تازه خبرونه
مشرانو جرګې حالاتو ته په کتو د لویې جرګې پر رابللو ټینګار وکړ
د مشرانو جرګې غړي هېواد په حساس پړاو کې روان ګڼي او وايي، چې له دغه پړاوه د تېریدو لپاره باید لویه جرګه را وبلل شي.
داسې برېښې، چې په سیاسي او ځينو دولتي بنسټونو کې د لویې جرګې د رابللو موضوع تودیږي.
د مشرانو جرګې غړی شېر محمد اخندزاده د لویې جرګې رابلل اړین بولي او وایي، د اوسني وخت اړتیا داده، چې لویه جرګه راوبلل شي؛ ځکه، چې لویې جرګې په هېواد کې ډېرې ستونزې حل کړي دي. پرته له دې به په هېواد کې حالات نور هم خراب شي.
د مشرانو جرګې غړی زلمی زابلی بیا وایي، که لویه جرګه د ملاتړ لپاره جوړه شي ترې هرکلی کوو؛ خو که نظام ته ستونزې جوړوي؛ نو مخالف یې یم.
هغه غواړي، چې د لویې جرګې جوړوونکي باید حکومت ته ډاډ ورکړي، چې د نظام د راپرځولو لپاره نه جوړیږي.
د مشرانو جرګې غړی محی الدین مصنف له حکومت سره همکاري اړینه ګڼي او وایي، لومړی باید پارلماني او د ولسوالیو د شوراګانو ټاکنې وشي او بیا که اړتیا وه؛ نو لویه جرګه دې را وبلل شي.
د مشرانو جرګې ريیس فضل الهادي مسلمیار وايي، چې لویه جرګه باید د اساسي قانون له مخې را وبلل شي.
د نوموړي د څرګندونو له مخې؛ لویه جرګه باید د تغیر لپاره وي. لویه جرګه هغه وخت جوړیدای شي، چې ټاکنې ترسره او لویې جرګې ته استازي غوره شي.
د مشرانو جرګې غړي وايي، چې که خلک د نظام ملاتړ ونه کړي او سیاسي ډلې له شخصي ګټور تېر نه شي؛ د هېواد شرایط به همداسې ترینګلي وي.
دوی دا ټینګار هم کوي؛ خلکو ته باید ونډه ورکړشي، چې په هېوادنیو پرېکړو کې برخه واخلي.
خبریال: رفیع صدیقي
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه19 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
نړۍ17 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
لوبی18 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