Connect with us

تازه خبرونه

ممکن د افغانستان روانه بې ثباتي د اوږدو کلونو له پاره دوام وکړي

خپور شوی

د

(Last Updated On: لړم ۲, ۱۴۰۱)

vlcsnap-2016-01-13-17h33m02s80

له ترهگرۍسره جدي او گډه مبارزه د امریکا ملت ته د ولسمشر باراک اوباما د کلنۍ وینا اصلي محور و.

القاعده او داعش امریکا ته مستقیم گواښ دی؛خو دا، چې وایي، داعش د نړۍ د یوه ستر دین استازیتوب کوي، دروغ ده.

دې ته په پاملرنهاوباما همټینګار کوي،چې د داعش له حضور پرته هم ښایی د افغانستان په گډون د نړۍ نورو سیمو کې بې ثباتي د لسگونه کلونو له پاره دوام وکړي.

د امریکا ولسمشر بارک اوباما وایي، له داعش او القاعدهپرته به هم بې ثباتي د نړۍ په زیاترو سیمو کې د څو لسیزو له پاره دوام وکړي، په منځني ختیځ، افغانستان او پاکستان، د امریکا په مرکزي برخو، افریقا او آسیا کې. ځینې دا سیمې ممکن د نویو ترهگرو ډلو له پاره په خوندي پناه ځایونو بدل شي، ځینو نورو کې ممکن قومي نښتې وشي، یا له قحطي سره مخامخ شي او د پناه غوښتونکیو څپه پیاوړې کړي. نړۍ د دغو ستونزو د حل له پاره مونږ ته گوري او زمونږ ځواب باید له توندو بحثونو زیات وي.

د امریکا ولسمشر د شر اچوونکیو امپراطوریو په تناسب ناکام دولتونه ستر گواښ بولي.

اوباما وایي؛هغه کسان باید رد شي،چې خلک د نژاد او مذهب په دلیل هدف گرزوي.

د ولسمشر اوباما په وینا؛مسلمانانو او د امریکا مقدسو ځایونو ته سپکاوی د امریکا امنیت ته گواښ او خیانت دی. 

هغه وایي، نړۍ نه یوازې د جنگي مهماتو له پاره مونږ ته درناوی لري، بلکې د تنوع او زمونږ د پرانیستي فرهنگ او دا، چې هر دین ته درناوی لرو، را ته درناوی کوي. کله، چې مسلمانو سیاست والو ته سپکاوی کوي او کله، چې یو جومات ورانیږي، یا زمونږ یو ماشوم ځورول کیږي؛دا مونږ نه خوندي کوي، بلکې موخو ته د رسیدو له پاره زمونږ کار ستونزمنوي، د یوه هېواد په توگه له مونږ سره خیانت کوي.

د ولسمشر بارک اوباما دا خبرې د امریکا د ولسمشریزو ټاکنو احتمالي کاندید دونالد ترامپ ته متوجه وې؛چا،چې امریکا ته د مسلمانانو په ورتګد بندیز غوښتنه کړې ده.

د نوموړي په اند،په دې کاربه د امریکا په وړاندې د گواښونو او بریدونو مخنیوی وشي.

Advertisement

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!