Connect with us

تازه خبرونه

له لس کلن ځنډ وروسته امریکایي ځواکونو بي-۵۲ الوتکې کارولي

خپور شوی

د

(Last Updated On: لړم ۲, ۱۴۰۱)

 

115-300x168

له شاوخوا لس کلونو وروسته امریکا یو ځل بیا په افغانستان کې بي- ۵۲بم غورځوونکې الوتکې د وسلوالو د ځپلو له پاره وکارولې.

د امریکا هوایي ځواکونه وایي، له دې الوتکو څخه په دوه تازه هوایي بریدونو کې کار اخیستل شوی دی.

په افغانستان کې دغه بم غورځوونکې الوتکې له ۲۰۰۱کال څخه د طالبانو د واکمنۍ په راپرځولو کې ډېرې ګټورې ثابتې شوې. که څه هم د امریکا دفاع وزارت د دغو الوتکو د بمبارد د وخت او ځای په اړهه څه نه دي ویلي؛ خو ټینګار کوي، چې دا الوتکې به د افغان دولت د وسلوالو خلاف په مبارزه کې ډېرې ګټورې وي.

پنتاګون په وروستیو کې ویلي، چې د بي- ۵۲الوتکې د دوه یم ځل له پاره په عراق او افغانستان کې د وسلوالو د ځپلو له پاره هوا ته پورته شوې دي.

د افغانستان دفاع وزارت که څه هم د بي- ۵۲ الوتکو د کارولو راپورنه نه رد او نه تائیدوي؛ خو وایي، چې د وسلوالو په ځپلو کې به یې کارونه ګټوره وي.

د ملي دفاع وزارت ویانددولت وزیری وایي؛ د متحده ایالاتو او د غوڅ ملاتړ ماموریت ځواکونه له مونږ هوایي ملاتړ کوي. دا، چې له کومو الوتکو کار اخلي د دوی خپل کار دی.              

پوځي کارپوه زلمی وردګ په دې باور دي، چې دغه الوتکې باید هغه ځایونه په نښه کړي، چې وسلوال په کې خوندي پناه ځایونه لري. په دې کار به د افغانستان خلک وپوهیږي، چې بهرني ځواکونه د دوی له حقوقو ملاتړ کوي.

بې ۵۲پیاوړې بم غورځوونکې الوتکې دي، چې له ډېرې لوړې ارتفاغ څخه کولی شي موخه سمه ووهي او د ډېرو تېلو په اخیستو کولی شي د زیات وخت له پاره هوا کې پاتې شي.

د ملي دفاع وزارت که څه هم د دغو الوتکو د کارولو مساله نه رد او نه تاییدوي خو وایي، د وسلوالو مخالفینو د سنګرونو د له منځه وړلو لپاره دا کار ګټور دی.

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!