تازه خبرونه
مشرانو جرګه: زموږ جګړې ټولې د ناوړه اقتصاد له امله دي
مشرانو جرګه ترکمنستان ته د ولسمشر سفر او د ټاپي پروژې د چارو پیل د هېواد په امنیتي او اقتصادي حالاتو بې اغېزې نه ګڼي او وايي چې د ټاپي پروژه به د سیمې هېوادونه له اقتصادي پلوه داسې سره وتړي چې په امنیت به یې هم اغیز مثبت وي. د ټاپي پروژه له ترکمنستان څخه د افغانستان له لارې پاکستان او هند ته ګاز لېږدوي.
ولسمشر محمد اشرف غني د ترکمنستان پلازمینې عشق اباد ته د ټاپي پروژې یا د ګازو د پایپ لاین د غزولو د پرانستې مراسمو کې د ګډون له پاره تر کمنستان ته لاړ. مشرانو جرګه دغه سفر او د پروژې پیل د افغانستان په امنیتي او اقتصادي حالاتو بې اغېزې نه ګڼي او وايي چې له دغې پروژې سره به د هېواد په حالاتو کې مثبت بدلونونه راشي.
د مشرانو جرګې لومړی مرستیال محمد علم ایزد یار وايي:
“د ګازو تر پایپ لاین پورې اړوند هېوادونه به د دې پروژې په پرانيستلو سره د سیمې هېوادونو کې نوی باب پرانيستل شي. ځکه د ټولو جګړو لامل اقتصاد بعد لري، هیله لرو چې د خپلو مشروع اقتصادي ګټو ته په پام پر دې فکر وکړي چې په امنیت او ثبات کې کولای شو، ډېرې اقتصادي ګټې ترلاسه کړو. “
د مشرانو جرګې غړې انارکلي هنریار وايي:
“دا پروژه ډېره مهمه ده یوازي په امنیتی برخه کې اووه زره افغانانو ته د کار زمینه په کې برابرېږي، موږ له دې پروژې ملاتړ کوو.”
د مشرانو جرګې ځینی غړي د ولسمشر سفر ترکمنستان ته مثبت خو په تېره اونۍ کې پاکستان ته د اسیا زړه هېوادنو کنفرانس کې د هغه څرګندونو باندې نیوکه کوي او وايي چې د خلکو له غوښتنو سره سم يې هلته د پاکستان د لاسوهنو په اړه څه ونه ویل.
د مشرانو جرګې غړی زلمی زابلی وايي:
“ولسمشر ترکمنستان ښه ګاوندي وباله او ويې ویل چې ترکمنستان موږ ته ګاز صادروي خو ځینې ګاونډیان زموږ هېواد ته ترهګر صادروي. هغه وویل چې ولسمشر باید چې د اسیا زړه هېوادونو په کنفرانس کې په ډيپلوماتیک توګه د افغانستان د خلکو غږ د پاکستان د لاسوهنو په اړه بيان کړی وای او په ډيپلوماتیکه ژبه یي پاکستان ته ویلي وای چې له لاسوهنې لاس واخله، ځکه چې طالب خو له اسمان څخه نه تجهيزېږي. “
کارپوهان هم په دې باور دي چې که د سیمې هېوادونه په افغانستان کې له اقتصادي پلوه ښکېل شي او اقتصادي ګټې يې له افغانستان سره وتړل شي، په هېواد کې سوله او ثبات ټينګېدای شي. ټاپي پروژه له ترکمنستان څخه د افغانستان له لارې، پاکستان او بیا هند ته ګاز لېږدوي.
خبريال: عبدالعزیز کریمي
تازه خبرونه
په تېرو ۶ میاشتو کې ۸ زره ۷۴۷ جنايي پېښې ثبت شوي
د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.
د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.
قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.
نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.
د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.
قانع ویلي: د پاسپورټ رياست لهخوا هره ورځ لس زره پاسپورتونه هېوادوالو ته وېشل کېږي.
د دوی د څرګندونو له مخې؛ د نشهیي توکو کښت، تولید او قاچاق هم صفر ته رسېدلي او په هېواد کې د نشهیي توکو د تولید اته ماشینونه او د نشهیي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.
هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.
د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.
تازه خبرونه
د ټاپي ګاز شرکت اجرائیه رییس له وروستیو پرمختګونو خوښي څرګنده کړه
د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.
د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.
د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.
ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.
TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت لهخوا پراختیا مومي.
دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.
تازه خبرونه
تحول: په افغانستان کې د بریټانیا د پوځي ماموریت ارزونه
-
تازه خبرونه2 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري3 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه3 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه4 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه4 days ago
د ښځو پر وړاندې د اسلامي امارت فرمانونه افغانستان پر بهرنیو مرستو متکي ساتي – رینا امیري
-
تازه خبرونه3 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
سوداگري2 days ago
د افغانستان او پاکستان د سوداګرۍ استازیو پر ننګونو خبرې وکړې
-
تازه خبرونه1 day ago
په کابل کې سلګونه اړمنې کورنۍ د بیات بنیاد د روژې له مرستو برخمنې شوې