Connect with us

تازه خبرونه

غني: په راتلونکو دوو اونيو کې به د سولې دويمه غونډه وشي

خپور شوی

د

(Last Updated On: لړم ۳, ۱۴۰۱)

vlcsnap-2015-07-15-19h15m50s153

افغان ولسمشر محمد اشرف غني وايي، په راتلوونکو دوو اونيو کې به له وسله والو طالبانو سره د سولې دويمه غونډه وشي.

ولسمشر غني، وايي چې افغانستان په سيمه كې په سوله كې د ژوند حق لري او په دې برخه كې به پاكستان او يا بل چاته زارۍ ونه كړي.

په همدې حال کې د خوست قومي مشران له افغان ولسمشر غواړي، چې د سولې روانو کې د چا تر اغېز لاندې رانشي دي.

نن (چهارشنبې) افغان ولسمشر د ملي شورا له ځينو غړو سره خوست ولايت ته سفر وکړ او په دغه ولايت کې د وروستي ځانمرګي بريد د وژل شويو کسانو فاتحه وركړه.

افغان ولسمشر محمد اشرف غني:

د ټول ولس غوښتنه سوله ده؛ څوارلس کاله مو د سولې له پاره خبرې کړي، خو بریالي شویو نه یو؛ نو اول قدم واخستل شو؛ په پنځلس ورځو او یا دریو اوونیو کې به انشاألله دویمه کتنه هم وشي.

ولسمشر غني وويل چې افغانستان له پياوړي او قوي دريځ څخه د سولې په خبرو كې برخه اخلي او په دې اړه به كومې ډلې او يا هيواد ته زارى ونه كړي.

هغه وايي په سوله كې ژوند د افغانستان حق دى:

ما اول وار واضح او سلیسې خبرې ورسره کړي، او ورته ویلي مو دي چې ۱۴ کاله وشول چې تاسو له موږ سره په یوه نااعلان شوې جګړه کې یاست. د دې جنګ خاتمه د حق په اساس غواړو!؛ زه چاته ننوات نه کوم؛ زما ننوات یوازې قومي مشرانو او د شهیدانو کورنیو ته ده؛ د افغانستان رییس جمهور بل چاته ننوات نه کوي! په میړانه دریږو او خپل حق غواړو. سوله مو په منطقه کې حق دی.

 vlcsnap-2015-07-15-19h17m35s109

په همدې حال کې د خوست يو شمير قومي مشران هم د افغان حکومت د سولې د خبرو ملاتړ کوي.

هغوى له ولسمشر وغوښتل، چې په دې برخه په زړورتيا قدم واخلي او ولس يې تر شا ولاړ دى.

افغان ولسمشر په خوست کې د وروستيو تروريستي پيښو له قربانيو سره د مرستې ژمنه وكړه او ټينګار يې وكړ چې په راتلونكې كې به هم حكومت د دغو كسانو له كورنيو سره خپلې مرستې ته دوام وركړي.

په دې بريد كې چې د يكشنبه په مازيګر وشو ۳۳ تنه ووژل شول او ۲۳ نور ټپيان شول.

خبریال:فريدالله ظاهر

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!