تازه خبرونه
لیونس: د ښځو له ګډون پرته د سولې خبرې بې معنا دي
د سولې عالي شورا وایي که د ملي یووالي د حکومت مشران په یوه غږ سره د سولې پر لور ګام واخلي، هېواد به ژر با ثباته شي.
د دغې شورا د دارالانشا رییسعصوم ستانکزیهمدا راز ژمنه کوي چې ښځې به له طالبانو سره خبرو کې حضور او د پریکړو حق ولري.
بلخوا په کابل کې د کاناډا سفیره وایي، که له طالبانو سره د سولې خبرو کې ښځې حضور ونه لري، دغه خبرې به بې مانا وي.
نن په کابل کې افغان ښځې را ټولې شوې وې څو سولې او ثبات ته د رسېدو لارې ولټوي؛ خو د سولې عالي شورا ژمنه کوي چې د تېرو ۱۳ کلونو لاسته راوړنې به کله هم له طالبانو سره خبرو کې قرباني نه شي.
د سولې د عالي شورا د دارالانشا رییسمعصوم ستانکزی:
“تر ټولو ستر ځواک چې پر مټ یې موږ کولای شو سولې راوستلو له پاره ترې کار واخلو، هغه د افغانستان د سیاسي نظام تر منځ یووالی دی. که چېرې د حکومت مشران په یوه غږ ، یوه دریځ او یوه فکر د سولې په لور لاړ شي، نو په دې صورت کې په پوره یقین درته ویلی شم چې سوله راتلای شي.“
ښاغلی ستانکزی وایي؛ طالبان اوس پوه شوي چې پرونۍ افغان میرمنې اوس بدلې شوي او د سولې خبرو کې دغه قشر اساسي رول لري.
په ټولو فعالیتونو کې به ستاسو رول زیات او پراخ وي او تاسو به وګورئ چې ښځې به د سولې د خبرو په میز کې هرو مرو شتون ولري.
د ښځو چارو وزیرهدلبر نظري:
“که چېرې ښځې په دې خبرو کې په فعال ډول سره شتون ولري؛ نو د سولې په تړاو فعالیتونه، امنیتي تړونونه او مقدماتي فعالیتونه، د جنګ د نښو او نښانو د لرې کولو او د جنګ کنترول په سمه توګه عملي بڼه غوره کولای شي. “
ملګري ملتونه هم په هېواد کې پر عادلانه سولې ټینګار کوي او وایی اوسنی افغانستان له هر بل وخت زیات ثبات ته اړتیا لري.
په کابل کې د کاناډا سفیرهدیبورا لیونس هم له طالبانو سره د سولې خبرو کې د ښځو پر حضور ټینګار کوي او وایی په دغه بهیر کې به د ښځو له پراخ حضور پرته هر ډول هڅې بې مانا وي:
ښځې باید له طالبانو سره د سولې خبرو کې رول ولري او په دغه بهیر کې به د ښځو له حضور پرته هر ډول هڅې بې مانا وي.
په همدې وخت کې د یوناما د بشر د حقونو د څانګې رییسه جورجیت گنیان د سولې په خبرو کې د ټولو افغانانو په ګډون ټینګار کوي:
له طالبانوسره د سولې خبرو کې باید ټول افغانان شامل وي او د هغوي حقونه وساتل شي. ۲۰۱۴ کال چې د افغانستان لپاره خونړی و، ښیي چې دغه هېواد له هر بل وخت زیات ثبات ته اړتیا لري.
افغان دولت له طالبانو سره د سولې خبرې د جګړې د پای یواځینی لار ګڼي خو په دې برخه کې یې هر ډول هڅې او غوښتنې د طالبانو له منفي ځواب سره مخامخ شوي او تر اوسه دغې ډلې د جګړو د پای ته رسولو لپاره علاقه نه ده ښودلې.
تازه خبرونه
د کورنيو توليداتو د کيفيت او صنعتي ودې لپاره دې هڅې ګړندۍ شي – مولوي عبدالکبير
د ریاست الوزراء سياسي مرستیال مولوي عبدالکبير د سې شنبې پر ورځ ( د وري اتهویشتمه ) په سپېدار ماڼۍ کې د صنعت او سوداګرۍ وزارت له چارسمبالي نورالدين عزيزي سره وکتل.
نورالدین عزيزي ويلي، له ګاونډ هېوادونو سره ښې سوداګريزې اړيکې د دې لامل شوي، چې په هېواد کې دننه بيې په ښه حالت کې پاتې شي او د لارو بندېدا به پر بازار منفي اغېز ونکړي.
عزیزي زیاته کړې؛ د صنعت او سوداګرۍ وزارت له خصوصي سکټور سره همکار دی، چې له اغېزې یې خصوصي سکتور هم په سمه توګه فعالیت کوي او اسلامي امارت ورته لازمې اسانتیاوې برابرې کړې دي.
