Connect with us

تازه خبرونه

ملي شورا: روان کال به د افغانستان له پاره له ستونزو ډک وي

خپور شوی

د

(Last Updated On: لړم ۲, ۱۴۰۱)

vlcsnap-2016-03-20-17h47m27s16

 ملي شورا وايي چې روان ۱۳۹۵ لمريز کال به له ستونزو ډک کال وي له همدې امله دوی له ولسمشر او اجرایه رییس غواړي چې له ستونزو سره مقابلې ته چمتوالي ونیسي.

 ملي شورا وايي چې د قانون په ملاتړ او د طالبانو او داعش سره په مبارزه کې به د حکومت سره اوږه په اوږه کار وکړي.

د ملي شوراغړي په حکومت غږ کوي چې روان کال به له کړاوونو او ستونزو ډک وي. دغه شورا حکومت غږ ته واييچې سر له اوسه له ستونزو سره جدی مبارزې ته ځان چمتو کړي.

د مشرانو جرګې رییس فضل هادی مسلمیار وایی:”ولسمشر او اجرایه رييس دې متوجه وي چې روان کال به له ستونزوډک کال وي خو دا دموږ ټولو مسولیت دی.ولسی جرګه او مشرانو جرګه باید له نظام څخه ملاتړ وکړي هغه څه چې د قانونخلاف وي خپل غږ اوچت کړو او اجازه ورنه کړو چې نظام د دښمن لاس ته ورسېږی د طالب او داعش پر وړاندی مبارزه کوو.”

دوی وايي چې د افغانستان کړکېچ نړیوال او سیمه يیز اړخونه لري چې په وینا يې نړیواله ټولنه هم له افغانستان سره صداقت نه لري.

د ولسي جرګې غړی امان الله پیمان وایی: “د امنیت په برخه کې موږ، نړیواله ټولنه او د سیمې هېوادونه صداقت نه سره لرواو ښایي هېواد له سختو امنیتي ستونزو سره مخامخ شي باید چې ملت همکاري وکړي پرته له هغه به د سیمې او نړۍ له مرستې پرته موږ له راز راز ستونزو سره مخامخ شو.”

د ولسي جرګې غړی شېرولي وردګ وایی: “د خلکو غوښتنه داده چې حکومت پر خلکو اتکا وکړي او خلکو ته مراجعه وکړي او حکومت دېد خلکو په منځ کې ځای پیدا کړي پرته له هغه به خطرونه دوام ولري.”

 روان کال ته سر له اوسه خلک په داسې حال کې اندېښمن دي چې تېر کال هم د افغانانو له پاره تر ټولو خونړی بلل شوی و.

عبدالعزیز کریمي

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!