تازه خبرونه
ملی شورا د ولسمشر حامد کزی لخوا پرانستل شوه
د ملی شورا د شپاړسمی دوری څلورم تقنینی کال د ولسمشر حامد کرزی لخوا رسما پرانستل شو.
د ولسی جرگې رییس عبدالرووف ابراهیمی د غوندې د پرانستلو پر مهال د هېواد امنیتي مسوولیتونو د لیږید او ټاکنو ته په اشاره د ټاکنو پر امنیت او د حکومت په نه مداخلی ټینگار وکړ.
ولسمشر حامد کرزي وویل، چې ټاکنې د افغانستان لپاره مهمې دي او دوی به د ټاکنو په چارو کی هیچ کله هم مداخله ونکړي؛ خو بهرنیانو ته خبر داری ورکړ، چی د ټاکنو په چارو کی مداخله ونکړي .
ولسمشر د بهرنی سیاست په اړه وویل، چې افغانسان د نړۍ له ټولو هېوادنو او په ځانگړي توگه له گاوند هېوادونو سره غوره اړیکې لري او افغانستان باید، چې په سیمه کې د تهدید پر ځاله بدل نشي.
ولسمشر حامد کرزی د افغانسان اساسی قانون جوړیدل د تېرو دولس کلونو له لاسته راونو څخه وبلل او ويې ویل، چې تر اوسه ۲۵۵ تقنیني اسنادونه طی مراحل شوي او د افغانستان اساسی قانون د سیاسي نظام د اړتیا لپاره یو لړ تعدیدلاتو ته اړتیا لري.
همداراز هغه وویل، چې ۴۴۷۱ ټولنیز سازمانونه،۶۰ سیاسي گوندونه او ۳۲ زره پراختیایی شوراگانې فعالیت لري او خلک اوس کولی شي، چې له سیاسي او ټولنیزو فرصتونو څخه استفاده وکړي.
ولسمشر حامد کرزي په هېواد کې د رسنيو پر رول هم ټینگار وکړ او وايي، چې که رسنۍ له مالي او فکري لحاظ خپلواک ونه وسي؛ نو د پردیو د لاس ابزار گرزي.
همداراز د ولسي جرگې او مشرانو جرگې لخوا ولسمشر حامد كرزي ته د ښو خدمتونو له كبله د تقدیر لوح ورکړ شوه .
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ2 days ago
د جاپان دوه پوځي چورلکې بحر ته وغورځېدې
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
تازه خبرونه12 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
لوبی1 day ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
سوداگري24 hours ago
د اوسپنې پټلۍ له لارې ترکیې ته د افغانستان صادرات پیل شول
-
نړۍ10 hours ago
د مالیزیا بحري ځواکونو د چورلکو په ټکر کې ۱۰ کسان مړه شول