیزو پروګرامونو د تنظیم، د معلوماتي ټکنالوجۍ په برخه کې د روزنیزو پروګرامونو، د افغان ملکي خدمتونو د کارکوونکیو لپاره د محاسبې او پراختیا او په دې برخه کې د مسلکي پروګرامونو د تنظیم په اړه له افغانستان سره همکاري وکړي.
د اسلامي امارت د بهرنیو چارو وزیر په یادو برخو کې یې له افغانستان سره د مالیزیا له لیوالتیا او همکاریو د مننې تر څنګ ویلي، چې افغانستان په سیاسي او اقتصادي ډګر کې متوازن او اقتصاد محوره بهرنی سیاست تعقیبوي او له نړيوالې ټولنې سره د افغانستان اړيکې مخ پر پراخېدو دي او له ګاونډ او سيمه ييزو هېوادونو سره يې ښې اړيکې ټينګې کړې دي.
هغه وایي: په بېلابېلو برخو کې د سوداګرۍ او پانګونې لپاره د فرصتونو له شتوالي ډاډ څرګند او زیاتوي، چې افغانستان د جنوب ختیځې آسیا له هېوادونو سره د اړیکو پراخولو ته لیواله دی.
د بهرنیو چارو وزیر مولوي امیر خان متقي د افغانستان او مالیزیا د ولسونو او حکومتونو ترمنځ شته ډیپلو ماټیکي، دیني، کلتوري او اقتصادي اړیکو د پراخوالي په حال کي وبللې او د تاریخ په اوږدو کې له افغانستان سره د مالیزیا د ښه نیت، د بشري مرستو په ځانګړي ډول د هرات د وروستۍ زلزلې له قربانیانو سره د مالیزیا هېواد له مرستو مننه وکړه.
نوموړي د مالیزیا له حکومت څخه د هغو ۳۰۰۰ افغانانو لپاره، چې اوسمهال په مالیزیا کې ژوند کوي، د روغتیا او زدهکړو د زمینې او اسانتیاوو برابرولو غوښتنه وکړه.
دا په دایې حال کې ده، چې د ریاست الوزراء سیاسي مرستیال د مالیزیا له دولتي پلاوي سره په لیدنه کې ډاډ څرګنده کړې، چې اسلامي امارت په اقتصادي او سیاسي برخو کې لاسته راوړنې لري او د سیمې په ګډون نړۍ د افغانستان په اړه اندېښمنه نده.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
-
تازه خبرونه1 day ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ1 day ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
لوبی1 day ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري