Connect with us

تازه خبرونه

معلوماتي بانک ته د رای پاڼو د پایلو لیږد دې ودرول شي- سعادتي

خپور شوی

د

(Last Updated On: لړم ۳, ۱۴۰۱)

د ثبات اوهمپالنې ټاکنیزه ډله د ټاکنو خپلواک کمیسیون د معلوماتو بانک ته د رای پاڼو د پایلو د لیږد د دریدو غوښتونکې شوې ده.

د ثبات او همپالنې ټاکنیزه ډله د ټاکنو خپلواک کمیسیون د چارو له تر سره کولو ناخوښه ده؛ ځکه دا ټاکنیزه ډله وایي، تازه متوجه شوي، چې د ټاکنو خپلواک کمیسیون د پایلو پاڼې مخکې له دې، چې سپینې رایې له تورو بېلې شي، د اطلاعاتو بانک ته شاملوي. دا هغه څه  دي، چې د دوی د څرګندونو له مخې دا کار د معلوماتو بانک ته په سیستماتیکه توګه د تقلبي رایو د لیږد څرګندونه کوي.

ثبات او همپالنه په ټاکنو خپلواک کمیسیون کې ځینې کړۍ له ارګ سره همغږي بولي او د درغلیو په تر سره کولو یې تورنوي.

 د دې ټاکنیزې ډلې دوه یم مرستیال اسدالله سعادتي وایي؛ داسې ښکاري، چې کمیسیون له ارګ سره په همغږۍ کې هڅه کوي، چې له درغلیو ډکې رایې د کمیسیون د معلوماتو بانک ته وردننه کړي.

اسدالله سعادتي په روان پړاو کې د ټاکنو خپلواک کمیسیون او ولسمشرۍ ماڼۍ پر سیستماتیکو درغلیو تورنوي او خبرداری ورکوي که د معلوماتو بانک ته د رای پاڼو د لیږد بهیر ونه دریږي؛ ثبات او همپالنه به په هر قیمت د کمیسیون پر وړاندې ودریږي.

نوموړي زیاته کړې؛ ارګ او کمیسیون هڅه کوي، چې سلګونه زره جعلي رایې د معلوماتو بانک ته داخلې کړي.

دا ټاکنیزه ډله غواړي، چې د پایلو پاڼې له بایومتریک دستګاوو وارزول شي؛ پاکې رایې له ناپاکو بېلې شي او وروسته د رایو د لیږد لړۍ د کمیسیون د معلوماتو بانک ته تر سره شي.

د ټاکنو خپلواک کمیسیون ویاند ذبیح الله سادات ټینګار کوي، چې دا بهیر په روڼ ډول پر مخ ځي او د چا تر فشار لاندې به رانشي.

د بېلګې په توګه ثبات او همپالنه یوه د پایلو پاڼه رسنیو ته ښيي، چې په کې د یوه محل ۳۵۰ کارول شوې رایې ښکاري؛ خو بایومتریک دستګاه هماغه سیمه ښیي، چې په کې هیڅ رایې کارول شوې ندي.

له دې کبله ثبات او همپالنه غواړي لومړی تورې رایې له سپینو هغو د بایومتریک دستګاوو د معلوماتو له مخې بېلې او وروسته یې په سیستم کې شاملې کړي. پرته له دې دا ډله وایي، په اوسني بهیر به د ټاکنو لومړنۍ پایله ونه مني.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!