تازه خبرونه
ملي شورا د اوړي 45 ورځنۍ رخصتي پیلوي
د ملي شورا د شپاړسمې دورې نهمه غونډه پای ته ورسېده او په پام کې ده چې د زمري له لومړۍ نیټې سره سم د اوړي پنځه څلویښت ورځنۍ رخصتي پیل کړي.
د ولسي جرګې دویم مرستیال وایي، که حکومت د ملي دفاع وزیر او د سترې محکمې او لویې څارنوالۍ نوماندان ولسي جرګې ته معرفي کړي؛ نو دوی به خپله رخصتي وځندوي.
د ولسي جرګې دویم مرستیال – نذیر احمد احمدزی:
“د ملي یووالي حکومت مشران باید قانون رعایت کړي او ژر د ملي دفاع وزیر، لوی څارنوال، د اساسي قانون د څار کمیسیون غړي د باور رایې د ترلاسه کولو په موخه راولیږي. موږ خپله رخصتي ځندولای شو.“
ولسي جرګه د ټاکنیزو اصلاحاتو له کمیسیون غواړي چې خپل کارونه په معیار برابر کړي.
دولسي جرګې دویم مرستیال -نذیر احمد احمدزی:
“د ټاکنیزو اصلاحاتو کمیسیون جوړ شو. هیله لرم چې دغه کمیسیون ملي کار وکړي؛ نه د یوه ګروپ لپاره او هغه قوانین چې اړتیا ورته لرو، تر رخصتي وروسته به تصویب شي.“
ولسي جرګې د شپاړسمې دورې په نهمه غونډه کې د ملي یووالي حکومت ۱۸ نوماند وزیرانو ته د باور رایې ورکړې؛ خو د ملي دفاع وزارت کاندید او د سترې محکمې یوې غړې ته یې رایې ورنکړې. ولسي جرګې په دې دوره کې ۸ قوانین تصویب کړل؛ خو د ښځو په وړاندې د تاوتریخوالي د مخنیوي قانون او د لوړو زدکړو قانون یې د نظر د اختلافاتو له کبله عدلیې وزارت ته د سمون لپاره ولیږه.
دا په داسی حال کې ده چې د قانون پر بنسټ د ولسي جرګې د کارموده د چنګاښ په میاشت کي پایته ورسیده؛ خو دولسمشر د یو فرمان په اساس د جرګې اوسني غړي کولای شي، تر ټاکنو خپل کار ته دوام ورکړي.
خبریال: عبدالعزیز کریمي
تازه خبرونه
په کابل کې پر اړمنو کورنیو د بیات بنیاد د روژې مرستې ووېشل شوې
د بیات بنیاد مسوولینو ويلي، چې نن (پنجشنبه د وري نهمه) په کابل کې پر اړمنو او بېوزلو کورنیو د د دې بنسټ د روژې مرستې ووېشل شوې.
د دغه بنسټ مسوولینو څرګنده کړې، چې دغه مرستې به د روژې مبارکې میاشتې تر پایه روانې وي.
د بیات بنیاد مرستیال حاجي محمد اسماعیل وايي؛ د دغه بنسټ په مرستو کې اوړه، وريجې او غوړي شته ، چې له يوې رڼې سروې وروسته پر مستحقينو ووېشل شول.
د مرستې ترلاسه کوونکيو د بیات بنیاد له دې مرستو مننه وکړه او له نورو خیریه بنسټونو هم غواړي، چې په دې مبارکه میاشت کې ورسره ورته مرسته وکړي.
بیات بنیاد له نږدې دوه لسیزو راپدیخوا د روژې په میاشت کې د مرکز او ولایتونو له زرګونه اړمنو کورنیو سره د خوراکي او غیر خوراکي توکو مرستې کوي.
تازه خبرونه
په تېرو ۶ میاشتو کې ۸ زره ۷۴۷ جنايي پېښې ثبت شوي
د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.
د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.
قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.
نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.
د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.
قانع ویلي: د پاسپورټ رياست لهخوا هره ورځ لس زره پاسپورتونه هېوادوالو ته وېشل کېږي.
د دوی د څرګندونو له مخې؛ د نشهیي توکو کښت، تولید او قاچاق هم صفر ته رسېدلي او په هېواد کې د نشهیي توکو د تولید اته ماشینونه او د نشهیي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.
هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.
د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.
تازه خبرونه
د ټاپي ګاز شرکت اجرائیه رییس له وروستیو پرمختګونو خوښي څرګنده کړه
د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.
د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.
د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.
ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.
TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت لهخوا پراختیا مومي.
دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.
-
تازه خبرونه2 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري3 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه3 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه4 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه4 days ago
د ښځو پر وړاندې د اسلامي امارت فرمانونه افغانستان پر بهرنیو مرستو متکي ساتي – رینا امیري
-
تازه خبرونه3 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
سوداگري2 days ago
د افغانستان او پاکستان د سوداګرۍ استازیو پر ننګونو خبرې وکړې
-
تازه خبرونه1 day ago
په کابل کې سلګونه اړمنې کورنۍ د بیات بنیاد د روژې له مرستو برخمنې شوې