Connect with us

تازه خبرونه

ملګري ملتونه دې په افغانستان کې سولې او اوربند ته لار پرانیزي

خپور شوی

د

(Last Updated On: لړم ۲, ۱۴۰۱)

د سولې او اوربند ولسي کاروان، چې له هلمنده کابل ته پلی رارسیدلی؛  د ملګرو ملتونو د دفتر مخې ته یې خپله دوه یمه اعتراضیه ورځ هم تېره کړه.

له هلمند څخه د سولې او اوربند په تمه راوتلی ولسي خوزښت، چې په کابل کې یې د ملګرو ملتونو د دفتر مخې ته خیمه وهلې او د سولې او اوربند غوښتنه کوي.

د دغه ولسي کاروان غړی عبدالمالک همدرد، چې د وسلوالو په برید کې یې د کورنۍ دوه غړي له لاسه ورکړي؛ وايي، چې په هېواد کې د سولې د ټينګښت په نیت له کوره راوتلی او پخپله سوله ییزه لار کې به د ستړیا احساس ونکړي.

دوی له ملګرو ملتونو غواړي، چې د افغانستان د کړکیچ د حل لپاره مټې راونغاړي او د افغان دولت او وسلوالو طالبانو تر منځ سولې او اوربند ته لار پرانیزي.

د سولې او اوربند د ولسي کاروان مشر اقبال خیبر پاکستان او ایران ته هم پیغام لري او له دغو هېوادونو غواړي، چې د افغانستان په چارو کې له لاسوهنې لاس واخلي.

نوموړی وایي؛ دا پوره روښانه ده، چې ایران او پاکستان په افغانستان کې خپله جګړه روانه ساتلې؛ خو په کې وریته او لولپه افغانان شول.  

دوی دا هم په ډاګه کړې، چې، که یې غوښتنې ونه منل شي؛ په راتلونکیو ورځو کې به په کابل کې د هغو هېوادونو د سفارتونو مخې ته، چې په افغانستان کې د لاسوهنې شک پرې کیږي، د اعتراض خیمې ووهي.

د سولې ملي کاروان له هلمنده تر کابله اته دېرش ورځې پلی مزل تر سره کړ، ولسمشر غني یې غوښتنو ته مثبت ځواب ووایه؛ خو وسلوالو طالبانو تر اوسه د دوی غوښتنو ته رسمي ځواب نه دی ویلی.

د یادونې وړ ده، چې سبا به هم دوی یوناما ته نږدې ناسته ولري او بیا به پرېکړه کوي، چې لومړی د کوم هېواد سفارت ته نږدې اعتراضیه خیمه ودروي.

خبریاله: یلدا درویشي

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!