د نوموړي د څرګندونو له مخې؛ د اسلامي امارت د ښې اقتصادي پالیسۍ پر بنسټ د سیمې له هېوادونو سره په صادراتو او وارداتو کې د پام وړ پرمختګونه شوي دي. همدارنګه د افغانستان محصولات د منځنۍ آسیا په هېوادونو کې ښه بازار لري او د بازار موندنې لپاره یې په نورو بازارونو کې هم نندارتونونه جوړ کړي دي.
دغه راز مولوي عبدالکبیر د سوداګرۍ او صنایعو وزارت د رهبرۍ له هڅو ستاینه وکړه او څرګندوي: د امارتي ادارو بېسارې هڅې او د افغانۍ د بیې ثبات د دې لامل شوی، چې د خوراکي توکو بیې په ټیټه بیه کې پاتې شي او خلک مو د اړینو توکو د پیرودلو وس ولري.
مولوي عبدالکبیر له ګاونډ هېوادونو سره په سوداګرۍ کې د انډول پر ساتلو د ټینګار ترڅنګ زیاته کړې، چې د کورنیو تولیداتو د ښه کیفیت او د صنعت د ودې او پراختیا په برخه کې باید نورې هڅې هم وشي.
تازه خبرونه
روسیې او تاجکستان د افغانستان پولې ته نږدې ګډ پوځي تمرینات پیل کړل
د روسيې دفاع وزارت په خبرپاڼه کې راغلي؛ دغه پوځي روزنیزې هڅې د اپرېل پر پنځلسمه پيل شوي او د اپرېل تر اتلسمې به روانې وي، چې د ترسره کېدو موخه يې له ناقانونه وسلهوالو ډلو سره د مبارزې او د دولتي پولو ساتنه ده.
د روسيې دفاع وزارت زیاته کړې: د دغو پوځي روزنیزو هڅو د پرانستلو مراسم د تاجکستان د ختلان سيمې د خرب – میدون په غرنۍ دښته کې ترسره شول. دا دوه اړخیزې روزنیزې هڅې به د اپریل له پېنځلسمې څخه تر اتلسمې پورې روانې وي.
د روسیې دفاع وزارت ویلي، چې په دغو ګډو هحو کې د ترهګرو ډلو د له منځه وړلو لپاره د وسلهوالو ځواکونو د کارولو تنظیم، په غرنیو شرایطو کې د دندو د ترسره کولو لپاره د ځواکونو چمتو کول او د روزنې او عملي تجربې موضوع شامله ده. د روسیې پوځي ډله، چې په هڅو کې برخه اخلي په ټولیزه توګه په تاجکستان کې میشت د ۲۰۱ پوځي اډې سرتېري دي، چې د دې هېواد له پولو بهر د روسیې ترټولو لویه پوځي اډه ده.
د ګډ امنیتي تړون ټولنې غړي هېوادونه له افغانستان څخه د ګواښونو پر زیاتوالي اندېښمن دي او د دغو ګواښونو د مخنیوي لپاره پر همکارۍ ټینګار کوي. تاجکستان، قزاقستان، قرغزستان، ارمنستان، بیلاروس او روسیه د ډله ییز امنیتي تړون غړي دي.
په افغانستان کې له ۲۰۲۱ کال راپدیخوا روسیې او تاجکستان د لومړي ځل لپاره له افغانستان سره پولې ته څېرمه ګډ تمرینونه وکړل.
په ورته وخت کې اسلامي امارت د هېوادونو اندېښنې بې بنسټه بولي او وايي، چې د افغانستان خاوره به د هېڅ هېواد پر ضد ونه*کارول شي.
تازه خبرونه
د رسنیو سرغړونې کمیسیون د دوه ټلویزیوني شبکو د تړلو سپارښتنه وکړه
د باختر خبري سرچینې د څرګندونو له مخې؛ د سې شنبې پر ورځ ( د وري ۲۸ ) د رسنیو د سرغړونو مخنیوي کمیسیون د نور او بریا ټلویزیونونو ته سپارښتنه کړې، چې خپرونې ودروي او محکمې ته حاضر شي.
ویل کیږي، چې د دغو شبکو پر وړاندې پرېکړه د ژورنالیزم د اصولو نه مراعاتولو له کبله رامنځته شوې ده.
-
لوبی2 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي2 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
سیمه ییز خبرونه4 days ago
پر ایران به د اسرائیلو برید له سخت ځواب سره مخ شي
-
سیمه ییز خبرونه4 days ago
ایران پر اسرائیلو د بې پیلوټه الوتکو او توغندیو غچ اخیستونکی برید ترسره کړ
-
تازه خبرونه2 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
نړۍ3 days ago
امریکا به پر ایران د اسرائیلو په ځوابي برید کې برخه وانخلي
-
تازه خبرونه2 days ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
نړۍ22 hours ago
امريکا او متحدین یې پر ايران د نورو بنديزونو لګولو هڅې کوي