تازه خبرونه
مشرانو جرګې د ټاکنو د کميسيونونو د چارو په اړه د ولسمشر فرمان رد کړ
مشرانو جرګې د ولسمشر هغه تقنیني فرمان رد کړ چې د ټاکنو د خپلواکو کمیسیونونو د تشکیل، دندو او واکونو په هکله یې ورکړی و.
فیفا یا د آزادو او عادلانه ټاکنو د بنسټ مسولین وايي چې مشرانو جرګې د خلکو د تمې خلاف دا فرمان رد کړ. د دغه بنسټ مسولین وايي چې د مشرانو جرګې په دې پرېکړې سره ټاکنې له ځنډسره مخامخ کېږي او هېواد به له نورو جدي ستونزو سره مخا مخ کړي.
دوی وايي چې د اساسي قانون له مخې ملي شورا په وروستي کال کې نه شي کولای چې د ټاکنیزو قوانینو تعدیل په خپله اجندا کې وګوري.
داسې ښکاري چې حکومت او ملي شورا د ټاکنیزو اصلاحاتو په هکله یوه خوله نه دي. د ټاکنیزو کمیسیونونو د دندو، واکونو او تشکیل د قانون په هکله د ولسمشر تقنیني فرمان له ولسي جرګې وروسته په مشرانو جرګه کې هم رد شو. مشرانو جرګې په دې فرمان هېڅ بحث ونه کړ او د رد رايې یې ورکړي.
د مشرانو جرګې رییس فضل هادي مسلمیار وايي: “څوک چې د تقنیني فرمان رد غواړي سور او که يې تایید غواړي نو شین کارت دې پورته کړي، بناء تقنیني فرمان رد شو.”
د ازادو او عادلانه ټاکنو د بنسټ غړی پاینده محمد حکمت د مشرانو جرګې دا ګام د قانون خلاف بولي او وايي چې مشرانو جرګې هم د خلکو د تمې په خلاف ګام واخیست.
د فیفا غړی پاینده محمدحکمت وايي: “شخصي او سیاسي لاسونه ووچې دغه فرمان یی رد کړ. دټاکنو وروسته کېدل به د هېواد سیاسي، نظامي او اقتصادي برخې ته هم صدمه ورسوي او د ټاکنو ځنډېدل د نظام مشروعیت هم تر پوښتنې لاندې راولي.”
د ولسمشر د دغه تقنیني فرمان له مخې د ټاکنیزو اصلاحاتو د غوراوي کمېټې هم خپل کار پیل کړی دی. دا چې د ټاکنیز نظام اصلاح چې دواړو رهبرانو پرې هوکړه کړې وه، له دې وروسته به یې چارې څه ډول په مخ ځي، اټکل یې ګران دی.
خبریال: عبدالعزیز کریمي
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
لوبی5 days ago
د افغانستان فوټسال ملي لوبډلې له ایران ماتې وخوړه
-
نړۍ2 days ago
د جاپان دوه پوځي چورلکې بحر ته وغورځېدې
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی1 day ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه9 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
تازه خبرونه2 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
سوداگري20 hours ago
د اوسپنې پټلۍ له لارې ترکیې ته د افغانستان صادرات پیل شول