تازه خبرونه
مسلميار: له طالبانو او داعش ملاتړ کوونکي ترهګر دي
د مشرانو جرګې رییس وايي، هر هغه څوک چې په نظام کې کار کوي او له طالبانو او یا داعش ډلې ملاتړ کوي، ترهګر او د افغانستان د ښمن دي.
هغه وویل وسله والو مخالفینو د پردیو په لمسون په دیارلسو کلونو کې د افغانستان خلک وژلي نو څوک چې له طالبانو او داعش ملاتړ کوي، باید د حکومت له خوا وپوښتل شي او بند ته ولوېږي.
د مشرانو جرګې رییس د وسله والو مخالفینو له خوا د خلکو د وژنو او امنیتی ستونزو په اړه د اندیېښنې په څرګندولو سره خبر داری ورکړ، هغه کسان چې له طالبانو او داعش ملاتړ کوي، خپله ترهګر دي او باید چې حکومت يې ونیسي او زندان ته یې واچوي.
د مشرانو جرګې رییس فضل الهادي مسلمیار وايي:
«هر څوک خبریال، سپین ږیری،عالم، وکیل او هر څوک چې په نظام کې وي د طالبانو او داعش ملاتړ کوي د افغانستان دښمن دی. چا چې دیارلسو کلونو کې د پردیو په لمسون خلک وژلي، افغانان نه بلکې ترهګر دي.»
د مشرانو جرګې رییس همداراز د غزني ولایت د امنیتی وضیعت او د وسله والو مخالفینو له خوا د لارو د بندیدو له امله غوښتنه وکړه چې باید حکومت خپل مسولیت ادا کړي. د مشرانو جرګې یو شمېر غړي وايي چې د غزني لاره د آی، اېس ، آی له خوا بنده شوې او حکومت باید جدي تدابیر ونیسي.
د مشرانو جرګې غړی شېر محمد اخند زاده وايي:
«دا طالبان نه دي د آی اېس آی یو لښکر دی، حیا نه لري او لاره یې د خلکو په مخ بنده کړې ده حکومت باید په دې اړه پاملرنه وکړي.»
د مشرانو جرګې غړی ګیانوال وايي:
«پکتیکا له پاکستان سره پرانیستې لارې لري، حکومت باید په دغو پرانیستو لارو کنترول زیات کړي.»
د مشرانو جرګې غړی عبدالباقي بریال وايي:
«له کندوز وروسته غزنی د تبلیغاتو له امله له ستونزو سره مخامخ شو، همغږي نشته په غزني یرغل شوی که مخنیوی یې ونه شي نو ستونزې به زیاتي شي.»
د مشرانو جرګې غړي په هېواد کې د وروستیو امنیتي ستونزو لامل د افغان ځواکونو تر منځ نه همغږي او دغه راز د افغان حکومت او نړیوالو ځواکونو ترمنځ نه همغږي بولي. دوي وایي، حکومت باید له نړیوالو ځواکونو سره په ګډه د دغه راز توطیو مخه ونیسي.
خبريال: عبدالعزیز کریمي
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ
-
تازه خبرونه2 days ago
راشد خان د افغان بیسیم سوداګریز سفیر شو