د کابل بانک له دوسي د افغانستان د شفافيت بنسټ نوې څيړنې ښيي چې لويه څارنوالۍ د دې توان نلري چي د کابل بانک ټولي غلا شوې پيسې بېرته راوګرځوي.

یاد بنسټ په باور له دي قضيي سره حکومت سياسي چلند کوي او تورن کسان هم په قدرت کي شر يک دي.

د افغانستان د شفافيت بنسټ ريس سيد اکرام افضلي وایي چې لويه څارنوالۍ هغه هيوادونو ته چې د کابل بانک غلا شوي پيسې ليږل شوي، د اړتيا وړ خبرتياوې ندي رسولي او يوازې په فارسي ژبه له هغوی سره تماس نيول، له همدې کبله تر اوسه هيڅ يوهيواد هم ندی حاضر شوی چې د افغانستان حکومت سره همکاري وکړي.

که څه هم چي د لوي څارنوالي وياند ژمنه وکړه چي د کابل بانک د قضيي په اړه نظرورکړي؛ خود خبرو په ځاي چپ پاتي شو.

ښاغلي عزيزي په وار وار ويلي وه چي د کابل بانک يوشمير پوروړي حاضر دي چي خپل پورونه ورکړي؛ مګر د ولسي جرګي يوشمير غړي په دې اړه داسې وايي:

د ولسي جرګي غړی رمضان بشر دوست:

“حسن فهیم، محمود کرزی، داوي، ذاخیلوال او دین محمد چې دوی او د افغانستان بانک یې هم په ولسي جرګه کې نومونه اخستي؛ د اوسني حاکم سیستم د ملا تیر ګڼل کیږي. که دا پنځه تیرونه ووهل شي، نو ع او غ او نور مشران به په پل چرخي کې خپل ځای وګوري.“

د ولسي جرګي غړي محمد سرور دانش:

” یو علت یې کیدای شي دا وي چې دوی زورواکي، بانفوذه او قدرت لرونکي کسان وي او ښایي دا پروسه اخلال کړي.“

له دې مخکې د افغانستان د شفافيت بنسټ داسې رپوت خپور کړی چې د مخکيني کابل بانک له بحراني کيدو نه مخکي، نوي کابل بانک له پنځوس ميليون ډالر زيان وکړ او هر کال د دغه بانک زيان اوه ميليون ته رسيږي.