تازه خبرونه
مارتین دمپسي: که ټاکنیزې لانجې ژر حل نه شی امریکایی ځواکونه به له افغانستان څخه ووځي
که ټاکنیزې لانجې ژر حل نه شي، او نوی ولسمشر له امریکا سره امنیتي هوکړه لیک لاسلیک نه کړي، ټول امریکایي ځواکونه به له افغانستان څخه ووځي.
یو امریکایی جنرال وایي، که د روان میلادي کال تر پایه کابل له واشنګټن سره امنیتي هوکړه لیک لاسلیک نه کړي ټول ځواکونه به یې له دغه هېواد څخه ووځي.
مخکې له دې زیاتره ستر کورني او نړیوال پروګرامونه او حتی ټاکنې د کابل- واشنګټن تر منځ له امنیتي هوکړه لیک سره تړلي وو، خو اوس برعکس ټاکنو د افغانستان لپاره زیات مهم پروګرامونه په خپله برمته کې راوستي دي.
ټاکنیزو لانجو امریکا اندېښمنه کړې، چې داسې نه شي نوی حکومت له واشنګټن سره امنیتي هوکړه لیک ژر لاسلیک نه کړي. کوم هوکړه لیک چې په اوسنیو شرایطو کې افغانستان ورته جدي اړتیا لری.
جنرال مارتین دمپسي د امریکا لوی درستیز وایي:
مونږ ویلي، چې د وتو لپاره یوه امنیتي هوکړه لیک ته اړتیا لرو، خو نه په دې دلیل چې د روان میلادي کال له پای ته رسېدو وروسته د لازم واک په دلیل د خپلو سرتېرو د پاتې کېدو لپاره بلکې د ښه نیت یو بیان او د افغان حکومت له خوا اراده.
اوس باید په تمه پاتې شو، چې نوی ولسمشر دا هوکړه لیک لاسلیک کړي. ولسمشر حامد کرزي، چې په ښکاره یې چمتو والی ښودلی، چې واک به د وږي په یولسمه اشرف غني یا عبدالله ته پرېږدي.
د عبدالله عبدالله ټاکنیزه ډله ډاډ لري، چې د ملي یووالي حکومت به په لومړي اقدام کې امنیتي هوکړه لیک لاسلیک کړي. لکه څرنګه چې د ولسمشرۍ دواړو کاندیدانو په ټاکنیزو مبارزو کې ژمنه کړې وه چې امنیتي هوکړه لیک به له سلا مشورو پرته لاسلیک کړي.
امنیتي هوکړه لیک قانوني چوکاټ دی، چې پر بنسټ یې امریکا د روان میلادي کال له پای ته رسېدو وروسته په افغانستان کې پوځیان پرېږدي، پرته له دې امریکا خبرداری ورکړی، چې له قانوني چوکاټ پرته به دوی افغانستان کې هېڅ ځواک ونه لري.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ2 days ago
د جاپان دوه پوځي چورلکې بحر ته وغورځېدې
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
تازه خبرونه14 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
نړۍ12 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
سوداگري1 day ago
د اوسپنې پټلۍ له لارې ترکیې ته د افغانستان صادرات پیل شول